حقيقه البطن بعد الولاده !!

[طفلة النساء]

السلام عليكم
انا في ثاني اسبوع من الشهر التاسع

باسالكم اسئله من جد شايله همها :(

الحين كيف يصير شكل البطن بعد الولاده؟
صدق مررره مترهل؟؟ و متعرفط؟؟
ولا بعض البنات يبالغون

شلون يرجع وش لازم اسوي عشان يرجع ويروح السواد اللي فيه؟
ابي نظام مجرب تكفون

تكفون محتاجين خبرتكم هذا اول حمل لي ومره خايفه من شكل بطني بعد الولاده :(

[سكرة عشق]

الله يعطيك العافيه ع الموضوع
تسلمين يارب
الله يسهل عليك ان شاءالله
انا كمان بكريه زيك ومتخوفه من هالشي
بس ياليت البنوتات يفدونك ويفدونا معاكي

[النوريه]

ياقلبي اكيد بيكون مترهل و متغير لونه .. ولاتنسين ان جسمك مليان مويه وبيبقى على الأقل شهرين لين يتخلص من الماء الزايد
بس عادي فتره ويرجع طبيعي ..
في ناس تربطه بعد اسبوع من الولاده الطبيعيه مو القيصري .. القيصري ماينفع ربط
انا ماربطته ماتحملت الشد صراحه ..
وقاعد يرجع شوي شوي .. واللون بعد جالس يتفتح شوي شوي ومو مستعجله عليه
وجالسه اسوي حميه خفيفه جدا يعني على خفيف لأني ما أرضع ..
بس اللي ترضع غير ..
و مع المشي يرجع عادي
انا قبل كان بطني لاصق بظهري .. كنت أمشي كثير وأحب المشي مره
ف من اول ما تولدين خلي نص اكلك سلطات واشربي مويه كثير
وأول ماتطلعين من النفاس امشي .. المشي سحر الرشاقه صراحه ..

[النوريه]

وفي حاجه نسيتهآ بعد اللي هي الأكل .. في فترة النفاس لاتجوعين
بس لا تاكلين لين تتخمين .. واستبدلي الدقيق الأبيض بالبر ..

[طفلة النساء]

الله يجزاك خير :(
يعني مافيه امل اطلع من ال40 تمام؟؟ :(

[samoka]

والله انا كمان بكريه وبيراودني كتيير السؤال ده
خصوصا ان الحمد لله جسمي كتييييييييييييير مشدود ومتناسب جداااا مع طولي
فخايفه اوي من موضوع الترهل ده
يا ريت اللي عندها خبرها تفيدنا

[النوريه]

ياقلبي تتهاونين اللي فيه الحين ؟؟
وزن بطنك الآن لحاله يوصل أربعه أو خمسه كيلو
تتهاونين كمية الماء وحجم الجنين والمشيمه ؟؟
أصلا مجرد ماينفتح كيس الجنين وتطلع المويه تلاحظين بطنك يصغر
وبعد مايطلع الجنين يصغر وبعد ماتطلع المشيمه يصغر زياده ..
ويصير فيه ترهل ..
بس لازم تهتمين فيه ..


وفي نقطه مهمه نسيتهآ ..
الرضاعه الطبيعيه تساعد على النحف .. حتى امي قالت لي إذا رضعتي طبيعي ينشد بطنك ..
بس مع الأسف ولدي رافضني !!

يعني لاتهملون الرضاعه الطبيعيه ..


والله يتمم لكم بخير وتشوفون اطفالكم ..

[أم السنافر]

حتى انا بكرية وخايفه

والله يستر بطنى كان مشدود وخايفه يفسد من الحمل

بس ان شالله رياضه وزيوت واهتمى باكلك ويرجع كويس

امى تقولى هدا الكلام

[مشاعر أنثى]

انا بكريه ولسى والد وفي فترة النفاس
لاحظوا كان

كان

كان بطني مشدود
ولدت



وكانت المفاجأه







بطن





متررررررهل ومتعرفط وسواد

يؤ يؤ يضيق صدري لاشفته :(

يعني لاتنصدمون مثلي


والحين لي 30 ولا تغير

[كاتليا]

انا حملت مرتين
وبعد الولاده بأيام كان بطني مترهل وفيه سماار بصراحه بس مع الايام رجع ينشد
اهم شي ا,, هتمي باكلك لان بيكون سهل في البدايه يرجع زي اوول وعليك بالمشي
والله يابنات انا مانفعني غير المشي .. كنت امشي كثيــــــــــــــــــــر مرات ساعه ونص ومرات ساعتين
ولا تكثري الاكل الي فيه دهووون خلي اغلب اكلك ايداامات واشياء خفيفه
:

وبالنسبه للسمااار مافيه اكثر من الصنفرات منها الجاهز ومنهااا الطبيعي وزيووت الجسم والكريمات
وع فكره كثرة التدليك تشد الجسم ...

..

