نزول المويه وافرازات لونها تفاحي

[ام الدلوع]

السلام عليكم

حبيت اسالكم وانشالله تفيدوني
انا لي 10 ايام بالسابع وقبل اسبوعين تقريبا
كنت اطلع السطح وانزل كم مره وباليل يوم اتقلب يندفع مني شي حار بس موكثير
شكيت بنفسي لايكون عاملتها على نفسي واروح الحمام وانتم بكرامه اغسل وانشف زين
رجعت انسدحت وانقلبت نزل مني مره ثانيه وثالثه بس موكثير قلت هذي اكيد
موية الجنين ويمكن استمر معي يومين بس خفيف يعني الاقي ملابس الداخليه مبلله
تكاسلت اروح والحمدلله خفت
وبعده باسبوع شلت برميل المويه الابيض حق البراده من الارض لطاوله
مع ان حملي الاول ولاده قيصري بس الاهمال الله يهديني
المهم صار ينزل معي مويه شوي تسريبات
طبعاً بدون افرازات ومارحت المستشفى تكاسلت قلت خليها بيوم المراجعه
لي تقريباً 3 ايام ينزل افرازات لونها تفاحي فاتح بدون حكه ولا ريحه
وخايفه منها مع مغص خفيف مثل الم الدوره
وانا صراحه مابي اروح اخاف تكشف من تحت
شورو علي وطموني
مراجعتي نهايه الاسبوع
استنا المراجعه ولا اروح


لا تطنشون على الاقل ارفعو رفع الله مقداركم

[أم حمزه]

طبعا لازم تروحي تكشفي فورا وبدون تأخير لاتكون هذي مويه الجنين لاسمح الله ويصير معك التهاب لاسمح الله

[حكآية عشق]

مفروض من شفتي المويه رحتي
لان اكيد ماتنزل كدا روحي ولا تهملي نفسك
والله يطمنك

[na3ooma]

لا تهملي وغلط كبير انك مارحتي للان
يعني تخافي من الكشف وماتخافي يصير شي للجنين لاقدر الله؟
لو نقصت مويته خطر عليه , وبتندمي
حبيبتي لاتهملي ابدا في موضوع الموية حقت الجنين هي سبب اغلب المشاكل
روحي اليوم ولازم تكشفي وتتطمني بالسونار كمان

[ام حماده1]

سؤال تحسي في حركة البيبي ؟؟

[شوقـ]

لاتهملي نفسك رووووووووووووووووحي المستشفى

الله يطمن قلبك يارب

[سارونة الكويت]

غلط ياختي انتي تضرين جنينج اذا نقس عليه الماي اسم الله عليه يتعب موووووووزين

انسي الفحص وروحي عشان اللي فبطنك

[مجنونة بحبها]

لازم اتروحي دكتوره وماتهملي نفسك حرام البيبي

[حبيبة نور]

حبيبتي روحي الدكتورة عشان البيبي لا تنقص المي عليه والله يسهل عليكي الفحص

[ام الدلوع]

مشكورين للي ردو علي رحت للدكتوره واكشفت طلع فطريات
والتهاب
بس ماسويت سونار قالت بعد اسبوعين تجيني