طلبتكم ردو علي بسرعة

[ام الجوري]

بسم الله الرحمن الرحيم السلام عليكم ورحمة الله وبركاته ارجو من اخواتي مساعدتي في اقرب وقت انا جاني وضيفة ومتعلقة فيها بس عندي طفلين والوضيفة من الساعة8صباحا وحتى 5عصراوماعندي الا ام زوجي واخاف انها ماتتقبلهم وزوجي رافض يكلمها في الموضوع فا ايش تنصحوني فية ارجو المساعدة في اقرب وقت قبل ماتروح علي الوضيفة وشكراhwaml9

[قلب حبيبي ونبضه]

كلمي ام زوجك بنفسك وشوفي ايش تقول لان الوضوح حلوووو .. وبعدها شوفي الوظيفه يمكن يكون عندهم حضانه او شي والله يوفقك

[**سماسم**]

ليش ما تجيبين خدامه لو بالساعات أي مؤقته تجلس وياهم لين تشوفين الوظيفه تناسبج ومرتاحه فيها جيبلهم خدامه أما تخلينها عند أم ريلج أو في بيتج ..
وبعد حلوه فكرة تحطينهم بالحضانه بس أتوقع الوقت راح يختلف أحنا عندنا الحضانه تصك الساعة 12 الظهر ..

[ام الجوري]

مشكورين يالغالين على الرد بس حبيت اقولكم ان الوضيفة في شركة يعني مافيها حضانة وام زوجي كبيرة في السن وشوي دقيقة في اشياء يعني مدري وشلون بكلنها في الموضوع اخاف تقولي انتي منتي في حاجة الوضيفة بعدين يضيق صدري والخدامة يقول زوجي اذا توضفتي بجيبهابس انا الصراحة اخاف من الخدامات وما اقدر اامنها على اطفالي تكفون عكوني حل ثاني ارجووووووووووووووكم

[ريــــــانة الــــــــعود]

خلاص اتركي الوظيفة وربي يعوضك خير دام ام زوجك كبيرة وماتقدر عليهم وانتي تخافي من الشغالات وفترة الدوام طويلة من الصبح للعصر فترة طويلة واطفالك صغار جدتهم تستحمل ساعة ساعتين مو اكثر ممكن لما يكبرو شوي ويعقلو شوفي وظيفة وهذا راي لو انا مكانك

[Mقمة البرااااائهM]

صلي الأستخاااااااره 3 أيااااام ورى بعض.....والرد بيوصلج من رب العااااااااااااالمين....

[جهينة]

ربنا يوفقك للخير .. إدعى بالسجود وربنا يلهمك الحل

[ام حواجب]

انااااااااااااااااااااا عندي الحل,,,,,,,,,,,,,
اختي العزيزه لقد تعبتي في حمل عيالك 9 شهور ورضعتيهم وتعبتي في ولادتهم فأرجوك اقتراح الاخت الي قالت خذي شغاله اقتراح مرفوض مرفوض لان الشغالات اذا انتي مش عندهم والله بيبهذلون بالعيال تعبك يالغاليه
اما عن الحل الثاني ......... جدتهم يمكن اقتراح مقبول بس تقولين انها مادري كيف انا عندي الحل.............اسمعي

خذي شغاله باليوم او الاسبوع ووديهم عند جدتهم مع الشغاله منها تعتني بيهم وجدتهم معاهم تشوفهم وتراقبها الين ترجعين من العمل اذا الله كتب لك الوظيفه كان بها واذا ماجازتلك الوظيف هم كان بها بس لا تخلين فالذات كبدك لحالهم مع الشغالات او مع جدتهم بدون رقيب
والله يوفقك اختي اسفه على الاطاله

[عزيزة النفس]

وديهم مع الشغاله عند ام زوجك منها الجده تنبسط مع الصغار والشغاله تهتم بالصغار وتاكلهم وتغير لهم وتنومهم واهم شي ام زوجك تقفل الابواب
واستودعيهم الله الذي لا تضيع ودائعه

[غالين]

الوضيفه هالايام حلوه

ومفيده .. للظروف الحياة

وانا رايي مثل ماقالو البنات

خلي الخدامه مع عيالك عند جدتهم

الين الله يفرجها .. واذكري هذا الدعاء عليهم دائما

" استودعتك الله الذي لا تضيع ودائعه "

والله يوفقك يا رب ...