قصة صديقتي...س}ال و دعواتكم

[دلوعة ماماتي]

السلام عليكم ورحمة الله و بركاته


ابي اقولكم قصة صديقتي و يريت تساعدوني انا ما قدرت افيدها بصراحة اناا بنت ( مو متزوجة ) عمري 21 و ثقافتي بهالمواضيع على قدي

اهيا ملجت صارلها 5 شهووور بس العرس ان شاء الله راح يكون لين تخلص السنه الدراسية اللي حنا فيها

والله وللأمانة قام اقولكم القصة نفس ما قالت لي اياهااا راح يحوشها انهيار عصبي من القلق

الله يسلمكم قبل فترة راحت لبيت خالتها اللي اهي ام وزجها و خذاها زوجها غرفته تحرش فيها شوي اتقوول ان كانت خايفة يكون في من المذي ( موو المني لا الشهوة ) على ملابسها الداخلية

و تخاف تكون حملت لان دورتها مااا جت لهااا و لين الحين متأخرة عليها 6 ايام



فهل من الممكن يكون صج حملت ؟؟؟ من المذي و فوق الملابس ؟؟؟؟
انا شرت عليها تروح تحلل حمل ( تحليل دم ) يوم الخميس اللي فات و راحت وطلع سلبي
بس اهي بالحييييييييييل قلقانه لان ما جت الدورة لي اليوم و حتى بالكلية بس تبكي



الله يخليكم و راح ادعي حق كل وحده تشوور علي شلون اساعدها و شنوو اقولها ؟؟

[ام نانا و لولو]

حبيبتي مستحيل تحمل من فوق الملابس الا ادا صار جماع او على باب المهبل لاتخاف هي من التفكير الدورة اتأخرت احكيلها لاتخافي بس تنتبه مرة تانية

[عاشقة الأمل]

مستحيل حبيبتي وأنا أظن إن تأخير الدورة سببه نفسيتها التعبانة

[دلوعة ماماتي]

الله يريحكم حبيباتي ان شاء الله الحين بطمنها

ان شاء الله ربي يرزقكم بكل اللي تتمنونه

[همسات ام]

يا اختي ما اتوقع حمل لكن قوليلها تكون حذرة ولو زوجها يجبرها لاتروح بيت اهله بعد كلشي ممكن يصير ومو كل مره تسلم الجره
يعني هي بنظر الناس مخطوبه وبس ولو صار اي شي لخطيبها وماتزوجها ولو فسخ الخطوبه لاي سبب لاسامح الله شنو ممكن يصير لو حملت !!
وشنو راح تكون نظرة الناس وكلامهم!! الرجال مايهمه اما البنت محد يرحمها صدقي وخاصة في مجتمعاتنا العربيه للاسف
اختي نصيحه لله خليها تكون حذرة ولاتسمح للي صار يتكرر مره ثانيه
وربي يستر عليها

[نبعة الحب]

صحيح كلام البنات خليها تاخذ بالها الله يستر عليها ومستحيل يصير حمل حبيبتي وقولي الها لاتفكر ولو واحد بالمية الدورة من التفكير تتاخر خليها تنسى الموضوع وشوفي شلون راح تنزل الدورة