تجمع رعاية المولود من شهر 4 إلى شهر 6

[Mishael]

ام خالد عيونك المليحه تسلمين والله ،، تلف الصاله كامله وهي تدف برجولها وعلى ظهرها ، انتي قوليلنا خلودي صار يقلب كويس ترا يصير يلف البيت شقلبه هههههههه ياحبييله ،،
فعلن احس صرنا خبره وتفلسف ،انا عكسك حبيت شكلي وانا حامل واشتاق للحمل بس عساني متحمله طفل واحد ،
،،
اهلييييين زييينب لك وحشه بنتي يومين وتكمل السابع ،
،،
هلا والله جروح انتي شخبارك عسى امورك طيبه

[ليالي حب]

بنات انا ابنى بعد ماسافرنا تغير جو عليه يكح ويطرش حليبه هو مايرضع الا صناعى وعمره بيدخل خمس شهوور ماشاء الله
مهم ان طبيبه كتبه له قطره ومضاد ومااستمريت ع مضاد الا 3 ايام .. وبعدين رجعت لطبيب كتب له بس قطره ؟استغرربت
مهم
خف تطريشه بس مازال مو جود خص مع كحخ
اذا جته
مهم شافت ولدى احد نسا بزياره لى مهم قالت معه عظيم كشفت ع فمه وقالت عضيم ؟.. ماهو العظيم وقالت احسن من تررفيع اكويه كي بعود صغير من ورا اذانه احسسسسسنلك اكويه ؟؟
جزاكم خير افيدوووووووووووووووونى

[ليالي حب]

ماشاء الله ابنى دخل شهر خامس ابد اوكله اولالا ؟؟

ثانيا .قل تعقيمى لرضاعات بس مره باسبووع بس اغسلهم بفيري ؟؟شرررررايكم اخاف يضره ويجيب امراض له ؟؟

ثالثا اعرضه بس دقايق بصبح للشمس ؟هل كااافي ؟؟كسلانه مره هههه

رابعاا واخيره ههههه ...هل بلعمرر هذا يصير تسنين ؟؟ ولدى يمص صبعه ويحب ياخذ اشياء بفمه ووو ؟؟
ولقيت وحده تبيع دوا تسنين بس طعمه مريع وفيه خواجوا ووو كله مطحوونه ؟؟شرايكم احطله ؟؟




جزززززاكم ربي خير

[يارحيم]

ليالي حب الله يهديك وش ادوية شعبيه وكوي.. ناويه تموتين ولدك انتي؟؟؟ خليك دايم مع نفس الطبيب والتزمي بعلاجاته للنهايه واذا ماخف روحي لغيره لكن ما ينفع تبدين مضاد وتوقفينه وهو ما خلص!!!!! مررررة مضررر.. واصحك تكوين ولا تعطين ولدك خلطات من حريم وش دعوة انتي جامعيه ومتعلمه المفروض تعرفين ان هالاشياء مضرة وتجيب امراض..

بعدين وشو تغسلين الرضاعات مرة بالاسبوع بفيري مافهمت يعني انتي ما تغسلينها بعد كل استخدام بالصابون؟؟ بعد ما يخلص ترجعين تعبينها حليب بدون ماتغسلينها بالصابون؟؟ اذا تسوين كذا ترا غلططط!!! لازم الرضاعه تنغسل بعد كل استخدام بالصابون!! الحليب يسبب ميكروبات ولعاب الطفل يختلط معاه مب معقول ما تتنظف بالصابون.. ممكن تاكلين بمواعين مو مغسوله؟؟ نفس الشي الطفل طيب

[يارحيم]

ام خالد عيونك المليحه تسلمين والله ،، تلف الصاله كامله وهي تدف برجولها وعلى ظهرها ، انتي قوليلنا خلودي صار يقلب كويس ترا يصير يلف البيت شقلبه هههههههه ياحبييله ،،


على طاري التشقلب لو تدرين وش صارلي اليوم بغيت افقد عقلي..حطيته على سريري بالنص عشان بغيرله ورحت ثواني بجيب له حفاظة والاخ على طول قام يتشقلب وانا فجأة سمعت صوت شي يضرب بالارض التفت لقيته طايح على الارض على ظهره وساكت بعدين فجأة صررررررخ بقووووووة (الارض باركيه خشب)... انا انهبلللللللت ركضضضضت شلته وقعدت اصيح معه!! طبعا شهق وانكتم وانا اهزه وانفخ عليه يالله فكت الشهقه.. تخيلي كان بالنص يعني اقل شي انقلب قلبتين عشان يطيح واساسا لقيته على ظهره وانا حاطته على ظهره يعني بدقيقه انقلب قلبتين بسم الله.. عاد طول اليوم موده شين ويصيح وعطيته مسكن وبعدين يوم فصخته بالليل لقيت دم على البربتوز!! واكتشفت ان ظهره فيه جرح!! الارض مافيها شي حاد مدري وشلون انجرح بسم الله!! بس مرة مرة ضاق صدري واثر علي الموقف كل شوي اتذكر الصوت وشكله يوم شفته على الارض واتخيل وشلون طاح ويوجعننني قلبببي :(((( .. تصدقين قعد نص ساعه وجهه اصفررر من الروعه حتى خالتي يوم شافته قالت ورا وجهه اصفر وش فيه.. ودي انسا اللي صار مرة مرة يعورني قلبي كل ما ذكرته

[جروح الحب]

الحمدلله بخير انتو كيفكم
الحمدلله عروستى باقي له اسبوع وتدخل 7 شهور

[Mishael]

