مشكله من مشاكلي مع اهل زوجي

[Nossi]

السلام عليكم ورحمه الله وبركاته

امس رحت السوق وبعث لهم السائق عشان كانو يبونه خلصو وارجعوا البيت ويوم اتصلت عشان يجيني خذوة وطلعوا وما خلوة يجيني وقالوا لي خلي سائق اهلج يجيج ..,,hwaml4

اقهروني ودخلت معاهم في مناقشه حادة على التلفون

يعني موصيتهم من قبل
وانا الي طالبه من زوجي يجيب السائق
وماهمني حتى لو كلموني بالطيب انهم يبونه في هالوقت ومايقدرون ياجلونها لكن مب هالاسلوب لين اتصل يقولون خل هلج يجيبونج

المهم زوجي قاعد يهدد الحين ويقول بتشوفين لشبسوي فيج من اولها ماتحترمين هلي
مادري انا الي ماحترمتهم ولا هم الي ماحترموني ..،،

[Nossi]

قاعد يطرش مسجات من الصبح تهديد


خاطري ارد عليه وين احترامك انت ولا احترام اهلك جان حسيتوا اني مسؤوليتكم


بس اخاف تزيد المشاكل مالي خلق ..,,,

[انت لي وبس]

ربي يكون بعونك
رددي حسبي الله ونعم الوكيل
واكثري الاستغفار

[Nossi]

حسبي الله ونعم الوكيل


ليش محد رد علي

المشكله انه شغله في مدينه ثانيه هو يروح الصبح وينام بيت اهله الظهر ويرجع بالليل واخاف هالمرة مايرجع وينام الليل هناك وبعدين راح نبعد وايد لا صبح اشوفه ولا ليل
وهو طبعه اذا تهاوشنا حتى وهو غلطان مايعتذر ان شاء الله نتم شهر وانا لين اشوف الوضع طول لين شهر اراضيه بعد مايكمل عادي الا اذا راضيته

وانا ماابي يتعود على هالموضوع يخليني شهر لين اراضيه يعني اطنش لين هو يلين ولا شهر وايد واخاف يزيد هالمرة

[ليلى الحلوه]

في رد وصلج للاخت " إنته لي وبس" بس شكلج ما إنتبهتي فيه, وبالنسبه لاهل زوجج بصراحه الحركه إلي سووها ترفع الضغط وهو المفروض يتفهم ردت فعلج لانها طبيعيه جدا ويمكن إذا سكتي راح يكررون لج هالحركه أكثر من مره إنتي ردي عليه بمسج و إكتبي أنا هلي علموني أحترم الصغير والكبير وهلك هم هلي بس الحركه إلي سووها فيني مب شي إفرض مثلا إنه سواق هلي مشغول وفمكان بعيد أتم طول اليوم واقفه بالشارع و أنا والله ما حبيت أعصب عليهم بس حط نفسك مكاني وكلنا بشر ومحد أحسن من الثاني ومب من حقك تحط كل اللوم علي يعني هلك ملايكه؟!! وبعدين العصبيه والتهديد ما يفيد بشي راح يخرب علاقتنا وعلاقتي بهلك راح تسوء لازم تكون حقاني وتعرف منو المخطي فينا مب عشان هم هلك خلاص ما عليهم خطى , بس هالشي يه وراح و أتمنى ما يتكرر مره ثانيه و لازم يكون عقلنا أكبر من جيه و ما نستوي يهال على أي شي نتضارب ونهدد , إنته ريلي وأنا زوجتك وكل واحد فينا يكمل الثاني و إنته وربي غالي علي وهلك بعد غاليين ومب هالسبب إلي راح يخلينا نتهاوش ونتزاعل و أتمنى تكون فهمتني... و أتمنى لج التوفيق...

[Nossi]

ماجا البيت شكله بينام بيت هله

ماابي اتصل وكلمه عشان مايسمعني كلام ثاني مالي خلق اسمعه

[لشموخي روايه]

هاي حبيبتي نصيحه لكي من اخت عانت كثير من اهل الزوج
الباب اللي يجيك من ريحه سده واستريح
انا حذفت ارقام اهل زوجي من جوالي وماكلمهم ابد
زياراتي لهم رسميه من عيد لعيد خمس دقايق وامشي وكلامي معهم ايضا رسمي وبحدود
وبالنسبه لزوجي يكلم اهله مايكلمهم يحبهم او مايحبهم ماصرت اتدخل فيه من هالناحيه لامن قريب ولى من بعيد
والله العظيم وربي يشهد على كلامي اني ارتاحت نفسيتي كثير وانتهت المشاكل
ومالك الا الصبر ياقلبي

[angle]

اتفق مع الاخت ليلى ...
الله يسخر لك زوجك و يحنن قلبه
و يتصل عليك و يقول لك متشاق لك و جاي اخذكhwaml29

طمنينا لما ترجع المياة لمجاريها ... القلب داعيك اختي

[Nossi]

كلامكم صح لو انا في بيت بروحي


لكن انا مع اهله في البيت !!!

