كيف تتصرفين حينها ؟؟

[زاهية]

عزيزاتي :




مريت بموقف لاأحسد عليه



بس بصراحه يقهر



مره من المرات كنت محتاجه السوق

وكل مره اقول لزوجي يقول خليها بكرى خليها بكرى


وجاء اليوم اللي وافق فيه وقال استعدي بعد صلاة العشاء

كتبت طلباتي بورقه

تعشينا بدري

وصيت الشغاله على العيال وسألتها وش هي تحتاج من السوق

طلعت للشارع

فتحت باب السيارة

والقى خوات زوجي وأمه وشغالتهم راكبات وماليات السيارة )


ماشاء الله من اول ماأطرى انه بيوديني للسوق علطول نطوا بحلقه يبي يروحون وهو مايرفض لهم طلب حتى شغالتهم معاهم (مافيها شئ ولدهم والله يعينه وافرح اذا كانت ام زوجي راضيه على ابو عيالي ) مو هنا المشكله !


سكرت الباب اللي قدام

واتجهت للباب الخلفي

ولما جيت افتحه









( تحرك زوجي بالسياره ومشوا وتركوني بالشارع )

حسيت بالمهانه والقهروانا اشوف السيارة تروح بعيد بعيد بعيد عني وبسرعه جنونيه


وقفت بالشارع ماادري وش السواة



بعدين صرت اطالع يمين ويسار

فيه احد شافني وانا مقهوره كذا ؟؟؟

وحسيت اني بديت مااقدر اشوف من شدة الموقف


وماصار قدامي خيار ثاني



رجعت للبيت







وللقصة تكمله ولكن لن ارويها الآن



موقف مر عليه سنوات ومازلت اتذكره

تصرفت فيه بطريقتي الخاصة


انت

كيف تتصرفين حينها لو مريت بذات الموقف ؟؟؟؟

[مشاعل الدوسري]

من جدك احس الكلام اللي قلتيه فلم...
لو من جد لاتعليق لكن اسالي يمكن يفكر انك ماراح تروحين

انتي سالتيه ليه رحت و تركتني دقيتي عليه ولا لا يمكن ماانتبه لك

[**سماسم**]

موقف مؤلم ويمكن التصرف الي راح أتصرفه بحيال هذا الامر أشيل ملابسي وعلى أقرب طياره لهلي ..
مستحيل أرضى على نفسي أني أقعد عنده وهو حاطني بموقف بايخ وقدام أهله ..
أحترامه لي حق عليه مثل مانا أحترامه حق على ..
متابعه يالغاليه وياج وأنتظر التكلمه
,,

[روز بااريس]

برجع البيت ومن الصدمة يمكن انهاااار وبس يرجع بحط حرتي فيه وانكد علية واخليه يوديني لاهلي

مو يمكن على باله ركبت عشان كذا مشى يمكن فيه ان بالموضوع

[بنت تبوك]

والله لأحرقه بأتصالاتي هذا اللي باقي يتركني بالشارع !! ياويلي ياكبرها كبراااااااه
وبعدها برد البيت وازعل هذيك الزعله اللي مافيه كبرها وحسابه عسيييييييييييييييير اذا رجع

[بنت تبوك]

بس يمكن كانو مسويين فيني مقلب بيشوفو ايش ردت فعلي يروحو اخر الشارع ويرجعوا
بس برضو راح يتعاقب

[حبيبت حبيبي]

يمكن يحسبني ركبت اول حاجه بكلمه واشوفه ليه مشى عني

ولو متقصد بقلبها عليه وعلى اهله ههههههههههههههه شريره

[ღ ٱم ديــــــٱلآ ღ]

اتوقع يحسبكـ ركبتي مانتبه بس اخواتوا ليش متكلموا هذا الغريب ..؟

ننتظر ردكـ

[ام عاصم2]

اولا رح اقهره زي ما قهرني تعرفو كيف بسكت لين يرجع البيت ولا بفتح معاه اي سالفه با خليه يشوفني بعينه اني لسه موجوده بالبيت ليش لانه اللي سواه مش في قائمه الانسانيه ابدا ولا بحكي معه باي شي لين يجي الصباح باخد اغراضي كلها اللي لي واللي علي وبخرج من البيت الزفر اللي مافيه كرامه للانسان بجد انحرقت اعاصبي كيف يروح ويخلكي في الشارع لوحدك لا ياليت رجع ما رجع بالخالص لانه ادا رجع رح يتصل بيكي ويقول لش انزلي تراني امزح حتى ادا طلعت مزحه مرح اقبلها ابدا قدام الناس ولا وحتى بيني وبينه لو حتى افترضناhwaml16 انه ما انتبه لش انك طلعتي واضحه اخواته معاه والباب لما يتسكر كله يبان بس مدري ليش يقولي احساسي انه مش هو اللي في السياره او انك غلطتي بسياره ناس اخرى لانه موقف حق نداله اسفه بس محروقه ادا طلعت القصه من جد

