ساعدوني في تنظيف بيتي يالسنعااااااات

[عمري فداء ولدي]

السلام عليكم ..

كيفكم ان شاء بخير ..


ساااعدوني بالحاله اللي انا عايشه فيها .. بصرااااحه "" أنا بيتي وسخ " تعرفون كيف وسخ ؟

انا عارفه اني باكل روسكم بالهرج لكن ماعندي بعد الله غيركم .. والله يابنات بيتي مادري ايش الحل معه , مادري هل المشكله من بيتي ولا مني ..؟؟؟؟؟ من يوم تزوجت وانا اتكاسل من تنظيف البيت والملابس وخصوووووووووووصا المطبخ اللي كل مادخله احسني باموت من الريحه والوسخ اللي انا عارفه انكم تتقرفون مني لكن ابي تساعدوني تكفون , تخيلو اخر مره جو عندي ضيوف في عيد رمضان والمشكله اني اغار من زوجات اخوان زوجي اللي هم حمواتي اذا رحت عندهم اشووووف بيوتهم تلق لق , وانا اذا رجعت البيت البيت تنسد من الجلسه فيه اذا تنشطت ونظفته وخلاص اقول تووووووووووبه ماراح اوسخه بعد اليوم ولكن ترجع حليمه لعادتها القديمه , وزوجي المسكيييييييين تعبت نفسيته من البيت ومني ويكلمني بالطف اني انظف البيت واحيانا اذا صار له ما يتنظف من شهر اوشهرين او حتى ثلاثه يحلف انه يطلع من البيت ولايدخله ابد حتى اعطيه خبر اني نظفته , والله اني اموت واستحي ويتقطع وجهي اذا قالي ريحت البيت والمطبخ طالعه اتفشل يعالم منه واقوله ابشر راح انظفه , ولكن مانظفه ماااافي نشاط ابدا كسووووووووووووووووووووله لابد درجه احب الجلسه والطلعه من البيت ليش ؟؟؟!!!! علشان ماشم الريحه واشوف الكركبه فيه انا داريه انكم تقولون وش هالانسانه ؟!! قولوا اللي تبون بس تكفون ساعدوني , انا الحين حامل وبالشهر الثامن لما اشد حيلي بتنظيف غرفة النوم اموووووت من التعب . لكن مااااهمني التعب والحمل ابغى انظفه اللحين بتقرب الولاده وبيتي مابعده نظف وبيجون عندي ويشوفون الوسخ والغبار .. خالتي ام زوجي كذا مره تدق تقول ابي اجي عندكم اصرفها باني طالعه حتى حمواتي الكل يقولي تعالي وانتي معزومه وانا لااقول لااحد ولا اعزم احد , انا عندي المطبخ اذا نظف راح ينظف البيت كيف انظفه من ابتدي ومن وين انتهي ؟ والله تعبت كل ما اقوم اقول بانظفه يربطني الكسل الصحون ع دولاب المطبخ والفرن وسخ والثلاجه ااااااااااااه من الثلاجه فيها كل شي منتهي والمغسله فيها انواع الوسخ والصحون والاكواب والملاعق اللي ماذكر متى اكلنا فيها والاكل القديم حتى الزباله اكرمكم الله ماقدر اطلعها من الكسل , انا تعبت من الحاله ساعدوني ماااااااااااااااااااااااا ابي جدول ابي تقولو لي سوي كذا ابغى امر مابي من نفسي احب الامر في التنظيف والغسيل .. تكفون حلولي مشكلتي ابيكم تتابعوني في التنظيف واذا خلصت ابيكم تعطوني حلول عشان مايتوسخ البيت ثاني مره , انا بيتي مكون من ثلاث غرف غرفة نوم ومجلس رجال وغرفة اكل وغرفه فاضيه مدري كيف خليتها مستودع للملابس الوسخه وللغبار وصاله وحمامين نساء ورجال وحمام بغرفتي ودرج من الشقه الى الحوش والدرج ماااعليه كلام مغبررررررررررررر والحوش كمان مغبر , انا اقولكم تفاصيل بيتي عشان تساعدوني لاتقولون جيبي شغاله زوجي رفض هالشي يقولي هذي مشكلتك وتحملي نتايجها ,, ااااااااااه ه ه ه ه ه ه تعبت والله تعبت ادري طولت عليكم لكن مالي غيركم يابنات بعد الله , واللي بتدخل وتهزئ ابغى منها دعوه وبس والله يسعد كل اللي بتساعدني وتشد معي حتى انتهي وتقولي كيف ارتب البيت اول باول واتلافا الوسخ والغبار والكركبه وراح اسوي اللي تامروني فيه واقولكم ايش اللي سويته وايش اللي باقي ماسويته .. ابي اصيررررررررر حرمه سنعه , ومشكووووورين ,,

[روز بااريس]

كلنا تجينا حلات كسل بس مو لهالدرجه !!!

انتي كذا من اول والا بعد الحمل ؟؟

اذا تعبانه من الحمل جيبي شغاله بالساعه او باليوم يعني اذا بيتك مرررة وصخ اكييييد بيتعبك وانتي حامل مايصلح

وانتي ماعندك اولاد مين بيحوسة
نظمي وقتك يوم غسيل ويوم كوي

والبيت مرة بالاسبوع وبعدين ماتنظفينه حافظي عليه
المواعين غسليها اول باول والفرن اول مايتوصخ مسحيه والثلاجه نفس الشي والزبايل طلعيها كل يوم ..
ورتبي لاتخلينه مكركب كذا بيسهل عليك

نظافه البيت لها دور في الراحه النفسية مو حلوة كذا قدام زوجك توصل فيه يقولك بطلع من البيت لحد ماتنظفيه ...

