ماي البيبي زياده !!

[عنيده بطبعي]

السلام عليكم انا عضوة جديده بالمنتدى

بقولكم سالفتي وابي رايكم ؟

اول شي انا حامل بطفلي الثاني حملت على بنتي وبننوتي اصغيره مسكينه عمرها الحين سنه و8 شهور وانا حاليا بالشهر السادس

رحت عملت الراسوند عشان اتطمن كل شي اوكى بس قالت لي انا الماي الي حوالين البيبي شوي زياده رحت موعدي بالمركز خافت وحولتني على الطزارء اتقول يخافون يتابعون بمثل هالحالات بالمراكز hwaml15 (ليش مخلينكم عيل)

حولتني ورحت مع زوجي الطوارء وقالو لي انا الماي زياده مثل ماقالت دكتورة الألتراسوند؟

هل في وحده مرت بمثل حالتي وهل الماي الزايد يسبب خطر؟ حدي خايفه ؟طمنوني

[سلوان]

والله مدري بس اعرف وحده كانت المويات كثيره وكملت للتاسع وولدت طبيعي مدري اذا كانت تاخذ ادويه او شي والله مدري

انا عكسك قالت لي موية البيبي شوي ناقصه الله يسهل لنا ياارب ويحفظ مافي ارحامنا ويقومنا بالسلامه يارب

[عنيده بطبعي]

الله يسمع منج سلوان

[fufualmoon]

طيب ماسألتيهم اذا طبيعي اولا
انا بكرية ماعندي خلفية
الله يتمم لك على خير ان شاء الله

[ورد جوري82]

انا بكريه,,,,لو سالتيها اذا تاثر عموما لا تخافي وربي يسهل عليج

[هشاميه]

هلا اختي لاتخافي انا زيك سوولي اشعه 3dوانا نص الثامن وقالت المويه زايده شوي ورحت لدكتورتي قالت ماتخوف وانا الحين نهاية التاسع انتي تعوذي من الشيطان واقراء الفاتحه سبع مرات بعد المغرب وبعد الفجر بس عندي لك سوال انتي ماتسمعي صوت ماء لما تصلي يوم تيجي بتسجدي الله يقومك بالسلامه انتي والنون وكل حامل

[نور العيوووووون]

عاااادي ياما قالو مويه زياده وحجم النووونو مرررره كبيررر وبالاخير يطلع نتفه وكل شيء طبيعي باذن الله قالو ماقالو كل شيء بيد رب العالمين اهم شيء وكلي امرك للربك ومايخب املك بالله بس الطب تطور وصار بش يخوف من غير مايتاكد بس مجذد شكووك وحساب سونار وعلى بالهم كل الحريم سواء امي مويات الجنين تصير مررررره كبيرررره وهذا طبيعتها جابتنا كلنا كذا مويه زايده ووش حالتنا مافينا الا العافيه

[ورودي البيضاء]

نقصان الموية وزيادتها كلها طبعا لها مخاطر ومضاعفات

لكن لو صارت في الشهور الاخيرة غالبا ماتضر باذن الله

وفيه البعض سبحان الله عادي من البداية مويتهم زايدة وولدو اطفال سليمين وطبيعية

فانت توكلي ع ربك وادعي دايما

لانه محد يقدر يقلك ايش حيصير مستحيل نخمن

بس لاتسمعي للدكاترة هم دايما يعطوكي التوقعات السيئة

وزي ماقلتلك

محد يدري .. البعض صار له والبعض لا

مالك الا الله ياقلبي يكتبلك الخير