شيخوخة المشيمة

[مـــــآسة]

السلام عليكم .. كيفكم بنات

انا اليوم رحت للدكتورة اكشف عادي وقالتلي عندك شيخوخة بالمشيمة
اتركي الكالسيوم فورا وخذي اسبرين
قلتلها لها ضرر قالت لا بس مفروض ماتشيخ من الحين وانتي بالسابع وهذا بيأثر على وزن الجنين

بس لما جيت وجلست ابحث بالنت واقرأ احس خفت مرة وخلقي ضاااق
والكل يقول انه شي خطير لكن الدكتورة اببببدد مابينت ممكن موحابة تخوفني لكن ماقالتلي تعالي راجعي وماعطتني اهمية

طمنوني بالله احد صارله نفس هالشي ماني قادرة اجلس صدعت من التفكير ومتضايقة مرة
انا بالأسبوع 30 وبكرية

[بنت أبيها]

اسال الواحد الاحد

ان يثبت حملك وحملناااا

لا تخافي اختي توكلي علي الله

وربي انا مثلك بكريه

بس حبيت ارفعه بدعوه

بيض الرحمن وجهك

[مـــــآسة]

الله يسعدك يارب ويسهل امورك ويرفع قدرك اختي ..

بنات محد مر بهالتجربة ابد

[عالي سماها]

انا مثلك بس دكتورتي قالت مافيه خوف اذا المويه والدم

يوصلون للجنين زين بينتظرون عليك يمكن للاسبوع 36

وتشوف اذا حجم الطفل صار زين ولدوك

وانا ماقالت لي اغير ادويتي مع العلم ان حبوب الحديد

تاخذيها بعد الغدا مثلا والكالسيوم قبل العشا بالليل لازم*

[خفايا الدنيا]

ما عندي فكرة
الله يتمم حملك ويقر عينك بشوفة طفلك يااارب

[نادرة]

الله يحفظ لك جنينك ان شاءالله ، توكلي على الله

حاولي تسألين كذا دكتوره عشان تتطمنين اكثر .. مابي اخوفك صراحه بس اذكر وحده من زميلاتي توفى جنينها قبل موعد الولاده بإسبوعين بسبب شيخوخة المشيمه وقالوا لها المفروض مولدينك بدري قبل التاسع ، بس هم ما خبروها عن مشكلتهاا الا بعد الوفاة ، يعني زين انهم خبروك بدري عشان كذا اسألي اكثر من دكتوره لو تحتاجين تولدين قبل التاسع
آسفه والله مابي اخوفك بس قلت حرام اسكت وانا اعرف وحده كذا ، ياارب يحفظ جنينك ويبلغك شوفته على خير

[مـــــآسة]

عالي سماها .. مشكورة حبيبتي وبالنسبة للكالسيوم قالت وقفيه لأن الشيخوخة عبارة
عن تجمع كلس على المشيمة وبروح ان شالله بكرة لدكتورة ثانية واشوف ..


خفايا الدنيا .. الله يسعدك يارب مشكورة اختي

نادرة .. لا بالعكس اختي كويس انك بلغتيني عشان اشوف وحدة ثانية واتأكد ..انا ابببد والله ما ارتحت لكلامها
الله يجزاك خير ويسعدك

لاتنسوني من دعوااااتكم

[هدوء احساس]

الله يستر عليك

[*ام هيمن*]

ماعندي علم بالموضوع
الله يثبت حملك وتولدين بسلامة يارب

[مـــــآسة]

مشكورين خواتي على المرور

الله يسعدكم

[دروووب]

هلا حبيبتي الله يوفقك ويطمن قلبك بشوفة جنينك بصحة وعافية والله ما عندي فكره بس حبيت ادعيلك وتطمني عليك

[ام ريما11]

هلا ي قلبي

لا تخااااااااااااااااااااااافين هذا شي طبيعي و انا بكريه صصار معي نفسسسك من بداية السابع عندي تكلس اللي هو شيخوخه بالمشيمه و كنت اخخذ الكالسيوم ببداية السابع و وقفته لي الدكتوره ع نهايه السابع قالت خلاص يكفي اللحين خذي ااسبرين و دوامت ع الاسسبرين حتى دخلت التاسسع و وقفته و اللحين انا بأخر اسبوع من التاسسسسع ادعي لي ان الله يهون علي و المسلمات

[مـــــآسة]

دروب .. الله يسعدك حبيبتي ..