وهم مايحبونه يسوي لي شي

كل ماجاء بيحط لي شي قالوا ماتحطه لها لنا وهي اذا تبي تجي تستاذن منااااا


وقيسي عليه كل امور حياتي ..,,

زوجي طيب وكريم لكن ضعيف قدام هله ...,,

[الكاردينيا]

الله يكون بعونج ويصبرج واكيد الحق وياج بس حاولي تكسبين زوجك الج بكل الطرق وخلي يتعلق بيج اكثر وان شاء الله راح يتغير وياارب يهدي الج وترتاحين

[عشق البداوة]

لا حول ولا قوة الا بالله
الله يكون في عونج وتتيسر امورج ان شاء الله في اقرب وقت ..
انا حاسه فيج لاني عايشه مع اهل زوجي .. الحمدلله على كل حال
تصير مشاكل و في نفس الوقت تصير امور وايد حلوة بينا وعلاقتي معاهم وايد اوكي ولكن في بعض الاحيان تحصل مشاكل سببها أن ريلي ضعيف قدام اهله وخاصه امه لو انها غلطت علي بيسكت مابيرد وانا اتم شايله هم وافكر و في الاخير تخترب عني الدورة وتتلخبط من كثر التفكير

انتي لا تفكرين وتعورين راسج وتعايشي مع الوضع وحاولي تسيطرين على الامور بأسلوب هادي ولا تعطين أي شخص اكثر عن قدره
وزوجج حاولي انج ما تشدين معاه لان لو شديتو انتو الاثنين في نفس الوقت بتكبر المشكلة حبيبتي
انتي كلميه وتفاهمي معاه بأسلوب هادي ولا تعلين صوتج عشان يحترم كلامج ويحطه ف باله

[منى العين]

تقريباً صارت لي مشكله مع اهل زوجي على سواق

اجل بقولك سالفتي انا يا طويلة العمر عندنا سواق في بيت اهلي بس كله مكروف في بيت اهلي وبيت ابوي الثاني
وبيت عمي اهل زوجي جابو لهم سواق يعني صفاعه مثل هالصفاعه ماراح تلقين هم بنت في الجامعه ما تجي الا خميس وجمعه
وولد في ثالث متوسط وزوجي يخلي السواق يوديني المعهد ويودي 3 بنات بس بفلوس ياختي ذلو زوجي على السواق
هذا لنا وهذي كله تاخذه حق صحباته مع ان ما آخذه الا نادراً والسواق هههههه ما يشتغل يخلوه برا بس ما احد ياخذه
ما عندهم مشاوير ما فيه الا اخو زوجي يجرب مطعم مطعم وفوق هذا كله ما يبي يعطي السواق راتبه كامل يعني تخيلي
راتبه المفروض 1200 يبي يخصم عليه ويعطيه يا 600 او 300 والابو كبييير يقصون عليه ماله بهالسوالف يعطيهم
المهم اخت زوجي الهبله راحت بيت خالها وفرو عقلها علي مع اني مالي فيها وجات تقول لزوجي حنا ما نبي فلوس
مو محتاجي بقول لأبوي قال ابوها ايوه انا عارف وهذا هم البنات يعطوني فلوس وعصبت السواق لنا وهذي مرتك كله تاخذه
وهي كله تهدد انها بتفضحه بشغلات تافهه يعني في طفوله سواها في المدرسه تقول بفتن اي شي تقول بفتن وبفتن اذا ما تسوي
الشي الفلاني حتى في الخطوبه ما سلم منها هالمره قال ما هميتيني وقعد يضحك عليها عصبت وقالت بوريك
وراحت غرفتها وقفلت الباب وودخلت عالوتس آب وما خلت كلمه عني قالت لي يا بنت النعله وكلام وسسسسخ مره
تقولي انتِ مفشلتنا في كل مكان ما احد من عيلتنا يحبك >>> وهم ما عندهم عيله في عرسي عيلتي الا جات انا عيلته كم وحده ولا بينهم مشاحنات
وقالت لي كلااااام حتى قالت خلي اخوانك يلعبون فيك تخييييلي
انا انهرت وطحت وعصب وقمت اصيح كنت في الشهر الخامس ودقيت على زوجي سمع صوتي متغير وجاني وركبت السياره
وانا اصيح ورويته الا كتبت عصصصصصب عدل عليها قبل ما يرضى عليها بس احيييين اغلط عليها ساكت لانا الا سوته مو شويه
ولا راحت الرياض هنا سفر السواق هنا عشان تتأذب ولحد احين ما يكلمها وانا الحمدلله مرتاحه ان ما يكلمها ولا ابيه يكلمها
لانها غبيه قبل ما يرضى اتكلم عليها ويهاوشني احيين يوم شاف ان هي الا تتمادى علي خلاص قلب عليها

[just me]

الله يعينك ويصبرك يارب