نزول دم بدون الم الحقووووووووووووني بكريه ومرعوبه

[لين جده]

بنات انا دوبي حسيت شي نزل مني روحت الحمام لقيت نزل علي دم وقطع معاه بس ما احس بأي الم بس شوي صداع .. وربي طلعت ارتجف من الحمام خااااااايفه ..

ايش اسوي اروح المستشفى والا لا ومابغى اعلم احد خاصه امي معاها ضغط اخاف تشيل همي ...

بالله اشرحولي ايش دا معقول ولاده ؟؟
انا اخر دورة كانت 27/8 هجري ...

طمنوني الله يخليكم مابغى اروح خايفه يلعبون فيني

[حامل لأول مرره]

ولادتك تقريبا ع 12

شهر 6

لانه

27+15

8+9+الشهر اللي من الايام زاد

الايام 15 ثابته
والشهور 9 ثابته برضه

وعلى ماسمعت اذا في دممم

روحي وشوفي يمكن تكون ولاده ومو لازم الكل يجيه

الانقباضات حقت الولاده بس لاتتركي نفسك

والله يقومك بالسلامه

[لين جده]

ايوه صح الدكتورة الاولى حددت لي الولاده 13/6

ودكتورتي اللي متابعه معاها دحين قالت 10/6

بس دحين احنا 16/5 يعني فيه خطر عالجنين ؟؟
وربي مره خايفه

[احاسيس مخمليه]

لين حبيبتي مافيه خطر ولا شي قربت ولادتك

وخلاص انتي دخلتي التاسع صار لك 5 ايام

عادي لو ولدتي الحين

الموعد الي حددوه لك يكون خلصتي فيه التاسع ياقلبي

ماشاء الله تبارك الله كذا ولادتك بتكون بداية التاسع مره حاجه حلوة


بس روحي للمستشفى

انا لما كنت بكر نزل علي دم بدون الم برضه ورحت بعدها ب6 ساعات من نزول الدم وكان الرحم مفتوح عندي 3 سم


الله يسهلك يارب وتولدين بالسلامه

طمنينيا عليك

[loly2011]

روحي المستشفى أحسن

ماتشوفين شر ان شاء الله
طمنينا

[لين جده]

الله يخليكم يارب
بس اللي اسمعه يقولو البكريه تطول يعني تدخل العاشر بالعاده
انا لساتني باول التاسع ....
وقسم بالله يابنات اني ارتجف من الخوف وماعلمت احد لحد الان

[loly2011]

مؤ ضروري البكريه تطول
انتي روحي الحين ولاتهملين نفسك

[احاسيس مخمليه]

لين عادي مو الكل لازم يطول او يكمل التاسع

كثير بكريات ولدوا قبل

[لين جده]

ان شاءالله دحين اروح المستشفى

ادعوووووووووووولي

[na3ooma]

ربنا معاكي واحسن قرار انك تروحي المستشفى تتاكدي وتتطمني وحد يقدر يجبرك انك تجلسي غصب فيها اذا مافي ولادة
بس تتطمني على المشيمة والنونو

[كان حلم]

لا تخافي المهم اذا كنتي دخلتي بالتاسع مؤ مشكله تولدي
روحي للدكتوره خليهاتفحصك يمكن يكون عندك توسع للولادة
تقومي بالسلامه

[احاسيس مخمليه]

الله يسهل عليك يارب


اتوقع انها لاده

[ام ضاري11]

ياقلبي يا لييييين
انتي مع تجمعنااااا
ان شا الله ولاده
ولا تخافين مافي اي مشاكل لو ولدتي الحين
لان انتي داخله التاااسع
بتكون ثاني وحده تولد في تجمعنااا
ياااارب يسهل لك ويسر لك
وانتي دورتك نفس دورتي بس انا قبلك بيوم
يارب يفرح قلبك بشوف طفلك سليم معافى

ردي لناااا بلييييز اذا ولدتي

[لين جده]

ام ضاري للاسف البيبي غير رأيو مايبغى يخونكم خخخخخخخ

دوبي رجعت من المستشفى قالتلي بدري عالولاده وابعدين قالت لسا مادخلنا لتاسع قلتلها الا
رجعت حسبتلي قالت ايوه دخلنا لتاسع بس بدري عالولاده وسوت سونار عادي وقالت البيبي مرررره صغير والمويه شوي قليله حوله ..
حولتني اسوي تخطيط بيبي والحمد لله طلع تمام وقالتلي روحي البيت وراجعيني كل اسبوع نتابع التخطيط للبيبي بس لو حسيتي بمغض تعالي على طول ...
استغربت ماعملت قياس للرحم ولا كشفت من تحت تشوف ..

والدم بس نزل عليا الظهر شوي وقطعه دم غامقه مدري هيا السداده او لا وبعدها مانزل حاجه

[na3ooma]

ام ضاري للاسف البيبي غير رأيو مايبغى يخونكم خخخخخخخ

دوبي رجعت من المستشفى قالتلي بدري عالولاده وابعدين قالت لسا مادخلنا لتاسع قلتلها الا
رجعت حسبتلي قالت ايوه دخلنا لتاسع بس بدري عالولاده وسوت سونار عادي وقالت البيبي مرررره صغير والمويه شوي قليله حوله ..
حولتني اسوي تخطيط بيبي والحمد لله طلع تمام وقالتلي روحي البيت وراجعيني كل اسبوع نتابع التخطيط للبيبي بس لو حسيتي بمغض تعالي على طول ...
استغربت ماعملت قياس للرحم ولا كشفت من تحت تشوف ..

والدم بس نزل عليا الظهر شوي وقطعه دم غامقه مدري هيا السداده او لا وبعدها مانزل حاجه

كويس انك تطمنتي , والسداده فعلا ممكن تنزل قبل الولادة بأيام واسابيع
امشي كثييييييييييييييير ولاتنسي الجماع والتمر وربنا يسهلك امورك ويرزقك ولادة سهله

[لين جده]

المشي بصراحه ما امشي كتير :(
والجماع كمان زوجي ماجامعني من يوم دخلت الرابع ولامره جامعني ومستغربه من هالشي :(
واستحيت اساله ليش ماتجامعني