سعر سليمان فقيه .. و المستقبل

[أُمـنِـيه]

السلام عليكم و رحمة الله

يسعد ايامكم يا حلويين
رح أولد في رمضان بـ إذن الله أو العيد ..
ايام مباركه ان شاء الله ربي يسهلها علي و عليكم ..

بسألكم عن سعر الولاده في سليمان فقيه بجده .. كم ؟
حاولت كم مره اتصل بس محد يرد ..
ابغى اعرف كممممم الولاده .


و مين عندها معرفه سابقه عن مستشفى المستقبل ..؟!
كيف الولاده عندهم ..
السعر في المستقبل 5000 ..
لكن ماعرف شي عنهم ..


ربي يسعدكم جاوبوني ..

[نبض التحدي]

انا ولدت قبل سنة وثمانية شهور في سليمان فقيه
غرفة درجه اولى وعند الاستشاريه دلال بوقس ب8500 مع قيمة الغرفة والعلاجات كلها 9800 ولادتي طبيعي
وسلفتي ولدت قبل اسبوعين في المستقبل سوت عمليه ب12 الف

[نبض التحدي]

الصراحة سليمان فقيه خدمات وعناية افضل بكثير من المستقبل انا مااعرفه المستقبل لكن من كلام سلفتي
بس الفلوس اغلى في سليمان فقيه وقبل اسبوع سألت سكرتيرة د. عفاف قالت حول 8500 الى 9000 الطبيعي العملية 14 الف وهذي من غير درجة الغرفة اذا كانت درجة اولى

[nwarah]

انا ولدت بسليمان فقيه بس كنت عالتامين
روحي لعندهم واساليهم
صراحة انصحك فيها جدااا ممتازة حتى لو غاليه اهم شي يعتنوا فيكي
ولا تروحي لمستشفى رخيص ويلعبوا فيكي

[الحلوين]

مستشفى فقية رووووووعة
بس بكم سعر الولادة عند سحر ملودي ؟

[بشرى الحمود]

سعر الولاده عند سحر ملودي ...واتوقع للكل الدكاترة
8500 طبيعي
13 الف قيصري ...
غرفة درجه اولى يعني لوحدك محد معاكي

اما الدرجه الثانيه تكوني انتي ومعاكي وحده بس
للطبيعي اتوقع 7500 والقيصري مااااعرف ...

[مهره الدنيا]

حبيبتي انا ولدت في سليمان فقيه

طبيعي واللي ولدتني الدكتوره المناوبه

وكلفت الولاده 11000 ريال بس على التأمين

وأنصحك بي فقيه للولاده هي صــــــــــــح غاليه

بس الولاده عندهم جناااان ما شاءالله

وما أنصحك بالمستقبل أقاربي ومرت اخوي

ولدت فيها ومحد شكرها بالمره

واهم شي ياعمري الولاده تساهيل من عند ربي

والله يقومك بالسلامه