بكرية محتاجه مساعده

[فتاة الاسلام]

السلام عليكم ورحمة الله وبركاته
انا بكرية وباقي لي 6 ايام واكمل الثامن وابغى من اخواتي بنات الرياض يساعدوني وخبروني عن مستشفى خاص اسعاره تكون مناسبه و بنفس الوقت الخدمه عندهم زينه وفيه اهتمام انا قريت بالنت عن مستشفى دار الشفاء و مستشفى الازهار ان اسعارهم حلوة بس مااعرف شي عنهم انا ساكنه جديد بالرياض اتمنى تساعدوني وما تخذلوني ولكم مني الدعوات الصادقة بان يسهل الله عليكن ولادتكن مع فائق حبي واحترامي

[ام احلى بنيه]

الله يسهل لك وتقومين بالسلامه يارب

وان شاء الله البنات يفيدونك

دخلت موضوعك ومابغيت اطلع بدون ماكتب رد
تقبلي مروري

[دلوعه ومغرورة]

واالله ياااقلبي ماااعندي أإاي فكرة أأأنااا مثلك جديدة على االرياااض ومعرف أحد فيهااا االله يسهل عليكي ..

[ليلى الجميلة]

الله يهون عليك ويقومك بالسلامه

[حلم$]

الله يسهل عليك

[magnum44]

هلا حبيبتي
الله يقوومك ياااارب بالسلامه
انا ما عندي خبره لاني من تبوك
وربي يسهلها عليك

[ام حماد]

هلا أختي،،،،،الله يهون عليك ويتم لك بسلامه،،،،،أنا من الرياض بس ما عندي زود خبره عن مستشفيات الولاده اعرف الجافل الولاده عندهم بألفين وخمسميه والوطني بالملز بأربع آلاف وباقي المستشفيات الكبار مثل دله والحبيب والحمادي أسعارها ستة آلاف وشوي الله يكتب لك اللي فيه صالح لك

[فديــته الــ غ ــالي]

ياااارب يتمم عليييييييييييكي بالف خيييييييير ...
عندك مستشفى الحمااادي اللي بالعليا والله رووووووووووعه قليييييييل عليه نظاااافه وخدمه زينه
والدكتوووره اللي ولدت عندها اسمها وفاااء مصريه ... الله يعطيها الف صحه وعااااااااااااااافيه قمه في الروووعه

[فتاة الاسلام]

اشكر جميع من دخل موضوعي سواء رد او شاهد فقط ولكن حقا علي شكر الاخوات الاتي ردن على موضوعي فمن لايشكر الناس لايشكر رب الناس واخص بالشكر كل من (ام احلى بنيه-دلوعه ومغرورة-ليلى الجميلة-حلم-magnum 44-ام حماد-فديته الغالي)

[فتاة الاسلام]

ام حماد لو سمحتي حابه اسالك وين فيه مستشفى الجافل وانتي مجربته او تعرفين احد جربه

[فتاة الاسلام]

الاخت فديته الغالي مستشفى الحمادي بكم الولادة عندهم

[ظلام الليل والعبره]

السلام عليكم ورحمة الله وبركاته
انا بكرية وباقي لي 6 ايام واكمل الثامن وابغى من اخواتي بنات الرياض يساعدوني وخبروني عن مستشفى خاص اسعاره تكون مناسبه و بنفس الوقت الخدمه عندهم زينه وفيه اهتمام انا قريت بالنت عن مستشفى دار الشفاء و مستشفى الازهار ان اسعارهم حلوة بس مااعرف شي عنهم انا ساكنه جديد بالرياض اتمنى تساعدوني وما تخذلوني ولكم مني الدعوات الصادقة بان يسهل الله عليكن ولادتكن مع فائق حبي واحترامي

فتاة الاسلام // انصحـــــك بمستشفى المـــلك فيصل التخصصي ومركز الابحاث الكبير طبعا
مررره روعه وخدمتهم تجنن حتى ممرضتهم حليواتhwaml95
واي سؤال انا تحت امركك ي قلبي

[فتاة الاسلام]

الاخت ظلام الليل والعبره مشكوره وماقصرتي ممكن اسالك عن مستشفى الملك فيصل التخصصي خاص او حكومي واذا خاص كم الولاده عندهم واذا حكومي وينه فيه وهم يستقبلون اي احد او لازم وسطات

[أنا مسافر]

انا اعرف وحده من قريباتي والده في الجافل
ما اذكر انها تذمه ولا تمدحه

[أنا مسافر]

مدينة الملك فهد الطبية - حكومي
يمدحونه بس ما جربته بس كثير يمدحونه

الغرف بعد الولاده بفلوس اظاهر فوق 2000
بس تاكدي معلوماتي في الاسعار ما تاكد منها
بس كثيييير يمدحونه