انا مو حامل وحامل والا ايش؟ والا هرمونات ممكن رد لو سمحتوا

[بنت الحمد]

السلام عليكم كيفكم ان شاءالله جميعا تكونون بخير

عارفه طفشتكم بوسواسي

كتبت موضوع ان دورتي تاخرت اسبوعين وحللت من 10 يوم ومافي حمل وبعدها ب 5 ايام نزلت الدوره

بعد ماخلصت الدوره مادري كان عندي شك ورحت سويت اختبار حمل منزلي وكلهممممممممممممم سالب

ورحت للدكتوره وقالت مافي حمل قلتلها يعني اخذ ادويه واي شيء عادي قالت لي اي خذي الي تبين لان مافي حمل

قالت لو تبين اسوي لك تحليل هرمونات ونشوف سبب التاخر اما حمل مافيك لان الدوره نزلت 8 ايام

المهم اخواتي
الحين لي 2 يوم من بعد مانتهت الدوره وماحصل جماع ولا اي شيء

بس كله احس بالم باسفل بطني مكان المبايض والم وحكه بصدري

ايش السبب هل هو ارتففاع هرمون او شنو لانه مو حمل الحمدلله والشكر

ليش الالم الي باسفل بطني اذا جيت امشي وحكه بصدري والم خفيف تقريبا

ياليت تجاوبوني هل هو تلخبط هرمونات او ايش

شاكره لكم

يعطيكم الف عافيه ويحقق لكم كل ماتريدون

[لمسة أنوثه]

يمكن يكون سبب الالم والحكه الي في صدرك ارتفاع هرمون الحليب

انصحك بالبردقوش حلو جدا لتنظيم الهرمونات

[بنت الحمد]

اها الله يعطيك العافيه

يعني هل ارتفاع هرمون الحليب يسبب الم وحكه بالصدر ؟

ياليت تجاوبوني لاني ماعرف وربي ومحتاره

وكلهم يقولون لي شيلي فكره الحمل من راسك لانك مو حامل لان الدوره نزلت خلاس حتى الدكتوره قالت لي هالكلام

وقالت لي ريحي نفسيتك والا بتتاخر الشهر الجاي بعد وانا مابي يصير لي هالشيء تتاخر واسوس

جاوبوني الله يجزيكم كل خير يارب

[غلوو]

انامثلك صارلي وطلع ارتفاع بسيط في هرمون الحليب روحي للمستشفى وراح يعطونك حبوب حقت هرمون الحليب واللة يرزقني ويرزقك هذا الشهر بالحمل السليم المعافى يارب وجميع اخواتنا في الللة

[بنت الحمد]

غدو

الله يرزقك ياكريم بالحمل السليم المعافى

مشكوره حبيبتي

يعني اشيل من راسي فكره انه حمل ؟؟ وماخاف اخذ حبوب واي شيء؟؟؟

[اغفر لي يارب]

وعليكم السلام

اختي هرمون الحلييب كان عند صديقتي واخذت شهرين حبوب تنزل الهرمون لانه كان مرتفع وبعدها حملت
تري دايم يمدحون بالبردقوش والمرميه في تنظيم الهرومانات والله اعلم

[بنت الحمد]

انتظر رد باقي الاخوات

الله يحقق الي ببال كل وحده ترد علي وتطمني

عادي اخذ حبوب ؟خلاس اشيل فكره الحمل ؟

لانها اول مره بحياتي تتاخر اسبوعين ومن بعدها تنزل

عارفه اني ازعجتكم اعذروني

بس الي ابي اعرفه ان الحين من بعد ماتاخرت اسبوعين ونزلت الدوره يعني هذا مو حمل؟

ومن بعد الدوره ماصار في جماع لان زوجي مو في بس ليش الم صدري وخاصه حراره بالحلمه وحواليها والم اسفل بطني

[ام علوان]

حبيبتي عادي حكة والم البطن لا تعقدين نفسج اكثر
لو حمل كان بان اكيد
شربي ادويتج هذي لخبطة هرمونات تصير وايد

[ماما عبير]

ما قلتي لنا شنو كانت نتيجه التحليل مال الهرمونات الي سوته لج الدكتوره؟

اختي لا تقعدين توسوسين انج احتمال حامل لان هذا الشك قطعتيه باليقين لما سويتي التحليل وانتهى.. خلاص لا تفكرين فيه لان فعلااا النفسيه تلعب دووور بتاخر الدوره وتاخر الحمل

حاولي تنظمين هرموناتج وبعدين ياارب الله يرزقج بالحمل الي تتمنينه

[أسيرة زوجي]

حبيبتي أي حبوب تبين تاخذين؟؟

من الاحسن لا تاخذي أي دواء بدون استشارة الدكتور

و بما إنك في الأيام إلي بعد الدورة، اشربي عصير أناناس ،يساعد على زيادة حجم البويضة، و اشربي الزنجبيل إلي اليوم 12 من الدورة يساعد على تنزيل البويضة

و الله يكتبلك إلي فيه الخير

[سارونة الكويت]

الصدر مرتبط بالهرمونات ف اعتقد انها تغيير هرمونات او احتمال زياده بهرمون الحليب

وبالنسبه للالم اسفل البطن له عدة اسباب وأولهم وصار معاي قبب انه التهاب بالبول !! انصدمت انه يسبب الام وأكدلي الدكتور
أو يكون من التبويض سبحان الله يسبب الم اسفل البطن "" وانا بنصحج نصيحه راح تشيل الالم وتريحج واكثر اللي سووها حملو بنفس الشهر
تبخري بشاي حطي شاي ورق ع الفحم ودخليه الحمام معاج واقعدي جلسة القرفصاء خلي يدخل داخل وعقبها حطي فوطه والبسي طول ودلاغ وشوفي اذا في هوا بيطلع كله

بالتوفيييق حبيبتي وأسال الله ان يرزقج الحمل السليم ويفرح قلبج بشوفة ظناج

[درين]

روحي للدكتورة احسن ياغالية

اللهم ارزق كل محرومه الحمل السليم وفرحها بحملها وضمة طفلها وما تحرم انثى من ان تكون ام وتعيش لحظات السعاده مع طفلها اللهم امين يا كريم ربنا يرزقكى ويرزقنى ويرزق كل عضوات المنتدى هذا الشهر بالعوض الصالح والحمل السليم المعافى يارب قولوا آمين

[بنت الحمد]

صراحه والله مادري شقولك وربي خنقتني عبرتني

الله يجزاكم كل كل كل خيييييييييييييير ويفرحكم ويهنيكم ويحقق لك كل ماتبون

مشكورين بجد واسفه لاني ضايقتك باسئلتي بس والله تراي ماعرف شيء

وبالنسبه لهرمون الحليب انا للحين ماحللت يوم قالت لي الدكتوره خفت وماحللت

اليوم ان شاءالله بروح احلل هرمون وبقولك النتيجه

والادويه لان الدكتوره عطتني دواء لالم ظهري

وبجرب وصفتك سارونه حبيبتي

ربي يجزاكم كل خير كل وحده ردت علي ويحقق لكم كل ماتتمنوه

يعطيك ربي الف عافيه