كيف اقدر اصبر لين وقت الولادة من غير ما اعرف جنس الجنين ؟؟؟

[ياهم ربي كبير]

بنات ادري انه بكيييير على هذا الموضوع
بس انا و زوجي كنا نتكلم بالحمل وقال لي مايبى يعرف جنس الجنين لحين وقت الولادة !! وقال لو خبروكي في وقت العيادة لا تقوليلي واحفظي هالكلام لنقسك ، لانه يحب يعرف في وقت الولادة ويصير مفاجأه عليه ...
وانا بصراحة مافيني اصبر لين الولادة ، لاني بكرية وحابة اجهز للمولود باذن الله قبل الولادة بشهرين او شهر .. وكمان حابة افكر بالاسم قبل لا يولد ..

شو اسوي عشان اقدر اصبر ؟؟؟؟؟؟؟؟؟؟؟؟ hwaml93hwaml93hwaml93
لان العادة يسوون فحص معرفة نوعية الجنين من الشهر الخامس
وانا متحمسة حيل ، بس ابي اشيل الموضوع من راسي واصبر لغاية وقت الولادة لان زوجي حطاني بأمر الواقع ..


انا بنت عمتي مارضت تعرف نوع الجنين في حملها الاول وهي الحين حامل بالثاني وبالشهر السابع ولسا ماتبى تعرف نوع الجنين بهذا الحمل كمان ، تقول احب المفاجأت ..
بس انا بكرية واول حمل لي عشان كذا متحمسة واحب اخطط له قبل الولادة



مين فيكم صبرت وما عرفت جنس الجنين لين الولادة ؟؟؟؟؟؟؟؟؟؟؟

[thalia20]

الله يعينك صراحه انا بالنسبة لي صعب
بس احس لازم تعرفي عشان تجهزي ملابس وتجهزي اسم من بدري
الله يصبرك يارب

[مستقبل]

انا ماعرفت جنس الجنين الا بعد الولاده وهذا كان قراري احب المفاجئه حضرت اسم لبنت وولد واشتريت ملابس واغراض الطفل الوانهم مناسب للبنت ولولد وكنت استنى بفارق الصبر لاخر لحظه واول ماخرج الطفل وانا اسئل الدكتوره بنت ولا ولد نسيت الوجع كله وكان همي جنس الجنين وان شاء الله بطفل الثاني كمان اخليه مفاجئه

[روضانيه]

حبيبتي دام هذا راي زوجج احترميه وقدريه
يمكن لمن ينتضر ويتفاجا رح ايعزكم اكثر واكثر واكثر
اني اكووول خليها مفاجا اله \
واذا ع التجهيز اكيد ح تجيكم هدايا اكثيره من اهلج واهله للمولود عشان هيك اشتري مابس قليله للبيبي
الله يتمم عليج واتكومين بالصحه والسلامه

[سلوان]

انا للحين مو عارفه وش جنس اللي ببطني مو لاني احب المفاجئات ولا زوجي يحبها بالعكس نحب نعرف جنس الجنين

بس للحين مو مبين شوي العضو صغير وشوي مو مبين وشوي مغطي برجوله ومره قالي اخصائي اشعه احتمال بنت يعني مافي شي اكيد للحين

واخر اشعه سويتها اليوم وقالت مقفل رجوله مو قادره اعرف خليها على ربك ياقلبي واللي يجي من الله حياه الله

[F.A.A]

حالتج نفسي بالضبط
يقول لا انا ولا انتي نعرف خليها وقت الولاده
وفي البدايه انا الي كنت ابي هذا الشي بس لما
سويت سونار وجفت الجنين ماقدرت وهو بعد حس بشعور ثاني
بذات لما سمع النبض
بس نصيحتي لج خليه يشوف السونار معاج ويسمع النبض ويمكن بيغير رايه

والله يفرحج ويعطيج على قد نيتج
ويتمم لي على خير

*

*

.

[ورديه]

عادي حبيبتي
روحي يوم عند اهلك ورحي انتي امك او اختك
مستشفى واكشفي ع الحنين بدون مايدري زوجك
وبعدين روحي السووق اشتري ملابس لنونو وخليهم عند اهلك
واذا رحتي عند زوجك سوي نفسك ماتعرفين جنس الجنين
والله يوفقك ويسهلك ياارب ^^

[ام هيثووووم]

ههههههه احس انها صعبه
انا الحين انتظر هالشهر يروح بس حتى اعرف جنس الجنين
ماتوقع تقدرين تصبرين
ومثل ماقالت الاخت عادي انتي عرفي بس لاتعلمينه خليها له مفاجأه

[أسيرة زوجي]

هو زوجك مش رافض إتك تعرفي إنت جنس الجنين
رافض هو يعرف جنسه
إذن شوفي جنس الجنين وما تخبريه إذا بنت أو ولد
لأنه صعب الوحدة تصبر على شو في بطنها

[الجوري 2012]

لازم تعرفين جنس الجنين عشان تبدين تجهزين
وزوجك لا يعرف انتي روحي بروحك لسوق وسوي كل شي
وبالنسبه لموضوع الاسامي قولي اذا بنت ويش نسميها واذا ولد ويش نسميه

وبكذا تكونين تجهزتي للبيبي وعرفتي الاسم