أم ريمآ .. الله يسهل عليك ويولدك بالسلامة يارب ويطمن قلبك ريحتيني والله
لأن للحين محد عطاني كلام يريح من الدكاترة

يعني مايحتاج اخذ ابر الرئتين زي ماقالوا

[ساندريلا..]

مرحبا اختي
انا سجلت بالمنتدى والله بس لما شفت موضوعك لاني مريت بهالتجربه
قلت بقولك وش صار معي يمكن يفيدك
انا قبل سنتين لما كنت حامل قالوا نفس الكلام ونفس الطريقه قالت لي الدكتوره عادي وتعالي لي الموعد الجاي
بس للاسف لما جيت الموعد الثاني كان البيبي نموه زي ماهو مازاد والمويه قليله والمشيمه منكمشه خلاص ماعاد توصل شي للجنين وعلى طول سوا لي تخطيط على نبض الجنين وكان ضعيف وقالو لي لازم ولاده مع العلم اني كنت في اخر السابع ورحت مستشفى ثاني بنفس الليله وقال نفس الكلام ورحت مستشفى ثالث ايضا وقالو لي نفس الكلام ولازم يولدوني لان الجنين ممكن يموت
والحمدلله توكلت على ربي وولددت طبعا قيصريه لان ماجاني طلق ولا شي وجلست بنتي بالحضانه شهرين وكان وزنها كيلو واحد فقط كانت مره صغيره تكسر الخاطر بس الحمدلله كانت صحتها واعضائها سليمه بفضل ربي
وقبل الولاده عطوني ابره الرئه طبعا
والحمدلله هذي بنتي تمشي الحين مافيها الا العافيه صحيح كانت نحيفه وتعبت معها وكلام الناس اووف ليش كذا نحيفه حرام بس اهم شي انها بعافيه وربي حفظها لي الحمدلله
وعلى فكره الدكتور قال لي السبب في شيخوخه المشيمه هو قله الاكل والحركه الكثيره والعصبيه والنرفزه
وممكن ناس من السكري او الضغط بس انا ماكان فيني سكر ولا ضغط لكن كنت ماشتهي اكل كثير وانا طبيعتي عصبيه شوي وااتحرك كثير
المهم انتي انتبهي على نفسك ولاتستهينين بكلام الدكاتره وحتى لو قرروا ولاده رح يكون من مصلحه الجنين
الله يسهل لك ويكتب لك الخير
ولاتنسين طمنينا عليك

[ضوء البدر]

لا تخافين اللي الله كاتبه بيصير ، ارضي بقضاء ربك وهو الحكيم الرحيم

[مـــــآسة]

ساندريلا .. مشكورة اختي ربي يسعدك استفدت كثييير من تجربتك

انا رحت موعدين للحين وقالي استمري على الاسبرين وبعد كم يوم احتمال يبدأ معي ابر هيبارين
واتوقع صحيح مثل ماقالت لك الدكتورة انا اكلي ضعيييف مرة وبعض الاحيان اهلك نفسي بشغل البيت بس الحين جيت لأهلي
ربي يسهلها ان شالله انا وكلت امري لله وان شالله ربي يفرجها علي ان شالله

ضوء البدر .. ونعم بالله
الله يسعدك اختي بس لاتنسوني من دعواتكم

[أعشقه]

الله يثبت حملك وتفرحين فيه وتقومين بالسلامه
بس طمنينا وش يصير معك .. ماعندي خلفيه بس حبيت ادعو لك