مستشفى الولاده بالاحساء

[*دلوعه زوجها*]

السلام عليكم ورحمه الله وبركاته

كيف حالكم كروشااااااااات وامهاااااااااات المستقبل

مين جربت الولاده في المستشفى الولاده بالاحساء ؟
الى جربت ياليت تقول مين احسن دكتور او دكتوره

لاني احتمال اولاد طلق صناعي لان عندي المويه ناقصه

[انجل]

انا جربته لما طح الجنين سوالي عملية تنضيف
اما والدتي اولا كانت في الحرس والثاني في الحرس ان شاء الله
بس الدكتو مو انتي الي تحدادين يالغلا اهو على حسب الدكتوره الي مناوبه اهو الي يشرف على والدتك يالغلا
والله يقومك بسلامه
موفقه

[التفاحه الحمراء]

ماحد ولد بمستشفى الاحساء ؟

[ام هيثووووم]

مستشفى الولاده صحيح فيه جوانب سيئه بس الكل يشهد له في الحلات الحرجه
لانهم عندهم خبره واسعه من كثر الولادات
غير المستشفيات الخاصه وفي حالتك انصحك بالولاده لان يمكن لو رحتي خاص يستعجلون عليك ويسون لك قيصيريه لاسمح الله

[hasonh]

انصحك تروحين مستشفى الحرس احسسن لك

بس مستشفى الولاده بالاحسساء مو كويس

[القنوعه]

ياقلبي. الله. يسهل. عليك. يارب. انا. والد. لي. من 4شهور. في مستشفئ. الولاده. والله. اني. كنت خايفه. مره. منهم. ومن اللي سمعته. عنهم لكن لقيت. عندهم. راعيه. واهتمام. وحتئ. اختي. من بعدي. ولدت. ونفس. كلامي
وو الحلو. فيهم. مايستعجلون. ع. الوحده. يعني زانا. لو رحت خاص. كان ولدوني. قيصري. بس هم. استنوا. علي. وجلسو يصبروني. الين. ولدت. ولله. الحمد. طبيعي.

[درة الاحساء]

انا جربت الاجهاض عندهم ..

ماعليهم كلام اهتمام ورعاية وعلاج والحين اتابع عندهم ..

بس طلعوني بنفس اليوم وانا تعبانة :(

لأن قالوا صرت زينة ومافيني شي

بس أخذو مني تحاليل ...

وانا كنت خايفة من كثر ما أسمع يذمونه لكن الحمدلله ماشفت شي

وزين أنهم صبروا عليي هههههههه لأني هزيت المستشفى من الصراخ

وسويت بحر دموع ههههه ومساكين متجمعين حولي ويهدو فيني ...

الاجهاض عن مليون ولادة ان شاء الله ماحد يجرب فيكم :(

دعواتكم لي تتسهل اموري

[انا الله معا الصابرين]

مين افضل استشاريه عندهم؟ لني راح اكمل مراجع أتي فيه وأبي استفسر

[قابله وافتخر]

السلام عليكم ورحمه الله وبركاته

كيف حالكم كروشااااااااات وامهاااااااااات المستقبل

مين جربت الولاده في المستشفى الولاده بالاحساء ؟
الى جربت ياليت تقول مين احسن دكتور او دكتوره

لاني احتمال اولاد طلق صناعي لان عندي المويه ناقصه

وعليكم السلام ورحمة الله وبركاته
اولاً الف مبروك حملك والله يقومك بالسلامه يارب
ثانياً أنا قابله اشتغل بغرفة الولادة بمستشفى الولادة والأطفال بالأحساء
بالنسبة لسؤالك أنا أشوف اغلبية الدكاترة الي عندنا ما شاالله عليهم كويسيين
مؤ عشان أنا عندهم امدحهم لا والله. من جد
وان شاالله تولدين بالسلامه
ودي.

[اميره باوصافها]

قابله وافتخر...ابغاك تولديني خخخخخ لاني بولد عندكم

[غلادنس]

وساااااخه ... قل اهتمااااااام ... ويكفي الاسعاف لحاله

يمدي الوحده تولد

[ريونه]

على اللي اسمعه
الدكاتره ماعليهم كلام
ممتازين جدا
بس بعد الولاده تحملي
ضيق الغرف , الوسخ .. الخ

اذا حصل لك الحرس افضل بصراحه
انا ماكان عاجبني الحرس واقول على وشو
الناس ذابحين عمرهم عليييه

بس رحت زياره لوحده في الولاده
وعرفت لييه الناس تبي الحرس

[نبض قلبي]

على فكرة ترى مافي مستشفى الكل يمدحه.,.

كل المستشفيات فيهم الزين والشيين.,

هذا انتي وحظك عاد اذا جاك ناس تتفهم وتراعيك او تعصب وتصرخ .,.

مافي مستشفى انا سمعت الكل يمدحه .,.

يعني راااح تتعبووون في هالسؤؤؤال .,.

وين مارحتوا في اي مستشفى بيكون الله وياكم .,.