السكن مع اهل الزوج

[انثى من زجاج]

بنات انا رح اسكن مع اهل زوجي في نفس البناية اناراضية ومقتنعة بكده بس المشكلة الوحيدة اني خايفة يتحكمو بطلعاتي والشي الثاني اللي بسأل عنه وشلون اخليهم يحسون اني ذربة وست بيت لأني قبل ماكنت ازورهم دايماً يعني مايعرفو عني كثير وسلفتي ساكنة بنفس البناية كمان علموني وشلون اتصرف متى اطلع لهم ومتى افتح بابي لهم واسمح لعيالي يزوروهم اي وقت عطوني افكاركم ونصايحكم ولا تبخلو عليه تراني مرة شايلة عليكم ومايعاتبكم الا اللي يحبكم

[روز بااريس]

بنات انا رح اسكن مع اهل زوجي في نفس البناية اناراضية ومقتنعة بكده بس المشكلة الوحيدة اني خايفة يتحكمو بطلعاتي
الشي هذا بيدك لايدرون انك بتطلعين ولاتشاورينهم اطلعي سكاتي





والشي الثاني اللي بسأل عنه وشلون اخليهم يحسون اني ذربة وست بيت لأني قبل ماكنت ازورهم دايماً يعني مايعرفو عني كثير

مافهمت عليك كيف يعني يحسون انك ذربة

بس خلي بيتك دايم نظيف ممكن باي لحظه يطبون وكمان اذا صار عندهم مناسبه او شي روحي وساعديهم





وسلفتي ساكنة بنفس البناية

ماعليك منها اعتبري نفسك ساكنه ببنايه لحالك مافيها احد من اهل زوجك



كمان علموني وشلون اتصرف متى اطلع لهم ومتى افتح بابي لهم واسمح لعيالي يزوروهم

خليك وسط يعني مو كل يوووم والثاني عندهم لا مرة بالاسبوع اطلعي عندهم وبس واذا احد تعب اطلعي سلمي احسسن لك خليك بعيده





اي وقت عطوني افكاركم ونصايحكم ولا تبخلو عليه تراني مرة شايلة عليكم ومايعاتبكم الا اللي يحبكم




والله انا نصيحتي الوحيده دامك رضيتي تسكنين معهم اوكي بس ابدا لاتشيلين هم ولاشي هم بشقتهم وانتي بشقتك اعتبريهم مو موجودين وبس اريح لك وبعد عن المشاكل







والله يعينك ..

[ryma...]

بنات انا رح اسكن مع اهل زوجي في نفس البناية اناراضية ومقتنعة بكده بس المشكلة الوحيدة اني خايفة يتحكمو بطلعاتي والشي الثاني اللي بسأل عنه وشلون اخليهم يحسون اني ذربة وست بيت لأني قبل ماكنت ازورهم دايماً يعني مايعرفو عني كثير وسلفتي ساكنة بنفس البناية كمان علموني وشلون اتصرف متى اطلع لهم ومتى افتح بابي لهم واسمح لعيالي يزوروهم اي وقت عطوني افكاركم ونصايحكم ولا تبخلو عليه تراني مرة شايلة عليكم ومايعاتبكم الا اللي يحبكم

هلا عيوني
شوفي ياعسل بما انك ساكنه في شقه لحالك يعني اعتبري نفسك مستقله في بيتك لانه هذا شي يخصك انتي ولا تعيشي نفسك فكرة انه لازم اراعي كل شي في طلعاتي ودخلاتي واعيش على نظام معين .... لانه كذا هتصير حياتك ممله وروتينيه وانتي نفسك هتملي بعد فتره لانك بتحسي انو حياتك صايره كانها دوام .......
اهم شي في الموضوع انك تعاملي اهله باحترام .... ولاتقارن نفسك بسلفتك وغيرها ... وخلي ثقتك في نفسك قويه ... لانه اهم شي انتي تكوني راضية عن نفسك قبل ماتحاولي ترضي احد ثاني.....

ولاتعطي موضوع سكنك معهم اكبر من حجمه ... ترى كثير نعرفهم ساكنين مع اهل ازواجهم وفالينها مرررره .......
اتمنى اكون افدتك والله يسعدكي ويهنيكي يارب ......

[احلى من العسل]

الله يوفقك ومنزل العافيه يارب لاتشيلي هم ياقلبي طالما انتي بشقه مستقله عادي لاتغيري نضامك عيشي حياتك زي ماكنتي بعيده وخليك رسميه بعض الشي معاهم احسن واذا جات مناسبه خليك اول من يقدم المساعده لهم واذا كنتي تبغين تزورينهم اولشي اتصلي وقولي انك بتجينهم موتروحي كذا عشان هم مايجونك الاباتصال احسن والاوقات الي تزورينهم فيها بعد صلاه العصراوالمغرب ولمن تسولفين لاتفشين اسرارك الزوجيه ولاتتكلمي عن ادق التفاصيل بحياتك خلي فيك جانب من الغموض ولمن تروحي عندهم خذي معاك صينيه حلى من عمل يدينك وخليك على طول مرتبه بلبسك وببيتك والله يوفقك

[مهره الدنيا]

اي وحده تكون ساكنه مع اهل زوجها

حياتها تصير جحيم لأنهم راح يدخلون بكل شي

انا ساكنه بعيد عن حماتي وفي اليوم تدق

اكثر من ثلاث مرات

وتدق على التلفون عشان تشوفنا في البيت

ولا برا

الله يعينك ويوفقك يارب

[مشاعل الدوسري]

السلام عليكم ..