الله يسهل علييك يارب

[روز بااريس]

وبالنسبة كيف تنظفين المطبخ ابدي بالثلاجه طلعي كل اللي فيها وارمي المنتهي ومسحيها ورجعي الباقي بعدين الدواليب ابدي من فوق لتحت طلعي كل شي وامسحي بعدين الفرن وبعدين المجلى بعدين الجدران والبلاط
وبعدييين عطرية واستمتعي ....

[Leena.A]

اااه عورتيلي قلبي هههههه

حبيبتي .. قبل ما اقولك ايش تسوي بالظبط .. ابغى اذكرك بشوية حاجات

أولا .. النظافة من الإيمآآآآآآآن .. احنا مسلمين ياقلبي و المسلم المفروض ما يعيش في غير النظافة !!

تانيا .. تحبي نفسك ؟؟ تحبي زوجك ؟؟ تبغي تعيشي سعيدة في بيتك ؟؟ تبغي تحبي بيتك ؟؟ تبغي ترتاااحي في بيتك اللي هو المفروض يكون أريح مكان لكي و لزوجك في دي الدنيا ؟؟
أكيد حتقوليلي ايييوا .. سار حبيبتي لااااازم تهتمي فيه و في نضافته و ترتيييييييبه أول بأول حتى لا يتراكم عليكي الشغل

حبيبتي أكيد ما تحبي انه زوجك أو أهله أو أي أحد في دي الدنيا يقول عنك مو نضيفة ولا مرتبة في بيتك .. صح ؟؟

شوفي .. تبغيه يفضل نضيف دايما ؟؟ مستحييييييل .. تبغيه يفضل مرتب داااايما ؟؟ مستحييييييل

ترا الخرجة من البيت و الشردة من شغله مو الحل !! بالعكس كده تزودي صعوبة الوضع على نفسك

الحل ..
1.غسلي المواعين كلللللللها و خليها تنشف

2.نضفي سطح العمل بإنك تدعكيه بالموية و صابون فيري و اسفنجة حتى تخرج كل البقع .. بعدين نشفيه بمنشفة نضيفة ناشفة .. بعدين بخي بخاخ ديتول المعقم أو أي بخاخ قزاز أو خشب حسب نوع سطح العمل في مطبخك .. و مسحيه تاني .. حتبدأي تشمي ريحة النضافة في مطبخك

3.شمري و كبي شوية موية و صابون ع الأرض و اددددعكي الأرض كويس و مشي الموية في البلاعة الله يعزك .. بعدين كبي موية تاني عشان تشطفي الصابون من الأرض و مشيها في البلاعة الين تنشفي المطبخ

4.بخي بخاخ أرضيات ريحته حلوة و امسحي الأرض تاني حتى تشمي ريحة التضافة .. زي ديتول مثلا معقم و منضف و ريحته حلوة

5.غسلي الحمامات كلللها و ادعكيها بالصابووون (( العملاق الأخضر أو ديتول )) و اشطفيها تاني بالموية إلين يروح الصابون .. و تسير ريحة الحمامات نضافة

6.اتجهي لغرفة نومك .. امسحي الغبار بدواء الخشب و خرقة نضيفة .. بعدين كنسيها .. بعد الكنيس امسحي أرضيتها بدواء أرضيات (( لو كانت بلاط طبعا مش موكيت )) .. غيري شرشف السرير و اللحاف و المخدات بشراشف نضيفة و ودي الأولى تتسغل في مغسلة

7.جا دور الصالة أو المعيشة .. في البداية نفضي الكنب كويييس من الغبار و الاتريبة .. بعدين نفس غرفة النوم مسحي الخشب و القزاز .. بعدين كنسي البلاط .. بعدين امسحيه بدواء تمسيح الأرض و انتبهي لا تتزحلقي .. و اتركيها تنشف ارضيتها

8.و هكذا بالنسبة للغرف .. امسكي غرفة غرفة

بعدين بخي البيت كله بخاخ ديتول المعقم .. و روحي المطبخ ولعي فحمة و بخري البيت كله بمستكة أو بخور عودة أو اللي تحبيه .. أو ولعي فواحات

طبعا نظمي شغلك
1.الترتيب
2.التنفيض
3.تمسيح الخشب بدواء الخشب و خرقة نضيفة
4.تمسيح القزاز بدواء القزاز
5.كنيس الأرضيات
6.تمسيح الأرضيات
7.تعقيم البيت ببخاخ الديتول
8.تعطير البيت و تبخيره
9.شغلي سورة البقرة كل تلاتة ايام في بيتك حتى لا تقرب الشياطين
10.اتروشي .. و شغلي لمبات هادية و شموع و سوي حلى بسيط و قهوة و استمتعي بنضافة البيت و ترتيبه انتي و زوجك برواقة اعصاااب و استرخاء

صدقيني احساس راااااااااااااااااائع لما بيتك يكون نضيف و مرتب و ريحة حلوة .. و حتحبي بيييتك و زوجك حيحب البيت و يحبك أكتررررر .. اكسبي بيتك و زوجك لا يطير من يدك بسبب الكسل و عدم النضافة .. سامحيني بس هو ما اتزوج عشان يعيش عيشة عزابية !! و اكسبيه عشان لا يروح يدور غيرك و يتزوج عليكي لا سمح الله !!

نجي في الآخر للحافظ على نضافة البيت و ترتيبه

1.بعد كل طبخة نضفي القدور و غسليها و جهزي السفرة قبل لا يجي زوجك من الدوام .. لا تفردي السفرة إلا و المطبخ رجعتيه فلة
يسير ما يبقالك غير صحون الأكل و الملاعق تغسليها بعد الأكل
لا تكوميهااااااااااا غسلي أول بأول و يوم بيومه !!

