شوفوا وش قالت لي الدكتوره اليوم عن النزيف

[مرحه رغم الالم]

وش قالت لي الدكتوره عن سبب النزيف
بنااات اليوم رحت لبرفيسور كثير مدووحوه وليتني مارحت تخيلوا انتظار ساعه ويوم دخلت عنده قالي ماستقبل الا حالات الحمل والولاده ورحت لدكتوره ثانيه المهم حسيتها استغربت من النزيف اللي فيني
لاني بنت مو متزوجه
سويت سونا روطلع عندي سمااكه فضيعه بالرحم وحللت هرمونات طلع عندي هرمون الحليب مرتفع 29 وهرمون الغده الدرقيه مررتفع مرره حسب كلامها وصرفت لي ادويه تقول حقت الحليب استخدمها وانا نايمه نص حبه لانها تدوخني استغر بت بصراحه والدرقيه مره باليوم بس ماحددت قبل الاكل ولابعده ونفس حبوب بريملوت اللي استخدمها قبل صررفتها


بنات ابي اسالكم معقول الهرمونات تكون هي سبب النزيف

ونسيت اقولكم تقول لازم اجيها بثاني يوم بالدوره عشان تحليل تكيس المبايض

اللي تعرف اي شي من الللي قلته تعلمني الله يوفقكم



مشررفات الله يجزاكم الجنه لاتنقلوه هنا اخواتي المتزوجات والحوامل ادرى بهالمشاكل

واكييد بعضهم مرت بمشاكلي وحابه استفسر منهم

[مرحه رغم الالم]

اببببببببببببببببببببب

[مرحه رغم الالم]

وينكم ماتردون

[ملاك العشق]

ماعندي فكره والله كنت حابه اساعدك بس للاسف

البنات ان شا الله بيفيدوك

[مرحه رغم الالم]

اب حرام عليكم يامتزوجات معقول ماعندكم خربطه هرمونات

الله يسامحكم دايم تسفهون فيني

ابي اعرف اقدر استخدم البردوقش بدل الادويه

[بنت من البنات]

هلا لاتزعلينى من كلام الدكتوره طبيعى
ام عن حبوب الغده خذي منه حبه ع الريق
الصباح اول الصباح يعنى الساعه 6 الصباح وبعد ساعه افطري
لزم عشان ينتظم معكى هرمون الغده
تخذينه يوميا ونفس الساعه لزم ع الجوع تاخذى العلاج

اذا نسيتى العلاج يوم ما اخذتيه ترا
يمكن يظرك
طيب
انا معى الغده من زمان
واخذته له علاج والحمدلله الهرمون تمام معى انتى بس استمرى ع العلاج
ترا علاج الغده طول العمر معكى
الجرعه كم قوه 25

[أسيرة زوجي]

الله يشفيك حبيبتي و يعافيك
طبعا النزيف يكون سبب للخبطة الهرمونات
و بما أنه عندك ارتفاع في الغدة الدرقية و هرمون الحليب
فهذا شيء طبيعي يجيك نزيف أو لخبطة في الدورة
إن شاء الله مع الأدوية راح تتعدل الهرمونات و ما يجيك نزيف ثاني
حاولي تشربي أثناء الدورة البردقوش لأنه منظم جيد للهرمونات و للدورة
الله يوفقك و يكتبلك الخير

[مرحه رغم الالم]

هلا فيكم بنات انا شريت البردقوش بس استخدمه لحاله ولا لازم استخدم الادويه معه

خايفه اسمن بسبه الحبوب وانا مو نااقصه

وشسمه كثير مدحوا لي القسط الهندي خاطري استخدمه بس اخاف يسبب لي نزيف

شوروا علي وش اسوي اخذ االحبوب ولا الاعشاب

[نسمات هادئه]

لا تستخدمي مجموعة اعشاب .. خليك على البردقوش بس .. واستخدميه مده معينه اذا ما فاد ..توكلي ع الله واستخدمي الأدويه

وربي يشفيك ويعافيك .. ودائما اقراي البقره وتصدقي بنية الشفاء واستغفري كثير وبأذن الله ماتشوفين الأ العافيه

استودعتك الله

[مرحه رغم الالم]

الله يسعدك

طيب لو استخدمت البردقوش والادويه راح تضرني صح

[نسمات هادئه]

والله اعتقد انها ممكن ما تعالج المشكله اذا مع بعض واحتمال تضرك بدل ما تنفعك ..

والشي اذا زاد عن حده مشكله !!

لذلك استخدمي البردقوش لأنه بتجارب الكثير نظم هرموناتهم .. واذا شفتي مافي اي فائده استخدمي الأدويه ..

اسأل الله ان يشفيك عزيزتي ..

آمين ويسعدك بعد .. دعواتك ان ربي يتمم لي حملي

[نشوة احساس]

انا كان عندي لخبطه هرمونات كان هرمون الحليب 66
ومستاصلة جزء من الغده
وعندي هرمون الذكورة
بس الحمدلله ما لخبطت دورتي ابدا حتى قبل زواجي
علاج الغده اخذه طول العمر ولازم تشيكي عليه كل 3 شهور او على حسب الموعد الي اعطتك الدكتوره
بالنسبه لحبوب هرمون الحليب انا استخدمت حبوب بس ناسيه اسمها بس ما انتظمت عليها لاني رحت لممرخه والحمدلله حملت بعدها ولا احتجت علاج

.... بالنسبه للنزيف اكيد الدكتوره هي ادرى بالسبب بس الي اعرفه ان الهرمونات تلخبط الدوره وتحوسها عند بعض الحريم
انا كنت اخذ بردقوش بس اهم شي لا تتركي العلاج لازم تنتظمي على الادويه ولا تخافي ابدا الهرمونات اغلب الحريم تتلخبط معهم والاعراض تختلف من وحده للثانيه بس مو شي خطير بسيطه باذن الله

[روز بااريس]

يااختي دامك رحتي للدكتورة واعطتك ادوية استخدميها لاتحوسين عمرك اعشاب ومدري ايش

انتي عندك اكثر من مشكله عشان كذا خليك على العلاجات الطبية

وان شاء الله مايزيد وزنك ولاشي وتتعدل هرموناتك

اما انك تتركين الادوية وتاخذين اعشاب ليه رحتي لها من اول !!

خليك على كلامها هي ابخص بحالتك

الله يشفيك يارب

[مرحه رغم الالم]

اووكك الله يسعدكم

انا بستخدم الادويه باذن الله

وبرضوا باشرب بردقووش

تسلمون

[مرحه رغم الالم]

طيب يالغاليات حبوب هرمون الحليب الدكتوره تقول انها راح تسبب لي دوخه

ولازم اكلها وانا نايمه عشان ماادوخ انتوا كذا

[zo0on]

استخدمي القسط الهندي يكفي ان الرسول صلى الله عليه وسلم قال لنا عنه وابحثي في قوقل عنه

[مرحه رغم الالم]

مشكورين صبايا الله يجزاكم الجنه

لي شهر وعليها ماوقف النزيف
والحبوب سببت لي الالام بالجنوب وعنوني بدت ترف
من غير الدوخه والصداع

والله يسعدكم جميع وانا اعتذر منكم لو ضايقتكم

[ضوء البدر]

جايز والله اعلم