بلاول مبروك ..
لا تخافين و لا تحاتين و اعتبريهم اهلك

ثاني شي شوفي شنو طبايعه يعني لو هم من النوع اللي بيحبو الهدؤء و النظام ..

او من النوع اللي عادي باي وقت تروح لهم من هذا الكلام في البدايه .. و على طووول

تعاملي معاهم بكل ادب تذكري اي غلطه بيقولون اهلها ماربوها فا يا قلبي مهما يصير
و مهما يتكلمون تحترمينهم و ابد سوووووووووووووووالف الحريم ما تنقلينها لزوجك ..
اختك قالت زوجة اخوك قالت امك اليوم سوت .. ابد ما تحكين ..

الا اذا بتمدحين امدحي يحليلهم اهلك جمعتهم حلوه و من هذا القبيل
اعتبري خواته خواتك و تعرفي عليهم و تقربي منهم
امه شيليها على راسك و اخدميها و اكرميها

لان الزوج لا شافك كذا دااااااايم معاهم صدقيني بيكون مرررررررررررررررره مبسوط
و بيحمد ربه عليك .. و بيحط بعينه .. لانك انتي اكرمتيه بمعاملتك الكويسه لاهله .. لذالك هو بيكرمك و بيحترمك اكثر اذا سال امه ها شرايك فيها و امدحة فيك و مو مهم تمدح المهم ما تجيب طاريك بلشين و بلعيب ..


و في حالة ان صار بينكم خلاف لا سمح الله لا تحكين معاه و اذا جاء قالك ليه ما قلتي لي ..
قوليله سالفه صارت بيني و بينهم انت مالك علاقه .. هذي سوالف حريم عشان كذا ما قلت لك ...
و اذا تبي تعرف بقولك اللي صار .. دام هم حكو لك و هيك شغلات ..


حبيبتي موضوع انهم يتحكمون فيك لا ما اعتقد تصير ابد دااام زوجك هو اللي مسئول عنك ..

لكن بعد انتي من البدايه لا تصير رجلك خفيفه و كل شوي بروح بيت اهلي و بيت اهلي لا

بلعكس بيت اهلك تعرفينه و انتي من نفسك قلتي انا ما اعرف اطباعهم و لا طريقتهم

فا هم اولى بلزياره اذا حابه تروحي لهم خبريهم قبلها بيوم او من الصباح بدري قولي لخالتك اليوم بنزل لكم العصر

اقعدي وقتك في البدايه لزوجك و اهله
و حاولي تكوني خدومه و بنفس الوقت رسميه و لا تتعدي حدودك و تتدخلي بأمور ما تخصك ..


انا عن نفسي كنت استحي لكن كنت اجبر نفسي .. اني اروح لبيت اهله و اقعد و اتعرف عليهم

لو حتى مارحت لاني ساكنه قريب منهم بس ادق اسال و اسلم..

و تعودو علي اوقات ادق اقول لام زوجي ارتاحي انتي اليوم لاتسوين العشاء انا بجي و بسوي لكم العشاء

و اوقات اروح لهم العصر و اودي الكيك و احلى و هيك شغلات

و مهما صار و مهما يقولون لي ما اقول حق اهلي

يعني سوالف اللي تدور بيني و بينهم لها خصوصيا

حتى اهلي ما اقولهم عليها لا اساللتني امي اقول الحمدالله بخير..

كل اللي يسالني اقوله الحمدالله ..

يعني اكرمهم و اتعامل معاهم بللي يرضي ضميري و ربي و اذا ماعندي شي اسال عليهم من بعيد الى بعيد و اتعذر و اتحجج بلتعب و الارهاق الجسدي ..

ما اخلي حد يمسك علي شي بلشين و اصلن ماراح يلقون ههههههههههههه لان الحمدالله معاملتي لهم واضحه ...


و طبعي الحمدالله سنع ..

و اهم شي لا تصيرين نقاااااااالة حكي ... اي مشكله تصير في بيتهم ابد ما تقولينه لاحد و تحترمين خصوصيتهم ...

.. و بس اتمنى افدتك بشي ..

[انثى من زجاج]

يسلمو على الردود الحلوة وليه كذا زعلانة على اهل زوجك يامهره الدنيا بالعكس انا حاسة اني بتتحسن اوضاعي مع زوجي اللي مو متحمل مسؤولية ابد بس خايفة من تحكمهم شويتين ومشكورة يامشاعل الدوسري من جد كلامك اقنعني اشكر الجميع على تفاعلهم

[شوق وحنين]

مو شرط انهم يطلعون مثل ما انتي متخيلة اختي..