[عروسة الشرقيه]

امممممممم والله مادري يمكن يحسبك ركبتي
كان دقيتي عليه وقلتي ليه مشيت يمكن ماانتبه

[الريميه]

كملي الموضوع من شان اعرف ارد

[زاهية]

والله صار هذا الموقف لي من جد

عشان كذا مو قادره انساه حتى اللحظه هاذي

راح اكمل لكم بس منتظره رد باقي الاخوات

[جارة القمر]

اتوقع انه زوجك يمازحك لمشى بالسيارة ............ورح يرجعلك ما فيها زعل
اما انه مخبر اهله و اخدهم معه ممكن اني اتضايق واراجعه بالموضوع بس بجيب كل طلباتي من السوق
وما رح يعطلني اي شي بوجودهم ..........

[دلوعة حبي]

ماادري احسك تستهبيلي
نهيتها تكون مقلب منك لنى

[دلـــوعــه عـــــبوديـ]

راح انجن وادق عليه واقوله ماراح اتحرك من مكاني الى اذا رجعت وخليه يرجع بقوه واتهاوش معه ومع اهله

[mo0o0n2009]

ياااااااااااااويللللللللي وربي لا اموت من القهر والا يجيني شلل ليش كذا
كملي ابغا اعرف ايش سويتي

[ام التوت]

جد موقف مميت لو انا كان كملت ورحت للسوق لحالي وعملت كل اللي بدي اياه وجبت كل اللي بدي اياه وروحت وما بحاكي ابدا ولما بيرجع ما بعتبرو موجود وخلي يخبط راسو بكل حيطان البيت

[دلوعه فصولي]

ادق عليه واساله ليه مشى
وشوف رده

اذا كان مادرى حلو
يرحع وياخذني

اما اذا متعمد بتقوم القيامه وتقعد فوق راسسسسسه

وشو انا ماعندي هيبه يمشي ويتركني
ولاااا قدام اهله بعد

[ام عاصم2]

يا بنت الحلال كملي السالفه تراني من امس محروقه منتضرتك تكملي وعندي امل انها مقلب منك

[زاهية]

يا بنت الحلال كملي السالفه تراني من امس محروقه منتضرتك تكملي وعندي امل انها مقلب منك

والله العظيم حقيقه مو مقلب

ومثل ماقلت لكم صار لي قبل كم سنه

وابي ورا السالفه كلها ان الحريم يطلعن اللي عندهن ويأخذن دروس بالحياة وخصوصا اللي توهن متزوجات ...

بانتظار ردود باقي الاأخوات

انا متابعه معكم

وأعدكم باذن الله ان اكمل الموقف غدا الساعة الخامسة مساءا بتوقيت مكه المكرمه

انتظروني

[متغليه لعيوني]

عشتوا مالت عليه اذا من جد والله لو سواء معايا كذا مافي أسف عليه ماهو رجال الي يسيب مرته في الشارع لأي سبب اي كان اما اذا انتي ركبتي غلط وكانت سياره زي سيارة زوجك هذا شي ثاني

[طال@عمري]

وربي لو يسويها معاي لقوم الدنيا واقعدهاhwaml15hwaml15hwaml15hwaml17hwaml17hwaml17h waml17hwaml17


وربي شي يقهر hwaml15hwaml15hwaml15



تكفين كمليها

ولاتقولين انها مو سيارتكم hwaml4hwaml4hwaml4hwaml4hwaml4

[دلوعة عبود]

بصراحه بأروح بيت أهلي ولا أرجع الالما يراضيني رضوه محترمه وقدام أهله بعد

[سموة الشوق]

موقف صعب بجد


أولا اتصل عليه واتأكد من حركته

إن كان قاصدها

هين هين

أرجع لبيتي وعيالي


وماأعطيه وجه أبد
واروح عند اهلي وأشوف احترامه لي إن كان يقدرني أو يتمسخر علي

وماأرجع إلين يرجع كرامتي عند أهله وقبلها عند نفسه

اعوذ بالله إن كان يقصد

[حـورية]

انا كنت اكيد اتصلت عليه و قومت الدنيا و زعلت عليه
و ما عدت اتكلم معاه و ابقى فترة ما اكلمه و لا كلمة
يلا عاد انا بانتظارك

[جريحة المحبه]

حتى لو كانت مزحه هذي مزحه ثقيله ولايمكن اتقبلها ابزعل ساعه ساعتين عشان مايتعودها

اما اذا كانت بقصد اردها له واحقره

[دلوعة حبي]

