النونو. الجديد وسهر الليالي ،،،،،،،،،،،،،؟؟!!

[عفوآ حبيبي]

السلام عليكم

انا عندي ولد عمره الحين شهر وايام الحمدلله كل شي تمام

بس الي حابه اعرفه من كل وحده كيف ومتى تناااااامين ؟؟؟؟؟
انا النوم تقريبا قليل جدا وذا الشي هالكني


ثاني شي ابغى اعرف كيف تجشؤي ابنك انا التجشؤ مغلبني مابيتجشئ بسرعه واحسه مهلوك مني وانا بس اربت على ظهره وماتطلع الغازات الا وانا وهو تعبانين اخخ وبس



ثالث شي كيف توفقي بين عنايتك بالبيبي وبين زوجك انا لو تصدقون اننا بننام على سرير النوم نا وهو والبيبي جنبي م كثر التعب ما يمديني اتقرب من زوجي ولاحتى هو يادوب نلحق ننام hwaml93hwaml93


واحس اننا بنكون على هالحال على طول
باقيلي تقريبااقل من اسبوع واطلع من الاربعين وشلون بنحصل وقت نكون مع بعض hwaml5

الله يخليلي ابني ويحفظه


ابغاكم تفيدوني وتفيدوا البكريات في هالشي


وشكرا حبيباتي

[مشاعل الدوسري]

السلام عليكم
هلا و غلا

عزيزتي دووووووووووووووووووووووم الحال من المحال حاليا النوم

يعتمد عليك انتي و ماراح ينتظم الا لما يعدى الرابع

الاغلبيه كذا ...
لا تعودين البيبي ينام معاك بلسرير اكبر غلط عوديه على سريره لو ماعنده سرير

خذي لك السرير المتنقل و خليه جنبك

اذا ماعنده سرير و بوقت المغرب و العشاء حاولي تخلينه ماينام الا بعد الساعه 9 او 10 عشان تقعدين مع زوجك بهلكم ساعه ..

ووووووووو التشجأو
اوقااااااات مايبين ما يوضح الصوت



بلنسبه لزوجك فهمي الوضع و اكيد هو مقدر احكي له هذا الشي زي ماانتي بكريه هو بعد جديد على هلمرحله مرحلة الابوه و الحرمان من الزوجه هههههههههه

احكي له انها مرحله و تعدي و صبريه و اشرحي له مدى معاناتك و هو اكيد شايف قلة النوم اهمال في البيت يادوب وقتك للبيبي و صدقيني بيقدر انا زوجي مره قالي انا مقدر اللي انتي فيه و قلة نومك و تعبك و و و و ووالخ حسيت ان معنوياتي ارتفعت لان هو كان شاغل بالي اني مااهتم فيه ياااااااااااادوب البيبي و البيت و الولد و نفسي يادوب

فا لا تحاتين اهم شي تقولين له باللي تحسين فيه


و الامور تمشي من غير تفكير فيها تحملي


الفتره الجايه بتكون اصعب تحملي و بلغي زوجك بهذا الشي بلنسبه لما بعد الاربعين خلي ابنك يوم او يومين و قابلي زوجك في هلكم يوم و بعدها خذي منها تريحين تنامين و منها تقعدين مع زوجك ..

خليه عند امك او امه ..

[عفوآ حبيبي]

هلا مشاعل تسلميلي يارب

لا من ناحية زوجي والله مقدر الحمدلله اصلا هو كمان تعبان مع البيبي بعد مايرجع من الدوام يحاول يستلم الدور ويرعاه معايه وانا اروح لنفسي حتى يقولي روحي نامي وانا بجلس عنده بالتناوب بس انا مااحب انام وهما صاحين
يعني الي اقصده حتى سوالف معاد نسولف بس احنا والبيبي فديته هالبيبي بس كمان اشتقت اجلس مع ابوه برواق

حتى اكل المطاعم كرهته ابي اطبخلي شي زين ماقد فضيت ابد اجلس جوعانه لين مايرجع من الدوام وهجوووووم على الاكل

