مشورتكم وافكاركم ومساعدتكم لحفلة سابع ... بليز ادخلو وساعدوني

[متمرده]

مرحبااااا hwaml7

كيفكم ياكروشات؟ان شاءالله تكونو أنتو وكرشكم تمام التمام

طبعا زي ماهوا واضح في العنوان ...أنا ناويه بإذن الله اني اسوي سابع بعد ما اخلص الاربعين

لأني ماراح اعمل اربعين ونفاس وزيارات وبتكون الزيارات على حد المستشفى وبعد كدا حعمل حفلة السابع لما اخلص الاربعين

وعندي كذا استفسار عشان أنا ماحضرت قبل كدا سوابع وعشان دا اول بيبي ليا الله يتمملي يارب ويبلغني وأولد بالسلامه

اول حاجا بالنسبه لمكان الحفله راح نحجز قاعه صغيره او استراحه كبيره طبعا لسا مالفينا

بس ااااخرييي 15 بكل شي يعني الديجي والضيافه والعصير والبوفيه .....وغيرو

اذا تعرفو قاعات زي كدا وتناسب لمناسبتي تشيل حوالي 200 ياريت تساعدوني وانا من جده للمعلوميه

كمان كيف اتزف أنا والبيبي طبعا أنا عارفه انو على أنشودة يارب يارحماني ومثلا كمان اغنية السبوع لحماده هلال بس بدون موسيقى

بس أنا قصدي يعني كيف ترتيب الاغاني والزفه

وكونت أبغى أسألكم اذا تعرفو فرقه مصريه يزفوني مع الاطفال بطريقتهم

اخر حاجا أنا حابه اعمل ثيم الحفله وغرفتي تبع الولاده سناااافر فلو عندكم افكار ادخل بيها السنافر في حفلتي وغرفتي ساعدوني
يغير التوزيعات ،وممكن اعمل كب كيك بشكل السنافر وممكن كمان كرت أالدعوه،، ولو في الامكان حلبس بزورة العيله سنافر و اخليهم هما يقدمو التوزيعات وبعدها يزفوني بنفس اللبس ،، وممكن في المدخل اعمل اوتجراف عليه رسمة سنافر احطو اول في غرفة ولادتي وبعدها في الحفله وكمان نوت بورد اللي بالمغناطيس وازينو بالسنافر والصق صور السونار حق كل شهر وصور البيبي

يعني ملخص موضوعي
1/مكان للمناسبه يكفي معازيمي ويكون حلو
2/كيف تكون زفتي أنا والبيبي وايش الأناشيد اللي أنزف بيها غير اللي ذكرتهم
3/كيف ادخل السنافر لحفلتي وغرفة ولادتي غير الأفكار اللي ذكرتها وبطرق اكتر؟
4/ أبغى رقم الفرقه المصريه اللي وصفتلكم ايش حيكون دورها؟ولو عندكم رقم وحده تنسقلي مكان الحفله والغرفه ياريت تعطوني
5/ اذا ماعليكم امر ابغى محل يعملي توزيعات سنافر والمدخل اللي شرحتو اللي هوا الاتوجراف والنوت بورد على شكل السنافر؟ومن فين احصل لبس السنافر

وفي الاخير اعتذر منكم عشان طولت الموضوع بس مالي غيركم بعد الله ودا اول فرحة ليا أنا واهلي
ربي يتمملي ويتمملكم على خير يارب

سي يو

[متمرده]

ليش كداااااا !!!
والله زعلتوني منكم دا اول موضوع ليا ومحد فيكم رد عليا
بليز لا تطنشوني وردو على اللي تقدرو عليه*

[متمرده]

معقووووووول!!!!!!
22 مشاهده ومافي ولا رد
مراااا مع نفسي ..ماكان دا العشم فيكم

[حبيبي بعيد]

اب لعيونك

,,,

[loly2011]

ما عندي فكره حبيبتي لان أنا من الشرقيه
ان شاء الله البنات يفيدونك

[متمرده]