يووووووووووللللللللللللللي \

لوانا والله اروح بيت اهلي ولا ارجعله الى برضوه

[زاهية]

هلا بكن عزيزاتي قبل ماكمل القصه حبيت اشكركن على المرور الذي سعدت به


مشاعل الدوسري : اللي حصل مثل ماقلتي موقف مؤلم ولم اسئل زوجي ليه راح


سماسم : مثل ماقلتي موقف مؤلم وبايخ كمان
بس ماشلت ملابسي ولا رحت لاهلي

روز : طبعا كنت منهاره ولا كلبت منه يوديني لاهلي

بنت تبوك : ماتصلت فيه ابدا

حبيبة حبيبي : انا الومه ليه ما سأل انا ركبت ولا لا

ام ديالا : خواته طبعا لئيمات

ام خالد : مافكرت ابد اني اترك بيتي

عروسة الشرقيه : كرامتي ماسمحت اني اتصل فيه

الريميه : راح اكمل الموضوع حبيبتي ومنتظره تعليقك

جارة القمر : ومين تقبل بمزحه زي كذا

دلوعة حبي : انا قلت لكم انها مو مزحة

دلوعة عبودي : وتبين مني اني اوقف بالشارع وقت اطول لحين مايتكرم ويرجع معصي

مون 2009: سلامتك من الشلل

ام التوت : اعجبني كلامك كثير وتمنيت اليوم من كل قلبي اني سويت مثل ماقلتي بس هذا المكتوب

دلوعة فصولي : مستحيل يعترف بخطأه حتى لو كان هو المخطي

متغليه لعيوني : كانت سيارتنا عزيزتي ولو

طال عمري : فعلا شئ يقهر

دلوعة عبود : مافكرت اترك بيتي

سموة الشوق : موقف صعب بس لم اتصل به

حوريه : لم اتصل به

جريحة المحبه : لم تكن مزحه

[زاهية]

اعتذر للجميع على التاخير بسبب ظرف طارئ حصل لي (العذر والسموحه )

اكمل الآن القصه

دخلت لبيتي وخلعت عبائتي

امرت الخادمه ان تنوم الاطفال

وتذهب لغرفتها ( اقفلت الباب المؤدي لجناح الخادمه )


وبدأت اتجول بالبيت من غير شعور

بدأ جوالي بالرنين (حيث انهمرت اتصالات زوجي اتصال وراه الآخر بشكل متتابع )


لم ارد بل أغلقت الجوال

اتجهت للمطبخ جلست على كرسي المطبخ

ثم فكرت ماذا عساي ان افعل اذا رجع



اعددت الشاي وتركته على الطاوله ودموعي تنهار بغزاره واشعر بحرارتها تحرق خدي





سمعت صوت دخوله للمنزل





مسحت دموعي بسرعه




وحسنت من هندامي


وصببت الشاي


بدأ يبحث عني بالمنزل


بدأ بغرفة النوم لم يجدني


ثم باقي غرف المنزل لم يجدني


دخل المطبخ


كان وجهه متغير كثيرا (لمحته هكذا ثم صرفت نظري عنه حتى لا انهار امامه )

تلعثم بالكلام وبدا يتكلم كلام بما معناه انه لم يفعل ذلك قاصدا وان وان وان ....إلخ



انا طبعا لم ارد ولا بكلمه واحده



التزمت الصمت نعم ( الصمت سلاح قاتل للرجل )


وبدأت احتسي الشاي بكل برود (اتظاهر اني مروقه وماهمني شئ )

ولم التفت اليه ابدا






لم افكر بترك بيتي

ولم افكر ان اتصل بأهلي او اذهب اليهم


لم ارغب ان يفرح علي اعدائي واترك الشيطان يخرب بيني وبين زوجي



بدأ زوجي يلاطفني ويقبلني عساني ارحمه وارضخ له لأرد ولو بكلمه



خرجت من المطبخ وهو يلاحقني ويعتذر مني


ذهبت لمشاهدة التلفاز


ثم تعمدت دخول الحمام


خرجت خلسة وذهبت لغرفة الضيوف (والتي اعددتها لأنام فيها )


اغلقت الباب واقفلت على نفسي ونمت لوحدي تلك الليله (الله لايعيدها طول الليل وانا منهاره ابكي )


في الصباح


قمت باكرا

فتحت الباب للخادمه


صحيت اطفالي


بدات الاعبهم واتكلم معهم بصوت عالي


نهض ابو العيال (وهيئته يظهر عليها التعب وكأنه لم ينم )

