مين جربت الطلق الصناعي

[mony88]

سلام بنات كيفكم

انا خلصت التاسع من اسبوع وباقي ماولدت فالدكتورة قالتلي اذا ماولدتي تعالي الاحد اعطيكي طلق صناعي

وانا خايفة مرررة من الطلق من كثر ماسمعت وقريت عنه انه زي الولادة مرتين

ولاتقولي خذي الطلق وابرة الظهر لان زوجي رافض الابرة تماما


فياريت اللي جربته تقولي او اطلب من الدكتورة قيصري

يا يت تفيدوني الله يسهل على كل الحوامل ويقومهم بالسلامة ويشفو البيبي ويفرحو فيه يارب

[المخملية]

ياقلبي يامووني
ان اشااء الله ماتحتاجين طلق صناااعي
يارب تولدين الليلة بطلق طبيعي يارب يارب

انا ماجربتو والله يستر لا اجربو هالمرة
بس خالتي حكتني عنو لانها جربتو مرتين
هي مايجيها طلق ابدااً ولما تاخذ الطلق تاخذ 10 دقايق وشوية عليها يحمى الطلق وتولد علي طول ماشاء الله
بعكس الطلق الطبيعي انا من الصبح اطلق وماولدت الا المغرب
يعني الطلق الصناعي وقتو ممكن يكون اقصر
وماتقدري تاخذي نفس لانو ورا بعض
وبعضهم يطول معاهم الطلق الصناعي ويولدون في الاخير وبعضهم يضطرون بعد الطلق الصناعي يسوو عملية
الله ييسرها لك
اشربي منقوع الزعتر عشان يفتحلك الرحم وحتي لو احتجتي لطلق صناعي ان اشاء الله مايطول رحمك ويفتح بسرعه يارب

[na3ooma]

شوفي حبيبتي , الاجسام تخلف والحمل يختلف صح ولا لا؟
كثير جربو الطلق الصناعي وكانت اول تجربة لهم واشتكوا انه قوي ,,,وبنفس الوقت ماكان لهم تجارب مع الطبيعي .

والبعض جرب الاثنين ..ناس قالت الصناعي اقوى وناس قالت زي بعض

انا جربت الاثنين , وزي بعض بالظبط بالنسبة لي

الفرق الوحيد بينهم انه الصناعي اسرع ,,هذا اللي حسيته

الطبيعي مع انه كان حار عندي مره بس ولدت بعد يوم كامل طلق منتظم

الصناعي اعطوه ليا في ولادتين ,,, واثنينهم ولدت ماشاء الله خلال 3 او 4 ساعات من الابرة
ولادة منهم بدون ابرة الظهر والاخيرة مع ابرة الظهر .
وزي ماقلت لك ...تجربتي الشخصية انهم واحد

وازيدك كمان اني لو طلقي بارد انا حأطلب الصناعي لانه سريع ويريح بسرعه ولا يفرق عندي عن الطبيعي ,

وحرام عليكي تطلبي قيصري ,,وعملية وبنج وبهدلة والم واشهر تعب علشان شوية الم قريب جدا من الطبيعي اذا ماكان زيه .

.
ربي يسهلك ويبعد عنك الخوف واقرئي تجارب كثير حتلقي اختلافات كثير بالاراء .

[أمووله]

بالعكس تولدين طبيعي وبطلق صناعي افضل بكثيير
من القيصري لاتنسي انه في شق بطن وخياطه
وبعد الولاده تجيك الآم وماتقدرين تمشين بسهوله
بالعكس مافي افضل من الطبيعي ولاتحرمي نفسك
الاجر واحساس الولاده

[زوزي]

انا اخت زوجي خلصت التاسع كامل وماولدت وقعدت 3ايام او اربع ايام كذا وراحت قالولها اصبري اسبوع ان ما ولدتي احنا بنولدك

مسكينة خافت وامها ودتها بعد اسبوع قالو عملية قالت لا ورجعت البيت وامها قالت لا تستسلمي ودهنتها بزيت زيتون ومشت في البحر وغيرت جو سبحان الله

ولدت طبيعي يعني النفسية لها دور انتي لاتفكري وربي يفرجها وادعي ربك واقري سورة مريم وتدهني وربي يفرجها عليك و البحر يغير النفوس

[mony88]

جزاكم الله خير والله ماتعرفو قد ايش ريحتوني لاني حتى النوم مو قادرة انام وانا بتوكل على الله حشرب خروع ومنقوع الزعتر وبتدهن زي ماقلتولي واللي ربنا كاتبه بيصير وان شاء الله ربي ماحيضيع لنا اجر

الله يسلمكنم ويسهل عليكم يارب

[زوزي]

لا تشربي خروع مضر يابنت اخربتيها هههه
سوي رياضة وواسترخي والأعشاب ماتسوي شي يعني اذا ما شربتي ماراح تولدي !!!

[mony88]

مين جربته والرحم عندها مقفل زيي

[سارونة الكويت]

والله رفيجتي ماشالله خذته اربع ساعات وهي والده وتقول ماحسيت الا بالم بسيط لانها خذت كمام وكانت تشرب حلبه لينت الرحم عندها وانا طلق طبيعي وقعدت سبع ساعات يالله ولدت غصب كل شوي يسوولي توسعه لاتحاتين حبيبتي

ربي يهون عليج ويسهل ولادتج

[سارونة الكويت]

انا جربت الخروع والرحم مسكر عندي ولا سوالي ولا ا ا شي
حتى تكرمون اسهال ماجاني مع العلم اني شربت اول شي نص علبه وبعدين نص ولاصار شي

[كان و اخواتها]

انا جربت الخروع والرحم مسكر عندي ولا سوالي ولا ا ا شي
حتى تكرمون اسهال ماجاني مع العلم اني شربت اول شي نص علبه وبعدين نص ولاصار شي
انا نصيحتي لك هو الاستحمام بماء دافي لانة هو الذي يحمي الطلق في الجسم ,وان شاء الله تقومين بالسلامة و العافية انت و النونو.hwaml11

[mony88]

يسلمو بنات ماقصرتو انا حتوكل على الله وبكره حسويه لاتنسوني من دعواتكم

[ام أروى]

شوفي حبيبتي انا جربت الطلق الصناعي وهو ع انواع
طلق صناعي بالتحاميل وطلق صناعي بالمغذي
الطق بالتحاميل هذا الموت بالبطيء لانه كل 6 ساعات يحطون لك وحده
ان ماانفتح معك ييعني
انا حطوا لي 2 تحميلتين وماانفتح قالت لي الثالثه ورفضت
لانه الثالثه سمعت انها تفجر الرحم بس الحمدلله ع اخر دقايق انفتح الرحم
الحمدلله
بس الطلق بالمغذي سريع جداا يعني ساعتين او 4 الا انتي ولدتي ..

الله يسهل لك وانشاء الله ماتحتاجين الطلق الصناعي يارب

[mony88]

بنات ابشركم ولدت يوم الاثنين بطلق صناعي وجبت احلى بنوتة