2.نضفي المطبخ و البوتاجاز بعد ما تغسلي المواعين .. و هويه و بخريه أو عطريه ببخاخات تعطير البيوت او الديتول

3.هوي الصالة و غرفة النوم يوميا و عطريها

4.لاااااااا تنامي إلا و انتي تاركة الصالة و المطبخ و غرفة النوم و الحمام مرتبيييييييين عشان تصحي نفسك مفتوحة لإنك تكنسي و تمسحي بسرعة

5.يعني عشان تحافظي على اللي سويتيه .. يوم و يوم لأه كنسي و مسحي و لو انتي مررررررررة كسلانة خليها مرة في الأسبوع تكنسي و تمسحي و تغسلي الحمامات و المطبخ .. و يوميا رتبي ..

6.خصصي يوم او يومين في الأسبوع لغسيل الملابس و الكوي و التنضيف

يعني نظمي وقتككككككككك و لا تراكمي الشغل

ان شاء الله اكون شوية ساعدتك و لا تزعلي مني بس لازم تسوي كده عشان تحبي بيتك و تجلسي فيه و زوجك ما ينفر منك

الله يعينك

[عمري فداء ولدي]

الله يسعدكم حسستوني بشوية نشاط وان شاء الله بقولكم ايش بيصير معي

الله يسعدكم ويخليكم ولا يحرمني منكم

[~قموووره~]

معقوووووووولhwaml03

ماشاء الله البنات كفو ووفوا اذا اتبعتي كلامهم بإذن الله بيتك بيلق لق وبيصير انظف من بيوت حمواتك وزوجك ماراح يفارق البيت اهم شي داااااااااومي عالنظافه خليها عااده عندك

ولاتنسي تقوليلنا وش بيصير معاكي
الله يهديكي ويوفقك بحياتك ويسهل حملك وولادتك

[ممنوع شباب]

الله يعيييينك جد مسئوليه وهم كبير بس وش نسوي مضطرين

انا بقولك نظامي .. واتبعيه لانه مره سهههل

اول شي المطبخ لابديتي بالطبخ غسلي كل شي خلصتي منه لاتخلينه يتراكم عليك .. وبالنسبه للفرن حطي عليه قصدير وكل ماتوسخ غيريه كذا اريحلك بكثير من انك تنظفين الفرن شبه يومي


الملابس ع حسب اذا كثيره ولا لا .. انا بالنسبه لي يوم الجمعه عندي يوم الغسيل والكوي ع ايام لين يخلص ماعمري ضغط عمري بشي

البيت اغسله يوم بالاسبوع اجيب مويه وديتول واغسله انظف واريحلي ونفس الحكايه مع الحمامات الله يكرمك

واحط ريحه بالبيت واشغل المكيفات والبيت ريحته ترد الروح ..

اهم شي اهتمي بغرفة النوم وبمكان جلستكم والباقي ع مهلك

غرفة النوم حاولي تعطرين المخدات واللحاف .. خصصي يوم تغسلين الشراشف الي ع السرير وابيات المخده وعطيرهم

وكل مافضيتي حاولي تمسحين الغبار ع المرايه ع الطاوله مو كل شي يجي مره وحده

وبكذا انتي نفسك بتحسين بانتعاش .. وحطي في بالك انه هالشي بيسعد زوجك لاتخلينه ينفر من البيت

كلنا مالنا خلق ولو الود ودنا مانسوي ولا شي بس الشكوى لله


اتمنى اكون افدتك

[noni]

ياااااحلوك ؤربي مدري ؤش إقولك
ههههههه تعبيراتك ضحكتني شوي
المهم يا قلبي البنات ماقصروا
وحظي ببالك ان بعد ألبيبي بينعفس بيتك أكثر
يعني إذا ماترتب البيت.قبل ما ئجي ألبيبي مستحيل يترتب بعدين

وحرام الحين أنت وزوجك بس حاولي تستمتعي ببيتك قبل دوشه البزران
والحين ترى يسكت بكره بيمل وبيحكي لحمولتك ويدرون
ووقتها مهما تعدلتي بنظرون لك نظره مو كويسه

وحاولي تقنعينه تجيبي خدامه تقشع بيتك قبل ولادتك
قولي بس هالمره لأني قريب بولد
وان شاء الله يوافق

موفقه حبيبتي

[ام جيانا]

اذكرك اختي بحديث رسول الله لابنته فاطمه عندما طلبت الخادم ..
وانا جايبه الشاهد من الحديث فقط

: ألا أدلكم على ما هو خير لكما من خادم؟ إذا أويتما إلى فراشكما أو أخذتما مضاجعكما فكبرا أربعاً وثلاثين، وسبحا ثلاثاً وثلاثين، واحمدا ثلاثاً وثلاثين فهذا خير لكما من خادم).
يعني قبل تنامين قولي الله اكبر 34 مره ..سبحان الله 33..والحمد لله 33.. وانتي بتشوفي الفرق بنفسك فسبحان الله الذكر يزيد
من قوة الانسان وعزمه ويسهل الله امرك بها فيصبح كل صعب سهل بالنسبه لك

وعلى فكره بس هي البدايه صعبه والا الباقي تساهيل انتي ابدئي بشي يعني مجرد ماتخلصي اول شغله تجدي نفسك حابه تكملي
الي وراها وكذا شغله ورا شغله لين تخلصين .. وانتبهي على صحتك اذا فيه شي ثقيل او صعب خليه لين يرجع زوجك

وبالتوفيق

[صاحبة الذوق]

بصرراحه انا مو فاهمه ليييش خليتي بيتك كذا
الزوج مايرتاح الا في بيت نظيف
واكيد الاخوات ساعدوك
البيت مو كل يوم مره او مرتين في الاسبوع
اما ع المطبخ كل يووووم
بالتوووفيق

[عمري فداء ولدي]

مشكورين خواتي اللي ردو ,
ومشكوره ياممنوع شباب ع النظام حسيت ان المسئله سهله ,
وشكرا لك ام جيانا ع المعلومه وباذن الله راح اطبقها ,,

