خواتي ابي منكم مساعده !ممكن؟ هل هذه اعراض ولاده

[بشورة فيصل]

السلام عليكم يا اخواتي
انا من زمان اتابع منتدى حوامل وادعي لكل وحده
لانكم افدتوني كثير وان شاء الله هالمره بعد تفيدوني يارب
حبيباتي اول شي انا باقي لي كم يوم وادخل بالاسبوع 35
وصاير معاي اشياء جديده ما ادري هل هي علامة على قرب
الولاده ولا لا؟ ياليت تساعدوني ..
الاعراض هي صداع الم زي الدوره بس خفيف يجي ويروح
نغزات من تحت احيانا خفيفه واحيانا تمووت ورجولي من الحوض
الى الركبه تعورني مره وافرازات كثيره مره لدرجه انو ملابسي الداخليه
بسرعه تبتل وظهري الم فضيع احيانا ما اقدر انام منه والاعراض هذه
زادة خلال 3 ايام وما ادري هل هي علامه على قرب الولاده ولا لاء
مع العلم اني بكريه ولا اعرف شيء ..
واذا مو ولاده ابي شي يقرب موعد ولادتي لاني تعبت ابي اولد واروح عند امي
مشتاقتلها ..وبس

الله يعطيها العافيه اللي ترد علي ويرزقها باللي تتمني .. العذر والسموحه طولت عليكم

[حامل لأول مرره]

الله يتمم لك على خير اولا

ثانيا هاذي الالام كلها تعاديل بالشهر الاخيرر

يعني جسمك بيتجهز للولاده

عموما انا بكريه مثلك وذا اللي فهمته من امي

بخصوص النغزات انا كنت اشكي منها مثلك واحسها زي الفقاعات

ورحت واكتشفت السبب لانه راس البيبي تحت

والافرازات مو عارفه ان شالله يفيدوكي الاخوات

بس لاتعجلي ع نفسك بالولادة انتي لسى 35 اسبوع

يعني ممكن يتولد البيبي وينحط بالحضانه لازم من 37 اسبوع وفوق

وياررررب يقومك ويقوم كل الحوامل بالسلامة

[jorri sham]

حبيبتتي يمكن ولاده لانو يمكن ماء الجنين عم ينزل ازا عم تحسسي تبلللللللل والالام يمكن طلق بس خفيف
روحي دكتووووووورة فوووووووووووورا لانو ازا نشفت الماء عنج جنين خطرر

[na3ooma]

بشكل عام جسمك يتجهز للولادة لكن مو ولادة فعلية لسه بدري مره
ولاتلعبي بنفسك الولادة لها موعد وماراح تقدري تقدميهاا
والاسبوع 35 بدري حبيبتي
تقريبا من بعد 37 اتوقعي تولدي بأي وقت ((لان تاريخ الولادة المتوقع يكون قبل الموعد باسبوعين او بعده باسبوعين ))
انتي امشي كثير علشان الحوض يتوسع ويشتد وينزل الجنين فيه وكلي تمر نشطي وقوي رحمك

[magnum44]

انا انصحكك تروحي المستشفى حبيبتي
والله يقوومك يااارب بالسلامه

[دمعة ندى]

حبيبتي الصداع يمكن قلة نوم اكل مادري والله

والنغزات انا حسيت فيها بس مو قويه لدرجة انها لا تطاق

اما على الافرازات احس من الاسبوع 35 وانا يوم عن يوم تزيد وقلت لدكتورتي بس شافت ان ماء الجنين كويس مافيه شي وسمعت كثير في النت ان هذا طبيعي

وانا حسيت من نهاية الثامن بالم وتحجر قوي وخصوصا بعد الجماع والحين انا اخذت اسبوعين في التاسع ولا احس باي شي مثل قبل

[بشورة فيصل]

الله يسعدكم يارب ويعطيكم الف عافيه ان شاء الله
وربي يحقق كل امانيكم يارب
بس الم الظهر متعبني وكل يوم يزيد مافي حل ؟

[magnum44]

الحل حبيبتي روحي المستشفى
والله يسرها لك ياااارب

[بشورة فيصل]

انا اراجع عند مستشفى حكومي
ومايصير اروح الا بموعد :(
ويوم اطلب منها تسوي لي شي ماترضى

[ليلى الجميلة]

الله يقومك بالسلامة

[magnum44]

شوفي حبيبتي بشوره
حتى لو تراجعي عند حكومي
روحي قسم الطوارى وخبريهم باللي فيك
وبعدها بيحولوك الى قسم الولادة
والله يقوومك بالسلامه ولا تنسي تبشرينا

[بشورة فيصل]

بقولكم اليوم وش صار معاي
الساعه 6 الصبح قمت على مغص بطني
زايد عن كل مره المهم قلت شوي ويخف
مرت يمكن 4 دقايق وتجيني آلآم فضيعه
وقام البيبي يضغط تحت وانا اتاالم بس
اقدر اتحمل يعني وكل شووي اقوم الحمام
وانتو بكرامه واصير اقرا قران وحسبتها
الولاده وبغيت ابكي بس ربكم سترها
الالم اللي جاني وشوو ؟
واستمر لساعه 9 وبعدها راح

[بشورة فيصل]

علما باني دخلت التاسع توني اول يوم او اول يومين

[ياسمينة نجد]

حبيبتي ودي أفيدك بس أنا بكريه ومالي خبره
افضل حل انك تروحي تتمني بمستشفى خاص او تروحين الطوارئ عشان يكشفون عليمي
هناك بتلاقي دكتوره نساء بتفيدك وتعمل لك اللازم
والله يقومك بالسلامه

[بشورة فيصل]

مشكوره على ردك اختي ياسمينة نجد
وان شاء الاخوات يفيدوني

[بشورة فيصل]

افا :(
وين الباقي ساعدوني تكفون