وعلى سالفة اهلي واهله ياحسره
حتى نفاس مارتحت ولاتنفست على ساس بولد وانزل لان
انا مو من نفس المنطقه كلنا اهلنا بالديره مامعاي احد وبالذات مع عملية ابني ماراح اقدر انزل عند اهلي الا عقب شهرين عشان اتطمن على وضعه وكذا والمراجعات


وعلى سالفة السرير الا عنده سرير ومن احسن مايكون بس اذا انا صاحيه احطه بس وانا نايمه اخاف يصيرله شي يعني يستفرغ وانا مو جنبه وانا نايمه مااح احس فيه لا كذا قريب حيل لما يكبر شوي وترتاح م سالفة التجشؤ رح احطه وانا مرتاحه بسريره لان مره رجع واختنق وكنت بموت لين مارجع تنفس فاتعقدت من السرير

بس الله يعين
مشكوره ياقلبي وانشالله الباقي يفيدوني كمان

[melan]

والله نفس حالتي الحين لي ثلاث شهور ومازلت اعاااااااني

[ساعة صمت]

يالله الله يساعدج بصراحه
انا بكريه وللحين ما ولدت ههه وخايفه من بعدين
بس الله يخلي امي هيه بتهتم فيه
علشان اقدر اخذ قسط من الراحه

[مريم الحرز]

مرحبا..
يمكن اول مرة اشارك هههه بس حبيت افيدكم بالموضوع
انا بكرية وولدي الحين عمره 3 شهور الله يخليه
بالنسبة للنوم كنت ماانام معاه لمدة شهرين هو مرررررة صياااااح + كانت عنده مشاكل صحية (الغازات حتى اني كنت اسمع صوتها تتحرك في بطنه) وكان عنده فتاق وسوينا له عملية لما كمل شهرين والحمد لله هدأ كثييير بعد عملية الفتاق..
بالنسبة للتجشؤ انا كنت من قبل مااعرف اشيله على كتفي هههههههههه فكنت اخليه جالس واسند ظهره بذراع واربت خفيييف باليد الثانية كان ينفع احيانا.. واحيانا اذا مأذيته كثير الغازات اسدحه على بطنه على رجولي طبعاً واربت ظهره وعلمتني اختي بعد تمارين الارجل عشان يطلع الغازات من تحت(الريح)...
وبعدها وديته طبيب عطاني شاي اعشاب للاطفال اسمه(بيبي كيوت) شرب منه لمدة شهر بعدين تركه ووديته مرة ثانية عطاه الطبيب سالينال كان يفيد.. والحين مع الدوا اللي صحيح استفاد عليه يخليه يتجشأ ويطلع الغازات عدل بس انه قوامه مرررررة ثقيل وطعمه اتوقع مررر ههههههه واسمه دينتينوكس كنت اعطيه في البداية جرعة كل 6 ساعات بعدين بديت اخفف لين وصلت حالياً الى جرعة وحدة عند النوم..
وبالنسبة للنوم اكبر الاخطااااء انو البيبي ينام معاك بالسرير.. حطيه بسريره حتى لو كنتي بتموتين من النوم لانو بعدين انتي اللي بتتعبين لو تعود ينام معك... بالاضافة الى اخطار هالشي يعني لاسمح الله بعض الامهات وهي نايمة تحط يدها او اي جزء من جسمها على وجه البيبي ويختنق فإذا خفتي عليه من الاستفراغ خليه بسريره نايم على جنبه..
ومع الوقت راح ينتظم نومه وينتظم نومك معاه.. اهم شي حاولي تكون رضاعته منتظمة يعني في امهات كل ساعة او كل ساعتين وبكذا راح تكسبين ساعة او ساعتين نوم...