انا اللحين خلصت المجلس مجلس الرجال بالكامل وغرفة الطعام وغرفة النوم بس باقي السيراميك والمطبخ خلصت الغسيل باقي امسح الفرن والدولاب والارضيه والثلاجه نظفتها تماما وغسيل الملابس غسلته باقي ملابسي حقت البيت والله يعيني ع الباقي ..
وياااااااارب اتسنع وفعلا ماااادري كيف راح يصير البيت بعد البيبي وانا بهالحاله , هذي نتيجه عبطي عند اهلي ماكنت احب اشتغل وابتليت في بيتي وماعندي من يساعدني ,, الله يقويني بس ,,

[~قموووره~]

ايوه خليكي كدا سنعه مشااء الله عليكي عيني عليكي بارده

كملي كله البيت انجزت الكثير باقي القليل الله يكون في عونك حبيبتي^^

[سيدة الغرام]

ماشاء الله البنات ماقصرووووووووووووو معاكي ياقلبي
انتي حاولي تنظفين بيتك بالاسبوع مراتين من رغم ماعندك عييييييييال
وحاولي تنظمين جدول انا كذا احب انظم جدول ترتيب البيت زي الغسيل والكوي
وغسيل البيت

الله يسعدك ياااااااااااااارب ويوفقك

[noni]

اللهم لا حسد بس انجزتي الكثير
هاااااانت

[lilian]

شوفي حياتي انتي عندك نقص حديد
لان المديد اذا قل بيجيب خمول وكسل
افحصي وشوفي

[همسة ذوق]

الله يعينك حبيبتي والله كلنا مالنا خلق بس غصبن عننا لازم يكون البيت نظيف عشانك قبل زوجك انتي اللي جالسة اغلب الوقت ...هادي فكرة لحمام نظيف يوميا جيبي إبريق وعبي فيه موية وحطي صابون العملاق مررررررره روعة هذا الصابون قليلة بحقه روعة مطهر ومنظف وخفيف عاليد وريحته روعة وأشتري فرشاة تكون يدها طويلة ودخليها داخل الإبريق وحطيه بمكان مايبين يعني مثلا وراء المغسلة وكل ما تدخلي الحمام الله يكرمك وحسيتي إن الحمام وسخ المغسلة مثلا او الأرضية اشطفيها عالسريع ونفس الشي السيفون الله يكرمك بس انتبهي بالفرشاة الخاصة تبعه بس صبي على السيفون وحترتاحي كذا من الحمامات...الطريقة مرررره سهلة ودائم خلي الإبريق فيله هاذا الخلطة..سامحيني طولت بالكلام بس أبغى أفهمك ..

[همسة ذوق]

وصراحة أنصحك بالعملااااااق والله من يوم ماجبته أستغنيت عن اغلب المنظفات صرت أنظف فيه الأرضية الحمامات المطبخ أخففه بالمويه وأحطه برشاش ريحته مثل المطهر بدل الكركبه وعلب المنظفات الكثيرة بس انتبهي من التقلليييييييد ريحته وع..

[فوضت امري لله]

حبيبتي بعد ماتخلصين البيت وصار تمام

بقول لك كلمتين خليها حلقه بإذنك


الرجل حتى اذا ماتكلم يمل من الحرمه الوسخه

ثانيا__تخيلي جاب ابوك او امك على البيت فجأه وقال شوفوا بنتكم وش لون البيت صار

هذي صارت مع بنت جيراننا والله سافر لين ابوها اكثر من 300 كيلوا وجابه على بيته ووراه البيت

وقال تسمح لي اتزوج والله يأختي انه تزوج
وتركها وبيتها الوسخ
وش استفادت ----ولا شي

[الاميرة الحائرة]

ماشاء الله ياقلبي خلصتي الكثير ومابقى الا القليل والبنات وفو وكفو انا ادرس والحمدلله مع ترتيب الوقت البيت مايكون وسخ الا اذا مرضت انا نصيحتي لكي رتبي وقتك وحتحسي انو وقتك زياده وانتي عملتي اشياء كثيره موفقه حبيبتي

[حجــآزيــۃ]

ماشاء الله تبارك الله انجزتي الله يساعدك

اهم شيء سويلك جدول زي الغسيل خليه مثلا كل جمعه والسبت خليه كوي
والكنيس خليه يومين في الاسبوع والتمسيح كل بعد يومين طبعا هذا عشان ماعندك اطفال

والله يسسسساعدك

[ممنوع شباب]

كفوووو والله شفتي انه المساله سهله مررره

الحين يوم بديتي تنظيف وش كان احساسك مو تحسين انك مرتاحه ومبسوطه ع الاخر

خليك كذا لاتتكيسلين لين كل شي ينظف وحاولي تمسحين شبه يومي عشان مايتراكم عليك وتبتدين من جديد

وبقولك شغله بعد اانا اسويها وزوجي ضحك علي يقولي كل هذا كسل بس اهم شي تريحني

الحين الزبايل الله يكرمك تحطين كيسه زباله وحده بكل زباله

شوفي طريقتي احط 6 اكياس يعني الرول مااقطعه كيس كيس لا 6 مع بعض واحطه بزباله وحده بحيث لاامتلت اشيل الكيس الاول ويتبقى عندي كيس مايحتاج اروح واجيب كذا اسهل

والله اني مرتاحه من هالطريقه

وزبالة المطبخ اول ماتمتلي اربطها وع طول ع الحوش علشان ارتاح وزوجي يطلعها برى سوي حركتي وبترتاحين بس ان شاء الله تكوني فهمتيها

وعساك ع القوه حبيبتي

[همسة ذوق]

عجبتني فكرة الزبايل حلوة ومريحة👍 الله يسعدك جاري التطبيق😉

[اجاتا]

الله يهديك ... يمكن انتي ما كنتي مو متعودة في بيت اهلك ع الشغل ..

