في الثامن وابغى اعرف جنس الجنين بس مسكر رجلينة

[زوزي]

السلام عليكم ياكروشات

اليوم لي ثالث يوم في الثامن وسويت سونار رجلينة مسكرهم ماعرفت جنس الجنين

وهذي ثاني مره يصير معي كذا السونار اللي قبلها كان في بداية السابع وبرضو مسكرهم

أنا ودي اعرف جنس الجنين لأن بروح اجهز ملابس البيبي ومتحمسة مره

اللي ابغى اعرفه متى يفتح رجلينة ومتى اسوي سونار ؟

وياليت اللي تعرف محل في الخبر او الدمام يبيع ملابس بناتي ولادي يقولي لأن بصراحة احس نفسي

ثقلانة من الحين ابغى اخلص من بدري

انتظر ردودكم

[زوزي]

طيب اللي عنده خبرة متى يفتح رجلينة
بروح خاص .. وياليت تقولون لي الملابس اللي للبنات وللاولاد عادي معرف كيف بصراحة
ولا رد!!!!!

[الخمائل]

انا كنت مثلك كل ماسويت اشعه مقفل رجوله
لين ولدت وطلعت بنت
الله يرزقك باللي تتمنينه يارب

[زوزي]

طمنتيني الله يطمنك كنت مهلوسة قلت.شكل رجولة متلاصقة لان عندي داء القطط قالو.
اعوذ بالله من الشيطان الرجيم
تسلمين يالغلا

[حَنينْ ،]

ان شاء الله يفتح رجوله

و الله يمكن يفتحهم و يمكن لحد ما تولدي و انتي ما تعرفي بنت او ولد

خليها على الله

و طنشي الموضوع و اشتري ملابس حيادية اللون مثل الاصفر و الاخضر و الابيض

و لا تشتري كثير اصلا البيبي بيكبر بسرعة كبيرة

يعني خلي لما تولدي و تعرفي شو جنس الجنين و ترتاحي و اشتري الي بدك ياه بيكون عمقاسو

بس ان شاء الله تعرفي قبل ما تولدي

و اهم شئ الصحة و السلامة

الله يكون معك يا الغلا

[نبعة الحب]

اختي بحمملها الاثنين الطفل مسكر رجلينة وما تعرف يعني طبيعي لاتخافين ومحد يكدر يفيدج في اطفال يبقون ما شاء الله عليهم يستحون هههههههههههه مسكرين رجليهم لان شاء الله تعرفين قريبا

[أسوووم]

طيب ياحلوه .. جربي الطريقه دي

كلي شكولاته قبل ماتعملي السونار وادخلي على طول عند الدكتوره بتلاقيه فاتح رجوله ..

واتوكلي على الله

[زوزي]

ابشركم تدهنت بزيت زيتون ومسجتة وانا في طريقي للمستشفى عطيتة تهديدات
وقالو لي جنس الجنين بس خايفة اتفاجأ يطلع غلط مدري وش يرضيني
خخخخخ
عقبالكم حبايبي

[حَنينْ ،]

مبروووك يا الغلا

شو جنس الجنين ههههههههه ادا ما بدك لا تحكي

الله يتمملك على خير

[برّو !]

ماما يوم تحمل اليييين التاسع
وهو دايم مسكر رجوله
وبالتاسع عرفت انه ولد
مع انهم قالو احتمال بنت لانو مو باين شي.

الله يهون عليك*

[نوووشه]

الله يرزقك باللى تتمنين