سؤااال لبنات الشرقية

[شوق وحنين]

السلام عليكم..

خواتي بنات الشرقية..
أنا من البحرين بس ناوية أشتري أغراض الولادة من السعودية (أوفر!!)

اقترحوا علي محلات أحصل فيها احتياجاتي واحتياجات البيبي وأغراض التوزيع بس تكون في الشرقية.. ودلوني على الأماكن بالضبط بليز hwaml7

وعندي استفسار هل فيه محل يبيع ثياب للمواليد الرضع بس يكونون كيوووت.. يعني أرنوب مثلاً.. فرفور.. أشياء من هالنوع؟

آخر سؤال ايش أحسن صيدلية الي بلقى فيها كل الاحتياجات الصحية؟

والله يعطيكم العافية مقدماً.. hwaml7

[اخر الصفحات]

هلا والله باهل البحرين
الله حيهم
بتشرف السعودية بحضورك
اختي مع اني ساكنه بالجبيل الا اني لسا جديده فيها
اقضي من جده
ان شاء الله بنات الشرقية يفيدوكي...

[أمووله]

هلا وغلا حيا الله اهل البحرين
ربي يتمم لك حملك بخير ويسهل عليك
عندك طال عمرك سوق الدمام الي هو سوق الحب
اذا تعرفيه فيه كثير محلات اول ماتدخلين سوق الحب
راح تلاقين ع اليسار محل بيبي هاوس عندهم شغلات حلوه
وكمان بجنبه محل ع طول فيه اشياء حلوه
وبسنتربوينت فيه اشياء رووعه الي ع طريق الكورنيش
وكمان بعد ماتعدي سنتربوينت يكون محل مولودي على يدك اليسار في الشارع الثاني
اتمنى اكون افدتك بس للاسف ماعرف اسم الشارع بس ان شاءالله وصلت المعلوم

[فآنو~!]

مولودي , سنتربوينت , بيبي هآوس
للأسف مآعرف اوصف ههههه
بس انتي فالدمآم تمشي بالسيااره كل مساافه بتشوفي محل نزلي تفرجي ^_~

[أسيرة زوجي]

الله يوفقك حبيبتي و يتمملك بخير

إن شاء البنات إلي من المنطقة يفيدوك

[شوق وحنين]

تسلموووون يا بنات على المساعدة والاقتراحات..

طيب وأحسن صيدلية؟

[ممنوع شباب]

كل الصيدليات كويسه وماعندنا صيدليات لها اسامي كثيره

افضل شي النهدي والدواء بكل مكان راح تلاقينهم


وعن الملابس بالمجمعات فيه محلات كثيره حلوه .. بس اذا تبين الرخيص مثل ماقالولك البنات سنتر بوينت وسوق الدمام

سنتر بوينت بكل المجمعات واكيد عندكم بالبحرين

وسوق الدمام اسالي بس عن طريق الاماره وين وراح تشوفينه السوق

بالنسبه للتوزيعات فيه بسوق الدمام اول لفه تجيك ع اليسار عند مجمع الؤلؤه ع ماظن محل اسمه سامي ع يدك اليمين تحصلينه اظن فيه اشياء تنفع للتوزيعات .. مو متاكده بس

واتمنى اكون افدتك

[شوق وحنين]

ما قصرتي اختي :)