نفاس المذله ؟؟؟

[احساس انوثه]

بسم الله الرحمن الرحيم

السلام عليكم ورحمة الله وبركاته ،،،

عزيزاتي حبيت انقل لكم مشاعري بهالفتره اللي انا امر فيها وتحت هالظروف انا وبفضل من الله صارلي الحين 13 يوم من ولدت وامي كانت تقولي من قبل مااولد ان ابوي ماراح يخليني اقعد 40 يوم لانهم يبون يبنون بيتهم حدي 10 ايام لان هذا البيبي الثالث الله يخليهم وانا جبتهم على بعض والحين طالعي بسالفه السفر وانهم بيسافرون عمركم شفتو احد يخلي بنته بفترة النفاس وهي تدري انا شكثر تعبانه وجد انا منحرجه من ردتي لبيت اهل زوجي لان عندهم حتى لو البيبي 1000 لازم المره تقعد عند اهلها 40 امانه ردو علي وقولولي شنو اسوي ؟؟ انا جدمحتاره وتعبانه نفسيا



شـكــ وبارك الله فيكم ـــرا لكم ... لكم مني أجمل تحية .

[دلع]

والله اهلك غريبين يمكن امك مابيدها شي لان القرار جاي من ابوك..
انت المفروض من الاول تنفسين فـ بيتك عشان ماتعرضين نفسك للاحراج..
انا رايي ارجعي بيتك واذا احد سألك طنشي السؤال او حاولي تدورين لـ اهلك عذر وانهم مضطرين للسفر ومن ذا الكلام..او زوجك يقول هو اللي رجعك ويبغاك عنده يعني دوري تصريفه..
الله يكون معك..
زميلتي جلست فـ بيت اهلها اسبوع وبعدين راحت بيت حماتها كملت الاربعين لان حماتها عندها شغاله وتساعدها..مافيها شي..

[ديار]

طنشي اختى وارجعي عند زوجك واعذري اهلك

مافيها شي ترجعين وقولى الصدق ولا يهمك كلام

الناس اذا تبعتيهم راح تتعبين

والحمدلله على سلامتك والله يحفظ ذريتك من الشيطان

[غموض]

والله لو انا مكانك

ارجع بيتي واخلي زوجي يساعدني بالنفاس عادي على الاقل في بيتي وبكرامتي صح؟؟

[حنين الجنة]

حبيبتى عادى مفيهاش حاجه خااااااالص ولا تكذبى على حد عشان خاطر الناس
اهلك عندهم ظروف ولازم تتحمليهم

اومال انا لو قلت لزوجى انى باخد 40 يوم عند اهلى كان ذبحنى هههههههههههههههههه

الحمد لله انى بغربة وبعيده عنهم هذى الفترة

شوفى انا راح اكون لوحدى اهئ اهئ

[الحب لك وحدك]

حبييتي لاتشيلين هم
وانا مع كلام الاخوااات
لا يهمك كلام الناس
صدقيني بتتعبين

[**سماسم**]

ليش تنحرجين وتشلين هم بيتج أريح لج
وكلام الخوات صحيح ربي يسهلج ويصخر لج أهلج ..

[عزيزة النفس]

اختي الغاليه ............
مالك الا تروحي بيتك وتجلسي عند زوجك ولا تقولي له عن ابوك لكن قولي بيسافرون عندهم ظروف
واذا احد سالك من اهله او غيرهم قولي هو اللي ما خلاني اجلس عند اهلي يبيني ويبي عياله حوله وانا مقدر اخلي زوجي عزوبي 40 يوم
ولا تشيلين بخاطرك ولا شي ياما شفت حريم متغربات تنفسو ببيوتهم وتركو هذي العادات الروحه عند الاهل والاربعين خلاص الزمن تغير والحمد لله بكره بتجيبين الرابع وين تروحين ببزارينك؟؟؟؟؟؟؟؟
مالك الابويتك يا عمري
هدي اعصابك والدنيا ماتسوا اذامحد فكر بزعلك فكري بعيالك وادعي ان الله يخليك لهم وافرحي فيهم وفرحيهم وانسي كل اللي يزعلونك انا والله تصير معي مواقف وانجرح احيانا من ناس اقرب الناس ولكن اقول دام هم يبون كذا خلهم كذا الين الدنيا ترجعهم

الله يقومك بالسلامه وطمنينا عليك

[زهرة اللوتس]

بصراحه الوحده في بيتها اريح يمكن انتو عندكم عادات بس خلاص الدنيا تغيرت وبعض العادات اندثرت لانه اش معناتها الوحده تروح عند اهلها وقت النفاس وزوجها الله لايهينه ليش فاتح بيت اجلسي في بيتك وماعليك من الناس مانتي جالسه على راس احد انت في بيتك معززه مكرمه

[حامل نعومه]

ارجعي بيت زوجك
عادي

[ميرنا]

ابصراحة ربى ايكون فى عونك وانا لو فى مكانك راحتى فى بيتى لااهلى ولا اهل ولى يريد مساعدتى يضل معى فى بيتى امه اوامى واخواته اواخواتى وبارك لله فى الجميع

[يارب ترزقني بطفل أضمه]

ياقلبي وسعي صدرك ولاتضيقينه في هالفترة يالغالية عادي ياعيوني قدري ظروف اهلك واذا بيسافرون عادي اجلسي ببيتهم مافيها شي ولاتبينين لناس اي شي خلي الوضع عادي ياعيوني لاتعقدينها وربك بيسهلها لاتلومين امك يمكن مغلوب على امرها ياحياتي

[بيسان]

أول شي الحمد لله على سلامتك وسلامة البيبي وهذا اهم مابالدنيا
حبيبتي كلام دلع منطقي جدا وهذا اللي المفروض يصير ولا تحاولي تشوهي صورة اهلك عن
حماتك أبدااااااااااا
في النهاية بيبقو أهلك وأكيد أمك مضطرة طمنينا عنك

[demoshka]

اغلق الموضوع بسبب انتهاء العرض