بأخر التاسع والرحم مقفل

[ريــري]

السلام عليكم ورحمة الله وبركاته

أنا بكريه وبكرا أخلص التاسع وعندي الرحم مقفل
ورأس البيبي تحت بس مرتفع مانزل للحوض ,,

وقالتلي الدكتوره راح تعطيني طلق صناعي يوم السبت ,,
إذا ماانفتح الرحم ومانزل رأس البيبي في الحوض راح أولد بعمليه ,,

تكفون أبغا أعرف هل أكون استعجلت لو رحت ولا استنى كم يوم كمان ,, لأني مرا ماني عارفه أيش أسوي
وأخاف لو طولت يكون في ضرر عليا وعلى البيبي :(

تكفون ساعدوني أيش أسوي مرا محتااااره ,,

[فوضت امري لله]

حبيبتي الله يهون عليك يارب العالمين

مو كويس يطول الطفل اكثر من 42 اسبوع ببطن الحامل

اذا قرروا عليك عمليه توكلي على الله والحمدلله رب العالمين

اسال الله العظيم بمنه وكرمه ان ييسر امرك ويقر عينك بالذريه الصالحه

[ريــري]

اللهم أميـــن ,,

جزاك الله خير حبيبتي
والله يرييحك زي ماريحتيني
تسلمين على ردك
دعواتكم ,,

[انا المستحيل]

اختي اسبوع قعدت بعد التاسع اشربي كف مريم قرفه امشي كثري حركه الجماع كمان يفتح الرحم والله العظيم الطلق الصناعي يطلع الروح

[Mقمة البرااااائهM]

انتظري اسبوعين بعد

[قرعوطه]

مدري بس انا من رائي انك تطلبين علميه ع طول بلاش يبهذلونك بالطلق وانتي بكريه بعذين يسوون عمليه والله ييسر لك الي فيه الخير

[Om KHaled]

أنا من نظري انتظري شوي
ياما ناس ولدو بالشهر العاشر
اهم شيء امشي كلي تمر أشربي قرفه
وربي يقومنا جميعا بالسلامة

[ريــري]

انا المستحيل ..
انشاء الله راح اجربها ويارب يكتب الي فيه الخير
الله يعطيك العافيه حبيبتي على ردك
والله يسهلنا جميعا

[ريــري]

قمة البرائه ..
والله خايفة اذا طولت لان كل وحده تختلف عن الثانيه
انشاء الله هاليومين يفتح عندي وارتاح :(
تسلمين ياقلبي على ردك

[ريــري]

قرعوطه ..
العمليه متعبه ..
بس هيا راح تعطيني طلق اذا مانفع حسوي العمليه اكيد
مشكوره على ردك حبيبتي
والله ييسر لكل الكروشات يارب

[ريــري]

ام ســاره ..
انشاء الله حبيبتي
ومستمره عالتمر والمشي
وربي يقومنا كلنا بالسلامه يارب
وتسلمين على ردك

[ايمان الكوز]

حبيبتي

اذا بس مخلصة يوم التاسع استني شوي عادي لو انتظرتي اسبوع كمان بس المهم تراقبي نبض البيبي وحركاته
روحي للمستشفى وخليهم يسوولك تخطيط للجنين وتتاكدي انه الوضع سليم فما تستعجلي عادي البكريات كلهم يطوفون الشهر الا ما رحم ربي

اكثري من شرب الميراميه مع العسل والمشي وربنا ييسر لك امورك

[ايمان الكوز]

اتذكرت اني اقولك حركة تساعد على نزول البيبي في الحوض

اقعدي كأنك قاعده على حمام عربي خلي كل ثقل بطنك بين رجليكي وقومي وارجعي اقعدي وطولي شوي بالقعده على قد ما تتحملي مجربة هالطريقة وتفيدك باذن الله

[ريــري]

تسلمين حبيبتي ايمان ..

وهالحركه قريتها قبل كم يوم ف منتدى وسويتها وانشاء الله تفيدني
الله يعطيك العافيه ياقلبي .. والله ييسرنا جميعا

[وحيدةأمها]

الله يسهل عليك ، لا تستعجلي بالطلق الصناعي