وآآخيراا
الرضاعه الطبيعيه مفيـــــــــــده للام .. ترجع الرحم نفس حجمه وتنظفه وتشد الجسم

اتمنى افدتكم بالاشياء الي جربتهااا والي ان شاء الله رح اسويهااا بعد ولادتي
::
::
:

[ام ملك ونور]

اللة يسهل ولاتك يارب واذا علبطن انا عن نفسي والدة مرتين بس الحمد للة ماعندي لابطن ولاتشققات..كنت بعد ما اولد وطبعا انا اولد طبيعي بعد كم ساعة من الولادة اشد بطني بلمشد او شماغ وبعد كم يوم استخدم كريم التشققات نفسة مال الحمل وشد بطني الحد 20يوم لان ابصراحة احسة مزعج بس نتائج الشد حلوةويقولون الرضاعة الطبيعية تخفف كثير من الكرررررشhwaml03 وهذا صحيح

[طفلة النساء]

الله يجزاكم الجنه
ينفع امشي عالسير وانا في النفاس؟ بعد مثلا 15 يوم؟

[طفلة النساء]

اللة يسهل ولاتك يارب واذا علبطن انا عن نفسي والدة مرتين بس الحمد للة ماعندي لابطن ولاتشققات..كنت بعد ما اولد وطبعا انا اولد طبيعي بعد كم ساعة من الولادة اشد بطني بلمشد او شماغ وبعد كم يوم استخدم كريم التشققات نفسة مال الحمل وشد بطني الحد 20يوم لان ابصراحة احسة مزعج بس نتائج الشد حلوةويقولون الرضاعة الطبيعية تخفف كثير من الكرررررشhwaml03 وهذا صحيح

ماشالله تبارك الله

بعد الولاده بكم ساعه؟
ماشالله عليك اشوف الناس تقولي بعد يومين او 3
لانك ماراح تقدرين ع طول

[>>>مصرقعه<<<]

مشكورين معلومات روعه........................

[محبه الاسلام]

وانا بعد بكريه طيب عادي اربط بطني من البدايه ولامتى يصلح اربطه وابي استخدم خلطه تفتيح طبيعيه اللي عندها تفيدني

[ماكنتوشه]

يا الله انا ايش موديني لقسم الولاده وانا توي بسسم الله في اول شهر
بس كمان يجيني نفس وساويس الاخوات اللي قربو ع الولاده ^_^
شايله هم بطني من الحين مابغاه يكبر ويصير مترهل بعد الولاده

[طفلة النساء]

اللي اشوف كثير يمدحونه ولاااازم تحطين منه كل مااافضيتي في اليوم مرتين او 3 عادي
جليسوليد وليمون

[فرحته دنيتي]

انا جاتني الصيحه يوم شفت بطني ولا ضايقني الخطوط الحمرا الي على الجوانب انا مثلكم بكريه بس اطمنكم
السواد اشوفه قل عن الاول ونصيحه مع كل سبحه فركي جسمج بالمقشرات والصابون المغربي لانه يساعد

[ام حنونه3]

الله يعينكم على الصدمه الى بتشوفوها يابكريات اذا كان بطنك متغير وانتي حامل بيتغير بعد الولاده اذا وانتي حامل طالع فيه خطوط حمراء وبيضاء وسمار على السره الله يعينك اجل واذا ماتغير فيه شي بس كبر حجمه اذا ولدتي يكون مترهل بس مايفجع شكله زي الي فيه سواد وخطوط وترهل بعد بس الحمدالله كلش باجره ان شاءاالله واهتموا بنفسكم انابعد ولدي الثاني وبعد سمنه فضيعه وترهل يوم صار عمر ولدي سنتين قررت انحف ودخل بطني بظهري ماشاءالله وكثرو من المشي

[ملاك86]

حبيبتي عليكي بزيت اللوز المرر ادهني بي بطنك وشديها حتنزل وتنشد

[احلا بنت]

عافاج ربي ع الجهود الطيبه

[زهرة الجنوب]

ياحبيتي عادي يكون بطنك مترهل انا حملت مرتين والحمدالله ماطلع من الاربعين الاوهو راجع بطني انتي حاولي تشربي اشيا حاره وتاخذي حزام شدي بطنك فيه وخلي اكلك صحي وهو راح يرجع لاتخافي --الله يقومك بسلامه وكل شي راح يرجع مع الوقت ---

[ســكـــرهــ]

يؤ يؤ يؤ
كل هذا يعني مافيه امل اطلع كتكوته من النفاس

[ســكـــرهــ]

طيب شنو افضل حزام للبطن
البعض يقول ززي الججلال قطنى افضل من المشد الاندنوسي ؟

[ملكتني بهمسك]

المشد الي من الصيدليه هو الافضل الي يجي من تحت الصدر لين اخر البطن والمشي بعد الاربعين
ولسواد البطن جلسوليد او جلسرين تخلطيها مع ليمون
او
اخلطي الزيوت التالية مع بعض

زيت الجلسرين
زيت اللوز المر
زيت جنين القمح

وتلاقيه عند العطار ادهني فيه جسمك والبسي كم طويل يغطي كل الجسم واجلسي ساعتين
وبعدها تروشي بصنفرة المشمش افركي فيها جسمك على خفيف واتروشي بمويه دافيه

استمري على الطريقه يوميا لمدة اسبوع وراح تحسي بتفتيح واذا حابه افتح استمري اسبوعين

[A7twene]

اسمعوا انا ما قد جربت الحمل ولا الولادة ولا شيء ،،
لكن من تجربة امي وكلامها لي تقول اياني واياك تشربين اشياء باردة وقت النفاس
لان هي اللي تكبر البطن وما تخليه يرجع مثل اول والله ان امي ماشاء الله جسمها
رشيق ما كانها جابت 6 ،، وبعدين حاولي تحركين جسمك او تسوين رياضة خفيفة
لان مثل ما انتم عارفين الحامل أكثر عرضة لتجلط الدم الله يكفينا وياكم الشر ،،

فأتمنى اني اكون افدتكم بشيء ،،

والف مبرووووك والحمد لله على السلامة