ابرة الظهر!!!!

[meeeme]

مساء الورد

بنات مين لها تجربه مع ابرة الظهر او تعرف وحده اخذتها وايش قالت عنها وهل لها مضاعفات تحس فيها للآن مثلآ صداع او الم الكتف..


ويسلمو مقدمآ

[loly2011]

والله حبيبتي أنا ماجربتها بس اسمع كثير يمدحها
وفي وحده اعرفها تمدح فيها ولامره قالت اذا تحس بصداع والا الم او اي شي


اتمنى البنات الي جربوها يفيدونك اكثر

[نبعة الحب]

والله حبيبتي انا كربتها مرتين بحملي حملي الاول والثاني مع العلم ما فادتني كبت في الاخير قيصري ولكن مافيها سلبيات ما شاء الله ابني الصغير صار عمرة سنتيين
يعني بس بعد الولادة الم خفيف من التعب في الظهر شوي شوي يروح وصدام ما صار عندي يعني لاتخافين خواتي اثنين بالولادة جربوها ومافيهم الا العافية

[..ام بدر..]

حبيبتي انا سلفتي مرتين جربتها ولا جاها اي اعراض جانبيه

وكمان 3من صديقاتي اخذوها وحمسووووني كثيييير اخذها ووحده بس قالت جاها صدااااع اول ايام الولاده....واحتمال كبير اخذها بولادتي

[ام اسكندر]

ان شاء الله مافيها ضرر

[na3ooma]

جربتها وروعه وناوية عليها باذن رب العالمين هالمرة كمان وبدون تردد
الم الظهر ترى هو نفسه الم ظهر الولادة والاجهاض بعيد الشر عنكم , مافرق معي
وماجاني صداع اللهم لك الحمد والشكر ,
وتقدري تشوفي موضوع استفتاء ابرة الظهر تلقي تجارب كثير
بس اذا ناويه تاخذيها وقفي اي شي فيه كافيين زي القهوة والشاي والشوكولاته من الشهر الثامن ولا مفعولها بيخف مرررره ولاتحسي فيه..حتى باقي المسكنات ماراح تنفع مع الكافيين .

[مشاعل الدوسري]

صديقة بنت خالي اخذتها و جاها شلل نصفي وحده تقرب لنا اخذتها .. و ظلت الالم حقتها فتررررررررررره طويله

مايحتاج ابرة الظهر اقري سورة مريم 3 مرات و اكثر و اعي ربك و توكلي على الله و انشالله ولاده سهله بأذن الله


على فكره هذي الابره في الدول اللي بره .. لها طبيب متخصص و حنا هنا الممرضه هي اللي تسويها


ماانصحك تسوينها ..

احتسبي اجر الولاده عند الله امك و جدتك ماخذوها .. هههه جت عليك يعني..

و ربي ما ابالغ اول طفل لي توقعت الولاده شي مخيف لكن قعدة اقراء بقران و اثناء الطلق ادعي لكل اللي بحبهم و لاهلي

ووو الخ
حتى اني لهيت نفسي عن الالم و الصراخ بلدعاء و القران يااااادوب قبل الولاده ب3 ساعات لا بصرحه هديت القران و ركزت بلولاده و الحمدالله

كانت ارررروع تجربه لكني ماراح اعيدها باذن الله الا بعد 4 او 5 سنين ..




و الله يسهل عليك ..

[meeeme]

فديتكم بنات يسلمو للكل الله لايحرمني اخوتكم ويسهل اموركم ويسعدكم

[star23]

بانتظار بقيه التجارب

[ام في العشرين]

والله انا ماادري بس بنت خالتي اخذتها مرره ندمانه لحد الان وظهرها يعورها
انا اقول توكلي على الله واكثري من الاستغفار ولا تخاطرين بحياتك
انا فكره كثير وقلت حرام علي لان اذا ماطلع الجنين راح يشفطونه وكذا بيعورون الجنين
صديقتي راس ولدها فيه ورمه من الشفط .......

[lody]

اذا ودك فيها استخيري ،، واذا فيها خير لك ربي بيسرها واذا فيها شر ربي بيعسرها ..

انا ما جربتها بس قرأت عنها كثييييييير لأني ناويتها بإذن الله ،، وحسيت ان هالابره نعمه من رب العالمين ،، صاحبتي اتعسرت ولادتها وولدوها قيصري وبما ان عندها ربو ما ينفع يبنجونها كامل واعطوها ابرة الظهر ومره تمدحها وناويتها بعد اذا بتولد طبيعي تاخذها ،، وخالي بعد كان عنده عملية مراره ولأنه مدخن اعطوه ابرة ظهر وعلى انو كبير بالسن ما اشتكى منها ،،

وبالنسبه للعضوه الي تقول ممرضه الي تعطيها ،، تراها غلطانه لأن الي يعطيها دكتور تخدير ،، ولو الدكتور عنده عمليه او ما جا خلاص ما يعطونها ،، وبالنسبه للعضوه الثانيه الي تقول مدري مين جاها شلل فهي اكيد فاهمه السالفه غلط لأنو مكان الابره بعيد جدا عن العمود الفقري والحبل الشوكي ،،

احس اني قرقرت كثير ،، بس انتي ادخلي اليوتيوب واكتبي ابرة ظهر تلقين دكتور سعودي متكلم عنها وهو راح يجاوب على كل استفهاماتك ..

[hasonh]

خذتها مرة حماي وتمدح فيها تقول مريحه

وماجاها اعراض

[bnbona]

انا ولدت قبل اسبوعين واخذتها الحمدالله
مرا مريحه وبصراحة انا اعتبرها رحمة من ربي
واللي اعطاني هيا اخصائي تخدير انتي استخيري الله
وربي يسهلك وعلى فكرة الابرة موجودة من زمان لان ماما اخذتها وهيا
حامل بيا قبل 21سنة والحمدالله
وبخصوص الجدات لو اتوفرت الابرة بوقتهم كان اخذوها
وربي يختارلك اللي فية الخير

[أبحار]

انااا ماجربت الطلق

بس امس مجرد نقاش اقول حق امي بآخذها
سوت لي سالفه
وقالت لو بتاخذينهاا ماجيتك المستشفى

مآدري لييش متخوفين لذيك الدرجه

ووحده من ربعي نصحتني فيها
والثانيه اتقول عآدي بس بعد الولاده اشوي ظهرك بيعورك

مآآآآآآآآآآآآآآآدري

لييش تآخذينهاا خلي الطلق له اجر عظيم وتكفير ذنوووب