والله يعينك

انا بقترح عليك انك اتجيبي خدامة ليوم واحد تنظفلك البيت ومن بعدها انتي لا تراكمي نهائيا..


ولما يكون بيتك نظيف هذا يعكس على نفسيتك وثقتك بنفسك .. ديري بالك

االله يكون بعونك

[وفوووشه]

ما شاءالله انجزززززتي

تصدقين حتى أنا جاني نشاط من موضوعك هههههههه نظفت اشياء كنت ماجلتها الى اجل غير مسمى
لكني الحمدالله اشتغل واتعب واهم شي الغسيل ملابس زوجي وولدي
اما الكوي ما أكوي كل شي بس الي بيلبسه زوجي اليوم مثل الثوب والغتره والبدله وحاجات زي كذا لأنو والله صعب علي وانا حامل أوقف مده طويله وانا أكوي اتعععععععب غير شغل البيت والطبخ ومصالات الولد

الله يقوينا ويقويك ويعينا واهم شي يقومنا بالسلامه ان شاءالله


همسه من قلب ( وانتي تشتغلين شغلي سورة البقره احرررررصي عليها لان القران اقل شي له اثر نفسي على الشخص حتى لو كان مايشتكي من شي )

[Didi]

اذا انتي ما تنظفين لأنك مستصعبه التنظيف عندي لك كم نصيحه :

انتي كل يوم فيك فيك توقفين بالمطبخ نص ساعه عشان تغسلين صحون الغداء والملاعق
وفيك تنظيفين الفرن بجيف < يجنن هالمنظف ! وكلها في فترة قصيرة من نص ساعه الى 45 دقيقه وانتي منتهيه ..
وخصصي لك فوطه للفرن وفوطة لطاولة المطبخ وفوطه لتنشيف المواعين ..

انتهينا من المطبخ روحي الصاله نظفي زبالة الصاله وشيلي الوسخ ان كان فيه قراطيس طايحه ولا مناديل ورتبي كنبه الصاله وان كان عليها مخدات صغيرة وعطري الكنبه بعطر للأثاث وتلقينها في هو سنتر ..

هالحين بعرفك على صديقي المفضللللللل أسمه Pledg بليدج البخاخ اتعب وانا اقووولك يلمع لك الاثاث ويشيل الغبرة ويخليها تطول على ما تتجمع الغبرة مرة ثانيه . وفيه منه منظف للسيرراميك سائل خطيييييير جداااا جدااا ويخلي السيراميك يلللق وريحته تههههبل !!

http://forum.hwaml.com/imgcache2/hwaml.com_1335857262_428.gif

طريقته : جيبي سطل ماء وعبيه للنص وحطي مقدار غطاء واحد من بليدج السائل و جيبي فوطه وامسحي فيها ارضيه كل الطابق ..


وبالنسبه للغسيل المتراكم ارسلي اللي تقدرين ترسلينه للمغسلة و ابدأي وحددي لك يوم بالأسبوع خليه خاص للغسيل والنشر و يوم للكوي ..
واشتري مكواة بخار سررررريعه جدا وسعرها مناسب تلقينها في اكسترا وهي احسن شيء لكوي ثياب الرجال . وتقدرين تكوين وانتي تطالعين تلفزيون .

هذة المكواة مناسبه وسريييعه في كوي الملابس الداخليه hwaml7 تقدرين تحطين اكثر من قطعه بنفس الوقت !

http://forum.hwaml.com/imgcache2/hwaml.com_1335857261_403.jpg

وهذة المكواة حلوة لفساتينك الحرير وجلابياتك وثياب زوجك مررة تجنن ومريحه ولا فيه اسهل منها .

http://forum.hwaml.com/imgcache2/hwaml.com_1335857262_978.jpg


واذا رحتي سنتر بونت لا تنسي تشتري :



فواحة ..

http://forum.hwaml.com/imgcache2/hwaml.com_1335857263_129.jpg


ابجورة , تعطي البيت جو رومانسي جميل .

http://forum.hwaml.com/imgcache2/hwaml.com_1335857261_848.jpg

حبيت اقولك شيء اضافي , اذا اهتميتي في بيتك اكثر زوجك بيحب البيت وراح يحبك اكثر ..
اذكر مرة قال لي زوجي ان ه صار يكرة يروح الاسراحه لأنها ازعاج ويحب يلجس في البيت لأن الجو هدوء وفيه اريحيه و ريحه حلوة كمان ..
حاولي تحسسيت زوجك انه حياته بعد العزوبيه تغيرت وصارت مرتبه اكثر و جميله وانتي بكسلك هذا ماتحسسينه ان فيه فرق كبير بين الزواج والعزوبيه من ناحيه التنظيم والتنظيف. !

[أم نايله]

الله يعينك ويوقيك

انتي حببي نفسك بالشغل انا لو بترك نفسي بصير مثلك لكن لا

اهيئلي جو انيم عيالي وابدء غرفه غرفه وارتاح بين كل شغله وشغله

واكافئ نفسي بعد ما اخلص بايسكريم حلى او عشوة كدا صرت اتحمس بس السر انو يفضل نظيف هوه

انك ماتهملي يعني كل يوم شيكي على الغرف ومسحي لا تكومي المواعين ابد ابد لو اتكومت تتكاسلي بقوة اول باول

وحبي بيتك لانو مملكتك حببي نفسك فيه اشتريلو اكسسوارت زبطيه هيئيلك جو فيه راح يعورك قلبك بعدين لو تركتيه وسخ

والله يعينك ويعيننا

[قلبي يهواك]

والله البنات ماقصرو مافيه شي اقوله
كل شي قالوه بس اشاءالله تولدين وتقومين بسلامه وتهتمين بيتك والبيبي وزوجك الله يسخره لك

[memaya]

