ما رأيكـ بالمستشفى اللي ولدتي فيه ؟؟؟

[قلب حبيبي ونبضه]

السلام عليكم ورحمه الله وبركاته....
مدري يابنات أنا الصراحه ابي استفيد وافيد ومدري اذا الموضوع مطروح من قبل ... بس ابي كل وحده تقول وين ولدت وايش رايها بالمستشفى والدكتوره .. طبعا بالرياض .... اتمنى تفيدوني لاني للحين ادور مستشفى كويس ومحتارهhwaml10

[خفايا الروح]

والله اني مررره محتاجه للموضوع ومتضايقه احس اني ضايعه وماادري وين اروووح وش الافضل .... الله يعيننا وييسر لنا من عنده

حاليا اخذت موعد عند الدكتوره شاهده في مستشفى رعاية الرياض بعد3 اسابيع ان شاء الله لكن سمعت ان الدكتوره بس تتابع لك الحمل اما الولاده لا الا اذا كان فيه مضاعفات او قيصريه تجي اما الباقي يكون فيه فريق طبي ثاني ماادري هم اخصائيات او قابلات ماادري للحين مارحت وسئلت واستفسرت ... واذا طلبتيها هي براسها تجي لك بس بزيادة فلوس حوالي 2800.......... ياليت الي عندها معرفه بالمستشفيات تفيدنا ..

ويعطيك العافية على الموضوع يالغلاااااا

[عزيزة النفس]

يمدحون مستشفا سليمان الحبيب
والله يهون عليكم

[قلب حبيبي ونبضه]

باك رجعت لكم .....
اختي مستشفى الحبيب انواع واشكال الزحمه واي وحده اعرفها اولدت فيه تسبه تقول كأنه حكومي زحمه ودكتورته انفسهم شينه... اما رعايه الرياض حلو خاصه شاهدخ بس مواعيدها بعيده لانه زحمه ماشاء الله بس مشكلتهم ماتولدك الدكتوره
يعني اللي يكون عليه المناوبه تولدك ...انا ولدت ولادتي الاولى بالتخصصي الطبي حلو ومريح بس انا قيصري ماجربت الولاده ونفس دكتورتي هي اللي سوت لي العمليه.... برجع لكم

[حس الغلا]

السلام عليكم خواتي
اطلبكم هااااذي الخدمه تكفون لاتطنشوني
بنات امانه قولولي احسن مستشفى اهتمام ونظافه واهم شي يبنجوني بنج الاكسجين مو الابره اللي في الظهر وتكفون اذا تعرفون احد على هاذي المناطق اسألوه ابها محايل عسير خميس مشيط تكفووون والله اني لادعيلها ومايهمني كم يطلبون مبلغ اهم شي راحتي وسلامتي وما احس بالالم وانا بصررراحه كنت بأولد في جده بس تعرفو المساافه وانا بصراحه ما ارتاح الافي بيتي والله عندي خوووف قطع قلبي من الولاده يااااااارب يسهل ولادتناا لاتطنشوني

[قلب حبيبي ونبضه]

السلام عليكم .....
أختي حـــس الغلا كان بودي افيدك بس مااعرف عن هالمناطق شي أن شاء الله البنات يفيدونك ...وبعدين ليه متأزمه من الولاده ربك يسهلها ياحرمه امهاتنا كانو يولدون بالبيت وسعي صدرك hwaml7 وحطي براسك تفكير ايجابي أنك راح تولدين طبيعي وولاده سهله وانك راح تساعدين نفسك والله يسهل علينا...
دمتم بود وأمهات شباب المستقبل

[حس الغلا]

تسلمين اختي على الرد بس تعررفي اول حمل لالالالازم اخاف

[احلى قمر]

حتى انا مختار مثلكم

انا اراجع الحين بالمستشفى الالماني بالرياض دكتوره ايمان

بس لمن بحثت الكل يقول الالماني مو حلووو

ويمدحون لي مستشفى دله

ومحتاره لأن لي 5 شهور عند دكتوره ايمان وتعودت عليها

ماني عارفه كيف بغيرها

[قلب حبيبي ونبضه]

خلاص اتوقع اذا مرتاحه مع الدكتوره ايمان ليه تغيرينها اهم شي تكوني مرتاحه مع دكتورتك

[سموةالجرح]

انا اتابع عند دكتوره نوال الطب الحديث والولاده باذن الله باللمملكه بس وانا اسمع الناس كلن يسبها والله مدري وامي تقول اصلا الولاده تساهيل

وحملي الاول كنت عند دكتوره عزه بالريان وولدت بمستشفى دار الشفا بالجنوب مدحولي الدكتوره والله حلو بس عيبه كله اجانب وانواع الازعاج

[*زين*]

مرحبا للجميع ..

مشكورة عزيزتي عالموضوع..

فعلاً ياريت كل وحدة تخبرنا وين ولدت واسم دكتورتها وإيش رايك فيها...

وهل تنصحوني بالمركز التخصصي الطبي أو مستشفى الحمادي....

واسم الدكتورة لو تكرمتم وأكون شاااااااااااااااااااكرة لكم...

صرت بنص الثامن ولسه ماقررت وين راح اولد...

زين

[قلب حبيبي ونبضه]

هلا فيك يازين،،، بالنسبه لي انا مجربه التخصصي الطبي بولادتي الاولى ومرره حلوو ومريح ودكتورتي اسمها ناديه الحمضي او حامضه سوريه ،،،وحاليا انا بالثامن مثلك وراح اولد عندهم ونفس الدكتوره بأذن الله ،،، بس انا تراني قيصري،،،،،ودمتم

[سهونه]

اهلين ياكروشات كيفكم
انا اراجع بمستشفى التخصصي الحكومي اول حملي عند الدكتوره امل الشماسي وبعد السابع حولتني على الدكتوره مها طلبه وكلهم والله حبوبات وترتاحين معهم ..
وربي يسهل ولادتنا ياااااااااااااارب ...

[زهور الريف]

الله يسهل علينا جميعاً

والله انا محتاره

بين مستشفى خالد الجامعي

ومدينة الملك فهد الطبيه


والله يسهل ويكتب لي ما فيه الخير يارب

[سكر عسل]

افضل مستشفى في الرياض ولله دلــــه وبس hwaml7
لانه اكثر المستشفيات مثل الحبيب والحمادي والتامينات
تجيهم حالات صعبه مثل تعسر ولاده وموقادرين على الموقف فايلجؤون hwaml10لدلــه لانه اختصاصهم وهم شاطرين مره
من ناحية النظافه ميه ميه والعنايه والخياطه
انا راح اولد ان شاء الله فيه و ادعولي بليييييز ترا هذا اول حمل لي

[زهور الريف]

الله يسهل علينا جميعاً

والله انا محتاره

بين مستشفى خالد الجامعي

ومدينة الملك فهد الطبيه


والله يسهل ويكتب لي ما فيه الخير يارب



ياليت اللي تعرف تفيدناhwaml9