وكلما خلونا ببعضنا بدأ يتوسل لي كي اكلمه ولو بكلمه



بعد ثلاثة ايام

حينما سمعته يدخل المنزل


اتجهت لغرفتي


دخل علي


بدأ يتوسلني لأسامحه


انهرت امامه بالبكاء وضمني اليه


فرح اني بدأت اسمعه

ظل يقبلني


ويطلب ان اسامحه


حينها طلبت منه هديه يقدمها لي امام اهله ويعتذر مني


نادينا اهله للسهره

وعند دخوله الينا تكلم بالموضوع امامهم

ودنا مني واعتذرمني وقبلني على رأسي وقدم لي طقم ذهب


ورجعت امورنا تمام ولله الحمد





كان المسكين ابو العيال مادري اني ماركبت السياره
ماكتشف هالشئ الا بالسوق

عندما سأل اخواته واخبرنه انهم تركوني بالشارع

انهال عليهم بالصراخ حينها ورجع الي مسرعا كما ذكرت احدى اخواته


ارجو من كل قلبي انكم استفدتوا من موقفي ذلك

وأهمس لك امرأة تحب زوجها ان لاتفكر بترك بيتها لأي سبب

ادام الله علينا وعليكم الافراح
اختكم . زاهية

[أخفي غلآه]

فعلآ مششآء الله تصرفك حكيم .. لو أنآ بمكآنك يمكن أزعل مثلك بس ماافكر انه يراضيني قدآم أهله
ومسستحيل اروح لآهلي أو أدخل احد بمششآكلنآ ..
آلله يتمم عليكم ويسسعدكم ..

[حـورية]

واااااااو نهاية حلوة

الله يديم زوجك عليك يا رب

حلو الرواق و الهداوة
انا كان سكرت الدنيا و بالاخير انا الي بطلع غلطانة

[وهجونه]

اختي الزاهيه ماادري ليش تاثرت وانا جالسه اقرأ ردة فعلك
اقسم بالله جالسه اكتب ردي وانا امسح دموعي وفيني غصه
حسيت اني كنت راح اتصرف نفس تصرفك لاني من النوع اللي يصمممممممممممممممت اذا زعل الى ان انهار بالبكاء
الله يديم عليكم السعاده ويخلي لك زوجك
واهم شي انك عرفتي ان الغلط موب منه من خواته الله يسامحهم

[جارة القمر]

زاهية ما شالله عليك ..................الله يبارك لك ...........ويسخر لك زوجك .........ويبعد شر اخوات زوجك عنك

[بنت تبوك]

بصراحه يعطيك العافيه تصرفك عين العقل

[انثى من زجاج]

لو انا مكانك مافكرت اطلب يراضيني بهدية قدامهم بس فعلاً تصرف انسانة عاقلة الله يخليكم لبعض

[طال@عمري]

صراحه اقوم لك واقفه وارفع الطربوش لك بعد
لو انا ما اقدر امسك اعصابي مثلك


حلو وتصرفك جدا راقي

[دلوعة عبود]

الله يديم المحبه بينكم مثلك نادره في هالزمن ماشاء الله تحياتي لكhwaml95

[دلوعة حبي]

الله يخليكم حق بعض من جد طلع ولد حلال
ويحبك دامه اعتذر قدام اهله

[سموة الشوق]

ماشاء الله تبارك الرحمن

الله يديم بينكم المحبة والود طولة العمر

تصرف حكيم

وكظم غيظ كبير

لله درك أختي الغالية زاهية

بارك الله فيك وجعلك قرة عين لزوجك وأحبابك وأقر أعينكم ببر عيالكم

[جريحة المحبه]

تصرف حكيم وقدرتي تمسكين اعصابك ماشاء الله عليك

اهنيك من كل قلبي ع التفكير الحلو

انا مااقدر تدرين ليش ؟؟ لااني عصبيه من الدرجه الاولى واسلوبي دمار اتمنى اني اربي نفسي وخاصه مع زوجي

الله يسخر لي ويسخر لك وكل مسلمه

[**سماسم**]

ماشاء الله ..
ربي يديم عليكم الحب والسعاده ..
ومادري إذا أنحطيت بهالموقف الله لايقوله فأكيد بكون ببيت أهلي لان حتى لو نسى أو حسباله راكبه أعرف نفسيتي وشعوري بلحظتهاا وبكون بالمكان الي ارتاح فيه ..
وأفكر بهدوء واشوف وضعي ..
جميل أنج تمتلكين قوه وطوله بال وحلو تصرفج وحلو رد لج أعتبارج قدام أهله
,,

[زاهية]

شاكره لجميع الاخوات مرورهن الذي عطر متصفحي


الله لايقدر لأي وحده منكن موقف كاللي مريت فيه

فهذا الموقف غيظ من فيظ مما مر بي بهذه الحياة

فأسال الله جل بعلاه ان يكتب لي الاجر ويثيبني على صبري على المصاعب التي مرت علي منذ طفولتي وحتى يومي هذا