شوفي حياتي انتي عندك نقص حديد
لان المديد اذا قل بيجيب خمول وكسل
افحصي وشوفي


ااااااااااااااااه والله انا كنت بعانى من نقص الحديد وكان مسببلى كسل مش طبيعى بس الحمد لله كان الهيموجلوبين 7 والمفروض يكون 12 بس دلوقتى بقيت 11 والفرق فظيع نشاط ورجعت مثل اول والحمد لله

وبالنسبه لصاحبه الموضوع حبيبتى تعوذى من الشيطان و خلصى غرفه غرفه يكون افضلك

[انثى من زجاج]

قرأت قصتك واتذكرت نفسي انا بأول زواجي كنت كده صح اني مو لدرجتك مستحيل اكوم زبالة بس انا ماالومك ولا اضحك عليك لأني لو زوجي ماسمح لي اجيب شغالة كان كنت اخس منك بس بدلك على شغلة يمكن البنات نسيوها الأذكار صباح ومساء تعطيك نشاط مو طبيعي وقراءةورد من القرآن او شغلي القرآن وانتي تشتغلي وكبري في الصباح 34واحمدي الله 33وسبحيه33مرة وخذي دش بارد في الصباح ينشطك والله رح تذكري كلامي وربي لوجاك طفل وانتي على ده الحال اقسم بالله لاتكرهي نفسك دعواتي لك وقلبي معاك

[عمري فداء ولدي]

الحمدلله واخيراااااااااااااااااااااا خلصت من البيت وصار يلق ويلمع وريحه حلوه ومرتب وكل شي كل شي يهبللللللللل وختمتها ببخور عوود .. ااااااه ه ه والله تعبت وانهد حييللييييي .. بس الحمدلله ومشكوووووووووووريييييييييننن ع المساعده حبيباتي والله مااااقصرتوا .. الله يسعكم ويعطيكم الف عافيه ..

[وفوووشه]

الله يعطيك الصحه والعااافيه ولا يغير عليك
بس عاد خلاص انتبهي حطيلك جدول ونظفي اول باول علشان مايتراكم عليك يالغلا

[~قموووره~]

عمري فداء كللللللللللللللووووووووووووووووش ألف ألف مبروووووووك ويااااااااااارب يارب دوووووووووووووووم تبقي زي ماانتي سنعه وبيتك انظف بيت والحين اعزمي حمواتك راح يموتوا غيره هههههههه واكييد زوجك راح يلصق في البيت وبيحبك زيااده ربي يسعدك خلاص لاتكومي ابدآ ابدآ ولاتأجلي اشغالك عشان يبقى بيتك عالطووول يلق

بالتوفيييق ياقمر الله يتمم حملك على خير ^^

[عمري فداء ولدي]

اميين والله يسعدكم الحمدلله كل شي اول باول والشغل خف .. يسلمو ..

[لين العسولة]

ماشاء الله عساكي عا القوة ياقلبي كلنا نمر بها الشي انا يوم كنت حامل كل صحوني وملاعق

بلاستك وكاسات ورق مرررة اريحلك انا اكررررررررة انظف المطبخ احب انظف كل شي

الا المطبخ فقررت احط كل شي بلاستك وارمية خاصة اذا كنت تعبانة ومالي خلق والفرن حطي علية قصدير وريحي راسك

الهي يوفقكم يارب ويسعدك

[أم ريهام]

شوفي قلبو انا مرت علي فترة كنت مثل ما قلتي تقريبا شي يجيب الضغط طول الوقت وأنا بيتي يسد النفس وانا مو قادرة اسوي شي

ولما أحاول أحس أني تعبانة مرررررررررررررررة

لما رحت للدكتورة قلت لها أحس بخمول شديد شي متعب

قالت لي عندك نقص في الحديد وفعلا بمجرد ما أخذتها سبحان الجواد الكريم سبحانك يا ربي

صرت ما أدنى أجلس أبدا طول الوقت وانا أفر في البيت

شوفي أنت مشكلتك أهون من غيرك عارفة ليه؟؟

لأنه انت عندك الرغبة وعندك إحساس وودك تتغيرين وهذا أول خطوة وأهم خطوة

لكن الباقي على تشوف أنه هذه مو شغلتها وما عليها لو أحد دخل بيتها ويشوفه كذا

ولا تنسي التسبيح والاستغفار

وأشربي عصيرات وموية كثييييير ولا تنسي تأكلي أطعمة تنشط الحديد عندك مثل محشي الكرنب الكبدة البندورة الخضار الورقية

وغيرها كثييير انت بس ابحثي

وكل يوم الصبح اشربي حليب محلى بالعسل او زبادي حطي عليه ملعقة عسل وابعدي عن المنبهات والغازيات

وفترة العصرية حطي سلة فواكه وافركي فيها فرم أقل شي أكلي نص كيلو كل يوم منها

صدقيني كله هذا نقص في التغذية

وكمان لا تكثرين الشغل على نفسك

يعني مثلا بتسوين أكل لا تكثرين المواعين أستخدمي المواد البلاستيكية

البوتجاز والفرن بعد ما تنظفينه حطي قصدير عليه

أو أنك أكتبي وين مشكلتك وإش أكثر شي تحسي أنه متعبك واحنا نعطيك أفكار ونشجعك

وربي حاسه فيك لأني مرت علي فترة كنت زي كذا وكنت أصييييييييح صياااح لكن ما فادني شي



أعتذر أني طولت عليك

[علمتني التجارب]