أنا عن نفسي ساكنة في شقة في بيت اهل زوجي والحمد لله أهله طيبين ما يتدخلون في طلعاتنا ودخلاتنا.. حتى ما يجوني فوق أنا أنزل لهم كل يوم.. والي ساعدني في هالشي ان زوجي ما عنده اخوان ماخذه راحتي hwaml02
وحتى غداي وعشاي دايماً معاهم صرت فرد من العايلة والحمد لله..
واذا يوم مالي خاطر أنزل عادي وبعض الأحيان أسوي عشا لي ولزوجي وناكل بروحنا.
طبعاً بين فترة والثانية أنا أسوي وجبة العشا أو الغدا أو طبق حلو وأحسب العايلة كلها..

أذكر كنت متخوفة من نفس الأمور الي ذكرتيها بس الحمدلله كل شي مستقر..

شي طبيعي بتلاقين اختلاف في الطبايع أو صعوبة في التأقلم مع بعض الأشياء لكن في الأخير بتتأقلمين ان شا الله مع الحياة الجديدة..

انتي خلك فليكسبل بس وخلي كل شي يمشي بشكل طبيعي بدون ما تفكرين فيه وااايد hwaml02

والله يوفقك

[جمـــــانة]

حبيبتي انا ما راح اخوفك من السكن مع اهل الزوج بس شي طبيعي راح تكون في شوية مضايقات سببها اختلاف الاطباع و البيئات بس بعد هذي الامور مع مرور الزمن راح تتلاشى و راح تتعودين عليهم ويمكن ترفضين انك تطلعين في بيت بروحك في المستقبل من كثر تعلقك فيهم.
اسمحي لي اقول لك عن تجربتي مع السكن مع اهل الزوج، انا كنت من اشد الرافضين لفكرة السكن مع اهل الزوج و السبب امي اللي دايما تقول اتحملي تغلطين هالغلطة روح بعيد ترجع سالم وانا كنت ارفض اللي يتقدمون لي بها السبب و بعدين يوم جاني راعي النصيب ما قدرت اقول لا خخخخخخخ.
المهم في بداية زواجي لاقيت مشاكل كثيرة من ناحية تدخل امه و خواته في حياتنا و هم كانوا يحسبونه اهتمام مو تدخل وكانوا طول اليوم قاعدين بشقتنه (مع العلم اني ساكنة في شقة منفصلة عن بيتهم) و انا من النوع اللي اقدس الخصوصية و احب اقعد بروحي استرخي وهم مو راضيين يفهمون هالفكرة على بالهم اني مسكينة متمللة و يبون يجون يسلووني، وهذا كله من زود حبهم لي و اهتمامهم الزايد اللي خلاني اكره القعدة في الشقة صرت اهرب من الوضع و اروح بيت اهلي طول اليوم ما ارجع الشقة الا في الليل و هذا الشي سبب لي مشاكل مع زوجي.
ما اطول عليكم، قعدت مع زوجي و شرحت له الموضوع و قلت له لازم يساعدني علشان ارتاح في بيتي لازم يكلمهم باسلوب حلو و يشرح لهم اني احتاج وقت لنفسي و هم يقدرون يزوروني بس مو يطولون و لا يقعدون طول اليوم داخليين طالعيين علينا.
المشكلة خفت كثيييييير و الحمدالله الامور طيبة بيني و بينهم و ما انسى اني تنازلت و حاولت اتاقلم على الوضع.
حاولي حبيبتي انك تحددين طريقة حياتك من البداية يعني وقت الزيارة و وقت الخصوصية و لا تحتكين فيهم كثير عشان ما تصير مشاكل يعني خلي علاقتك وياهم رسمية.
وتمنياتي لك بالتوفيق.

[ام لطفلين]

بنات انا رح اسكن مع اهل زوجي في نفس البناية اناراضية ومقتنعة بكده بس المشكلة الوحيدة اني خايفة يتحكمو بطلعاتي والشي الثاني اللي بسأل عنه وشلون اخليهم يحسون اني ذربة وست بيت لأني قبل ماكنت ازورهم دايماً يعني مايعرفو عني كثير وسلفتي ساكنة بنفس البناية كمان علموني وشلون اتصرف متى اطلع لهم ومتى افتح بابي لهم واسمح لعيالي يزوروهم اي وقت عطوني افكاركم ونصايحكم ولا تبخلو عليه تراني مرة شايلة عليكم ومايعاتبكم الا اللي يحبكم
هلا بك اختي ...

طالما انك ساكنه في نفس البناية وليست في نفس المنزل فهذا بحد ذاته تمام جدا فلا تخافي من شي وبالنسبه لكلامك كيف تخليهم يحسون انك ذربه فهذا يعتمد عليكي وعلى طبيعتك واسلوبك . وابعدي عن المشاكل والاحتكاك المباشر