والله يكبر لك ولدك ويعرسه قولي آمين..
مريم

[راناا]

يعنى لازم ينام بسريره
طيب يا جماعه انا بحسه انه بينام افضل جنبى
احاول ارجعه سريره يعنى
ربنا يعنا
والسهر اااااااااه يا اختى واحسه يعاند معى
يكون نايم اجى انام الاقيه صحى وبعد شوى ينام
يبقى لا انا نمت ولا عارفه انام مره تانيه

[عفوآ حبيبي]

والله نفس حالتي الحين لي ثلاث شهور ومازلت اعاااااااني

الله يعيننا انشالله ويصبرنا فديتهميستاهلون بس حبيت اخذ تجارب الحلوات

اسعدني مرورك

[عفوآ حبيبي]

يالله الله يساعدج بصراحه
انا بكريه وللحين ما ولدت ههه وخايفه من بعدين
بس الله يخلي امي هيه بتهتم فيه
علشان اقدر اخذ قسط من الراحه



الله يقومك بالسلامه وتفرحي فيه
ويخليلك امك ويقويها انشالله
يسلموا حبيبتي

[عفوآ حبيبي]

مريم اسعدني مرورك يالغاليه
وكلامك كله صحيح
وعلى سالفة الغازات اي والله وانا كمان احسها واسمعها وبلغصب تطلع
الله يعينه وبس


اما السرير انا كنت من اكثر المعارضين ان البيبي ينام جنب امه عشان السوالف الي اسمعها
واول اسبوع له كنت انيمه في سريره وجنبي بس كنت اقلقل عليه وماارتاح بالنوم

وجربت انيمه جنبي بصراحه حسيت احسن بكثير طبعا انا الحمدلله احاول انام بوضعيه ماتضايقه

ولما اتطمن عليه بنيمه بسريره


تسلمي حبيبيتي

[عفوآ حبيبي]

يعنى لازم ينام بسريره
طيب يا جماعه انا بحسه انه بينام افضل جنبى
احاول ارجعه سريره يعنى
ربنا يعنا
والسهر اااااااااه يا اختى واحسه يعاند معى
يكون نايم اجى انام الاقيه صحى وبعد شوى ينام
يبقى لا انا نمت ولا عارفه انام مره تانيه


اي والله انك صادقه ام العناد كله فيهم فديتهم

اسعدني وجودك يالغلا

[نهى الجزائرية]

حبيبتي لا تخلي ابنك ينام معاك بالسرير فهذا خطأ حذرت منه جميع الدراسات اجعلي له سريرا بجوارك وأرضعيه كل ساعتين أو ثلاث هكذا أفعل انا دائما
وبالنسبة للبكاء فهو مث ابني يقولون أن أول ثلاثة شهور يكون البيبي نومو ملخبط والغازات كمان ما تخلي البيبي ينام
وبالنسبة للتجشأ فهذا مهم جدا بعد الرضاعة أجلسيه وطبطبي على ظهره سيتجشأ أو ضعيه على فخذك وهو على بطنه وستستمعين لخروج الغازات
حبيبتي كلنا في الهوا سوا نصبر ونتحمل لحين 3 أشهر

[hind25]

نفس المعاناة مع بنتى عمرها شهر ونص ومول ما ترقد وكله صياح حتى ان زوجى من يوم ربيت وهو يرقد بغرفة بروحه وطلعت من الاربعين وهو ما يدرى بالدنيا ههههههه

[عفوآ حبيبي]

نورتوا يانهى وهند

والله يعين هذي الفتره يبغالنا صبر على الصبر خخخخخخخخخخخخ

وانشالله الي قدرت تنظم وقتها تقولنا اشلووونhwaml9

[مشاعل الدوسري]

سوف يتم اغلاق الموضوع و للأجابه على استفسار صاحبة الموضوع

الرجاء زيارة الرابط التالي


جميع استفساراتكم هنا عن كل مايخص البيبي من الولاده الى ثلاثة اشهر (http://forum.hwaml.com/t105434.html)


و الرجاء عند كتابة استفسار اخر كتابته في نفس الموضوع ..المثبت