ليالي انا فهمت انك تغسلينها دايم بفيري بس تعقمينها اسبوعيا اذا كذا عادي بس حطي مع المويه المغليه شوية ملح ،، وانتبهي الخواجوا ماينوكل انتبهي اللي اعرفه محلب يفرك فيه الاسنان وطعمه مره بس تكون الاسنان موررررمه بارزه مره انا بنتي مورمه وبارزه من شهرين ولاحين ماطلعت توها حتى تكون واضحه تشوفينها
بس ماانصحك تعطينه المحلب لان معه كحه وممكن يأثر عليه ،، الدكتور صرف لك قطره ومضاد بعدين قطره لحالها لانه مايبي يكثر عالولد يضره زيادة الحاجه
اهم شي اذا نام بالليل دهنيه بزيت زيتون وفازلين والفازلين ممتاز للكحه ،، والكوي اااه منه اختي كاوينها مية مره عشان العظيم على قولتهم وماتغير فيها حاجه ولا تأثرة لاتشوهين وليدك بس وممكن يلتهب وشغلانه خليك من ذا الحريم وسوي زي ماقلت لك دهنيه بفازلين وبس

[ليالي حب]

مشاعل ويارحيم جزاكم الله خير

[Mishael]

ياحياتي ياخلوودي مايشوف شر ان شاءالله توقعتك تدرين انه ممكن يسويها انتبهي خلاص بسم الله عليه وانتبهي تحطينه بمكان وحوالينه شي خطر عليه انتبهي يقعد يكب عليه شي حار بسم الله عليه الله يحفظه ،، ودامه مااستفرغ ونام الحمدالله يكون طيب وبخير بس شكله مرتاع عطيه عصفر ملي واحد ثلاث ايام واقري عليه
والله من الطيحات اللي بتصير بس انتبهيله حتى الجلاسه لازم تسكرينها

[ليالي حب]

بنات بسالكم سؤال شاطح هههه
انا بقرب ع عمر 30 وبهالعمر المراءه موصغيره بسسس سؤالى كم ممكن معها سنه تنجب ادرى هشئ بعلم الله وحده وممكن تتغير ظروف وصحه.. بس سؤال كم يعنى ممكن تلحق تجيب لو نفترض ماتاخذ موانع مجرد افتراض؟؟؟
هههه اتمنى فهمتونى
لان بعضهم بسن عشرين يعنى تجيب ..عدد كبير معهاوقت اكثر من بسن 30 ((عارفه كلوو بيد الله وحده الرازق

[ليالي حب]

لانى سمعت من تقول 4 او خمس حملات هههههه والعلم عند الله

[يارحيم]

لانى سمعت من تقول 4 او خمس حملات هههههه والعلم عند الله

لو تحملين كل سنة جبتي عشرة.. عمرك مب كبير

[Mishael]

ليالي توك صغيره ،، امي بعمرها 42 حملت باخوي بس بالغلط لانها كانت تاخذ مانع واحترق بيتنا فأرتاعت وتلخبطت الهرمونات وصار حمل
وكثير اعرفهم بالخمسين ومخلفين بس لازم قبل لاتحمل تاكل حمض الفوليك لان نسبة التشوه للجنين تكون مرتفعه،،

[ليالي حب]

يسعدكم ربي

[ليالي حب]

ببدا اوكل ابنى سريلاك تو ماله ايام دخل خمس اشهر ..بس سمعت من ينصح اذ دخل 6 افضل ؟؟شرايكم

[يارحيم]

انا افضل اذا كمل الطفل ست شهور والحين قاعده انتظر يبقاله عشر ايام ويصير سته عشان ابدا اذوقه شوي شوي ان شاء الله..

[يارحيم]

بنات كل كم تغيرون رضاعاتكم؟ وحده تقولي المفروض تتغير كل ست شهور.. وش رايكم؟

[Mishael]

انا غيرة حلمتها بس ،، والاكل يارحيم لازم تبدين تلحسينه حرام عليك ترا يشم ريحة الاكل ويعرف انه اكل اتا من شهري الرابع كنت الحسها اي شي وبالخامل كنت اعطيها مقدار ملعقه وبعدين بدية ازيد احس يملون من الحليب حرام علينا

[يارحيم]

بس يا ميشو اكثر من دكتور قالي الافضل انتظر لين يكمل ست شهور (بكندا وبالسعوديه) غير المواقع اللي ادخلها واقرا فيها.. الاغلبية تنصح انتظر لين يكمل ست شهور وانا ما اقتنع انه ممكن يشتهي شي ماعمره ذاقه بحياته ولا يدري وشو.. يعني انا كانسانه بالغه لا يمكن اشتهي شي ماعرف طعمه ولا قد ذقته.. صح ممكن يجيني فضول اتذوقه بس ما اشتهيه واتحسر اني ماذقته..

الحين هو خمسه وشوي وماشالله صحته زينه بعد اسبوعين يمكن ابدا اذوقه شوي شوي..

[Mishael]

بكرا اول دوام لي احس نفسيتي زففففت وماراح انحمل من ٨ الصباح ل٢ الظهر بشتاق لبنتي قلبي يعورني عليها ماابي اخليها ماتقدر تفارقني اكثر من ساعه تتعب وتصيح شلون نهار كامل يارب صبرني وصبرها يارب

[يارحيم]

ياعمري يا مشاعل هونيها وتهون ترا اول يوم بتفقدك بس وبعدين بتتعود.. اوردي عليها واستودعيها ربك قبل تطلعين وماعليها الا العافية..

[جروح الحب]

اصبرى لماتتعودى