السلام عليكم ورحمة الله وبركاته
قبل مانبدا بتنظيف البيت ليش ماتحددي مكان محدد لكم والباقي تقفليه اذا جاك ضيوف يكون نظيف
استخدموا حمام واحد والباقي لمعيه وقفليه
غرفة النوم وغرفة المعيشة واستخدموها والباقي غرفة الضيوف او غيره قفليها
احصري المكان قد ماتقدري
بعدين اطلبي من زوجك بدل شغالة يشتريلك صحون ورق من محلات الجملة واستخدميها وكلكم اثنان واذا جاءك ضيوف استخدمي صحون البيت
شوفي لاتتهاوني بسكوت زوجك عشان لايوم يصير شي ويعايرك هو ولا اهله والله حبيبتي غلط حطي قاعدة زوجية امامك انك تكوني الزوجة المثالية بكل شي تكوني ملكة البيت كاالنحلة ملكة الخلية
والان نجي للتنظيف ابداي كل يوم بشغله بهدوء وروقان
المطبخ قسمية يوم الثلاجة والبوتغاز وانسي التنظيف وثاني يوم نصف الدولاب واليوم الثالث النصف مع الارض والمغسلة
وانتهى الموضوع 00 وابداي كل يوم غرفة المهم اللي يتنظف لايتوسخ اول بااول
اليوم انتي لوحدك بكرة انشاء الله تنظفي وهذا يبغا القارورة وهذا يصرخ وخايفة يصحي ابوهم ايش بتسوي ؟

[يارب احفظلي زوجي]

حبيبتي اذا تبي زوجك يمل منك ومن البيت اهمليه ترى يبتزوج عليك يبروح يدور له مكان انظف اهتمي بظفاتك ونضفات بيتك

[دلعً]

لآ تعلييييييييييييييييييييييييييييق

[ام رهـــف]

البنات ماقصرووو يعطيكم العافيه

[sarah84]

الله يعينك ويعين كل حامل انا كمان عم عاني في التنظيف من يوم حملت لليوم والشغل الي كنت اعمله في ساعة صرت اسويه في اربع ساعات بس بنظف حتى واكنت تعبانة وادعي ربي يسهل علي التنظيف لاعم حس حالي ثقيلة وبصعوبة اتحرك

[4يو]

جزاكم الله عنها وعني كل خير
انا مريت بهذي الحاله ابموت من الكسل ابكي وانحرق بس متحرك مي دائما تخصمني
تخيلي عندي اربعه اطفال انظف بس ارتاح شوي الا البن ولا جاك المويه ولدي كبه في الثلاجه والارضيه اموت من القهر الحمام الله لايوريكم لازم غسيل على طوال عذاب جبت شغالات بس مرتحت معاهم موذيك النظافه الي ابيه
والحين جبت شغاله تجي يوم ويوم لا ارتحت من هم الكوي والغبار
بس اليوم الي مافي شغاله يحوسنه عيالي الله يصلحهم لو الله ثم زوجي يساعدني كان مت
بس انا الحمد لله نسبه الحديد ممتازه طيب وين المشكله فيني
والله زعلانه من نفسي كثير اموت في النظافه ولا اقدر اسويها وانا حامل نشاط مو طبيعي بيتي نظيف احسن من الحين

[4يو]

يبيلي اشغل صوره البقره

[سماء الاحساء]

الله يسهل امرك وش تقولي عني اربع عيال وزوج والبيت كبييير وكل يوم نفس الشغل لاتقولي يوم كوي ويوم مخصص للغسيل
لااااااااااااااااااااااااااااااااااااااااااا كل يوم غسيل وتنظيف وكوي والمطبخ ماشالله بروحه عن شغل البيت كله وغير العيال ومذاكراتهم وظهري منكسر حااولي تنظمي وقتك وتسهل عليك صدقيني او حاليا جيي وحده من خواتك او من اهلك تساعدك بالتنظيف وفي يوم تخلصيه والله يسهل امرك وبالعزم تعلوو الهمم

[عمري فداء ولدي]

مشكووورين الله يسعدكم ويعييننا ع هالبيوت ..

[قلبي كسرني]

السلام عليكم
حبيبتي الله يعطيكي العافية والقوة ويعينك على تنظيف البيت انا مشكلتي الصحون من اشوفها بالمجلى يجيني غثيان ومدري كيف احسها تتكاثر لوتركت ملعقة وحدة ارجع الاقيهم اثنين واتصور الصحون واحد ينادي الثاني حتى لايملوا ويسلوا بعض بالمجلى
اقلك كيف اسهل الامور على نفسي
اعمل طاسة ماء دافي وصابون جلي صحون واحطها على المجلى واحط اسفنجة الصحون فيها وكل ماوسخت شي اغسله وابدل الماء مرة او مرتين بالنهار
يوميا قبل ماانام (احاول) ارتب المطبخ وامسح السطوح الي فيه انا شارية مناديل ديتول وحاطتها تحت يدي
وارتب المعيشة مكان جلستنا والم الالعاب المنثرة وارتب القنفات وحاطة عليه كوشات ملونة ارتبها
احاول الم اي شي مرمي في طريقي وبعدها اروح انام
لما اجي للتنظيف الرسمي يعني لو صارلي ظرف معين وتركت البيت شوي اجيب كيس زبالة كبير الله يكرمك وافتح الثلاجة وارمي في الكيس كل الي منتهي وبعدها اخذ الكيس معي ووين مارحت باي غرفة الم الزبالة وارميها في الكيس وبعدها افرغ سلات الاوساخ الي في الغرف واضل كل ماشفت شي زبالة ارميها في هالكيس
في كل غرفة ادخلها اجمع كل الاغراض والملابس وكل الي ملخبط واحطهم في مكان واحد على السرير مثلا واجلس اعزلهم وارتبهم مجموعات مثلا الثياب اعزلها واطويها المجلات والكتب اجمعها مع بعض واحمل كل شي لمكانه والثياب الوسخة ارميها في سلة الغسيل او في الغسالة مباشرة ولما اخلص كل الغرف تبقى بس الارض كنس وتنطيف وبعدها امسح الاخشاب
غسالتي اوتوماتيك اشغلها في الليل لما انام واسكر باب المطبخ وفي الصباح انشر الغسيل

[قلبي كسرني]

