هل اقدر اشقر حواجبي وسوي تنظفات وبخار للجسم بالفتره هذي قبل الاربعين

[كن مع الله يكن معك]

مساء الخير ...

كيفكم حريم انشالله بخير
حابه استفسر انا ولاده قيصري لي 21يوم. يوم السبت عندي دوام فالكليه نفستي جد تعبانه وشكلي مو مهيأ للدوام .سؤالي هل اقدر اشقر حواجبي وسوي تنظفات وبخار للجسم بالفتره هذي قبل الاربعين وهل تاثر على العمليه . خايفه ان العمليه تتمكر علي من ريحه العطورايش سوي . "تكفووون ياخواتي دعوا ان نفستي تتحسن للدوام"

[جنان حياتي]

ياعمري الله يكون بعونك بس مررررا بدري ع الدوام وانتي والده قيصري لو طبيعي كان عادي بس وضعك صعب شوي ومدري صراحه اذا بتاثر عليك هالاشياء الافضل تسالين دكتوره احسن لك لانو انا سمعت للي قيصري يبيلها شهر وبعدين تقدر تمارس حياتها طبيعيه
الله يسسر لك امورك اختي وتقووومين بسسلامه يااااارب

[نانا22]

حبيبتي حمد الله على سلامتك عادي ياقلبي تقدرين تداومين بس انتبهي على نفسك لاتعسرين نفسك بشي بس اشربي مره قبل ماتروحين للكليه وامسحي على مكان العمليه بماء المر لانه يشد ويعقم وبحمي من الشمم امابلنسبه للحمام البخار بدري شوي عليه استني لحد الشهر احسنلك امابلنسبه للتشقير عادي ياقلبي تقدرين تشقرين واتمنى اني افتك بشي

[زوزي]

عادي عقمي الجرح حقك زين ولاتسوي بخار بدري تنظفي شيلي شعر جسمك ووجهك وترطبي
واصبغي وشقري
وسمي ع نفسك وحصنيها زين فية ناس تحسد الله يحميك من العين يارب

[أمـ عبدالله]

الله يحفظك يااارب شقري .بس السوونا بدري عليه عمليتك للحين رخوه

[ام اسكندر]

وربي اننا نتعطر ونتبخر ومايصير شي للجرح
مادري قصة ان العطر يضر الجرح من وين جايبينها الناس
ترى العطر فيه مادة الكحول اللي يرشونها ع الجروح اصلا وهيا موجودة في المطهر والمسحة الطبية اللي تنحط ع الجرح

بس بشكل عام دام عمليتك ملتأمة تقدري تتروشي بس لاتطولي في المويا ونشفي الجرح مزبوط وامسحيه بمسحة طبية
وتنظيفات البخار لو هي عندك بالبيت تقدري تسويها ع خفيف
وممكن تسوي حمام مغربي برضو ع خفيف
لاتطولي في البخار

والتشقير والصبغات خذي راحتك ياقلبي خلاص مافي جنين في الرحم عشان نخاف عليه

وترى مو ضروري تداومي ياقلبي استني عشان تعب عليكي الجلوس والمشي
انتي روحي خدي الكتب المطلوبة ولاتحضري كل المحاضرات

والله يحفظ لك المولود يارب

[كن مع الله يكن معك]

يعطيكم العافيه يالغاليات ربي لايحرمني منكم

مشكورررررررين على الردوود

[حبيبت حبيبي]

حبيبتي خوفي من المشي تعرقين وتعرق العمليه بعدين تالمك كثير انتبهي

والبخار والله يخوف لان توك مسويه العمليه خوفي تنفك مع الحراره

انتبهي على نفسك ترى اذ فكت بتاذيك احسن لك ارتاحي وخلي حد يجيب لك

اغراض الكليه لا تتعبين نفسك انتظري اقل شي شهر

الله يوفقك والف مبروك المولود الجديد