تعرفي انا ايش الي يضايقني في شغلت مالها مكان مثلا بطارية صغيرة مفتاح مو عارفين لمين شريط صغير لعبة صغيرة من توزيعة ولادة جارة او قريب لك زر اخضر اوبرتقالي مدري من ملابس مين هذول تشوفيني حاملتهم ودايرة فيهم واخرها ارميهم في اي درج قدامي اقول (ارجع لهم بعدين)

[عمري فداء ولدي]

يووه الله يعييين ,, والله الحمدلله صرت اضغط ع نفسي بالقوه عشان مارارجع للحياه اللي كنت عايشه فيها بس هالحمل والثقل والله هد حييلي صرت ماقدر اقوم الا غصب واتعب والنوم طاااااااااايح فيني من يوم دخلت التاسع مدري ليه ؟؟
والمطبخ نظييف صارلي اسبوع ماطبخ زوجي الله يرضى عليه يجيب من برا وارتحت شوي بصراحه ..

احيانا اقول حياتي عند امي احسن تعبت من المسؤليه بيت وحمل وثقل واذكر حبي لزوجي واقول لا , حياتي معاه احسن , والله نفسيه ..!!!

[kyot]

الحياة يبغالها صبر انا ماكنت اعرف الشغل عند أهلي خدامة ورأ الثانيه ولما تزوجت تعبت كثير بس صبرت وحاولي لماتبدين بالتنظيف شغلي قران او نشيد تحبيه او نشدي انتي عشان تحسي انه يروح الوقت ونظفتي وانتي مستمتعه ولا تضغطي نفسك كل يوم سوي شغله او ثنتين اهم شي لا تراكمي الشغل اول باول

[عمري فداء ولدي]

لا الحمدلله الامور كويسه .. شكرا ع المرور

[احلى من العسل]

الله يقويك ويساعدك والله ان شغل البيت نفسيه وخصوصا النحاس يجيب الهم بس ايش نسوي لازم نتحمل ومانتعود على الكسل وربي اني احس ان النحاس يتعازمزن على المجلى ههههههههه

[عطريي انفاسك]

والله كفوووووووووووووووووووووووووووووووووووووووووووووووو وووو يابنات والله مقصرتم الله يوفقكم
اختي الله يكون في عونك بس علشان ترتحين في بيتك لازم لازم لازم يكون نظيف
تحياتي

[ام منيره2]

ماشاء الله البنات ماقصرو معاك والباغي عليك وخصوصا لينا فصلت لك النظافه الله يسهل عليك الولاده وتقومي بالسلامه وتقومي بيتك وطفلك لان الام المراه هي خيمت البيت الله يوفقك

[انا المستحيل]

موضوع استمتعت بقراءته

[jorri sham]

فعلا ماقصروا معك خاصه لينا هيك كنت بدي الك قليلنا شو بيصير معك
ونصيحة تابعي نظافة بيتك يومينا مو تهمليه بلاسبوع مرة مشان ازا جيتي تنظفي يكون مافي اوساخ كتير وو ازا اجاكي ضيف فجاة يكون لبيت نظيف ومرتب وقليلنا شو عملتي وشو صار معك
مووفقة انشالله

[اميرة حبيبها]

ياحلوكم انا امر بمشكلت اختنا

واليوم صحيت وانا حاطه التنظيف بين عيوني وكأني قائد معركه يجهز جيوشه
نفظت السرير ورتبته وعطرته
ونظفت الغرفه ومسحت الاثاث من الغبار ولمعت حمام غرفتي وبيضت حواف البانيو والمغسله وغسلت ارضية الحمام
ورحت المطبخ جبت قدر كبييير وحطيت فيه مويه وصابون ولميت كل المواعين المتراكمه ومسحت الدولاب ورتبت المطبخ وحطيت كل حاجه في مكانهر وشغلت الفواحه
وحطيت ملابس زوجي في الغساله
والحين اخذت قسطا من الراحه وبرجع اطلع الملابس وانشرها واغسل المواعين وانظف المجلس والصاله واكنسهم وامسح الارضيات كلها

[اميرة حبيبها]

انا الحين حامل تقريبا في نص الشهر الرابع
ومن حملت تعبببت كثير وانواع الاهمال
وامس نزلت عند زوجة اخو زوجي وعندها مرت اخوها وهم اردنيين
وغرت بصراحه كيف نظافة بيتها وكيف عادي اول مااتصلت مرت اخوها قالت لها تعالي
ولا ارتبكت ولاشالت هم البيت رغم ان عندها بنتين وحده في المدرسه ووخده عمرها اربع سنوات
وانا اللي ماعندي غير ولد عمره ثلاث سنوات ماحب احد يجيني من حوسة بيتي
ونفسيتي صارت دماااار بس الحين بديت احس بحيويه
وان شالله مابنام اليوم الا بيتي يلق من النظافه
وبكره اول مااصحى بغسل الحمامات وبحافظ على نظافته وبنظف اول بأول

[nour karim]

الموضوع قديم

[نوووشا]

هههههههههههه ياحليلك وخفه دمك
مبين انك على نيتكك لانو لو وحده ثانية ماتقول على نفسها كذا المهم

انتبهي يالخبله رجلس لايعرس عليس اربطي القميص على الخصر والا البسي قصير ونطفييي بيتس دايم فكري ان رجلس بيعرس عليس ويجيس النشاط عاد من وين تبتدين شوفي الصعب وابدي فيه وخليك غسيلك يوم ايه ويوم لا المهم تسنعي لاتخلين الرجال يمسك عليس شيء

يلا سللام واعذريني موفقه يارب

[اميرة حبيبها]

عارفه الموضوع قديم بس مهم كثير وحبيت الصبايا يشاركوني بدل ماافتح موضوع مشابه

[إحساس إمرأة]

الموضوع قديم
يـــــــــغـــــــــلـــــــــــــــــــق