الله يسعدكم كفايا ردودكم

[ارجوانا]

بصراحه انا ماعندي افكار جديده بس بساعدك بالي اعرفو


1/مكان للمناسبه يكفي معازيمي ويكون حلو
عندك جرايد الاسبوعيه ووسيط فيها اعلانات جدل رائعه عن القاعات واسعارها والي يقدموه فيها
اتصلي عليهم واتفقي معاهم ولو عجبك روحي وشوفيها .
في قاعة الؤلؤه والكرستاله حق واحد نعرفو بشارع خالد بن الوليد
بصراحه القاعه جديييده ومره روووعه وهو كمان عندو افكار حلووه
رحت فيها 3 مناسبات وكانت كل مناسبة احلى من الثانيه وبفكره جدييده

2/كيف تكون زفتي أنا والبيبي وايش الأناشيد اللي أنزف بيها غير اللي ذكرتهم
الاناشيد من حقون الاشرطه اطلبي اناشيد للسابع بيعطوكي الشريط
او مواقع الزفات اعطيهم اسم المولود ويسوولك زفة عليه ... زفاتهم بصراحه غيييير

3/كيف ادخل السنافر لحفلتي وغرفة ولادتي غير الأفكار اللي ذكرتها وبطرق اكتر؟
امممم بهادي مااعرف صراحه غير الطرق التقليديه .. بس ممكن ع حسب الزفه حقت البيبي
يعني تقوليلو ابغى زفة سنافر وكدا ؟؟ وع حسب هيا تحدد اذا تدخلي لحالك او هما قبلك او كدا
ممكن زي الاميره النائمه تدخلي البي بي اول بعدين البزوره يلتفو عليه ويغنولو وانتي بعدهم اطلعي
وشيليه وامشي فيه وهما وراكي ^^

4/ أبغى رقم الفرقه المصريه اللي وصفتلكم ايش حيكون دورها؟ولو عندكم رقم وحده تنسقلي مكان الحفله والغرفه ياريت تعطوني
انا ما اعرف بس بقوقل مليييييان
5/ اذا ماعليكم امر ابغى محل يعملي توزيعات سنافر والمدخل اللي شرحتو اللي هوا الاتوجراف والنوت بورد على شكل السنافر؟ومن فين احصل لبس السنافر

برضو في حريم كثير بالنت يسولك التوزيعات ع حسب طلبك
واللبس في بمحلات الاطفال واسعارها حلووه
انا شفت في مركز جديد × جديد بحي البوادي لبس للبزوره زي كدا بصراحه مررره حلوه وسعرو ما يتعدى ال50 ريال


وربي يوفقك ياعسسل

[ام سينا]

في وحده هون تعمل توزيعات السنافر

[دانة الدنيا،،،]

الله يوفقك ويسهل عليك
وان شاء الله البنات ما يقصروا معك

[متمرده]

يسلمووووووو بجد يا ارجوانا على ردك.. انقهرت في البدايا محد عبرني
وحروح أشوف جديد x جديد

يسلمو يا ام سينا على ردك .. بس التوزيعات أنا خلاص تقريبا اتفقت أنا ابغى افكار غير التوزيعات ادخل فيها السنافر

الله يوفقك انتي كمان يادانه وردك بكفايا


يلا بنات قوووو ابغى ردود اكتر

[فائقة الوصف]

إنشاء الله البنات يفيدونك .. لأني ماعرف شيء عن موضوعك بس عندي رقم وحده تعمل توزيعات للحضور للسابع إذا تبغيها .. و أفكارك مرره حلووه والله يخليلك ببيهك ..

[my_BABY]

ماشاء الله افكارك حلوه
ربي يسعدك ويخليلك النونو

[صحفية المستقبل]

انا عملت غرفتي على شكل سنافر كان مفرش نفاسي ابيض وازرق ودخلت السنافر شوفي الصور على دا الرابط
http://forum.hwaml.com/t178580.html
وكمان عملت لطفلي فيديو استأجرت بروجكتر مع شاشته بـ 250 ريال وعملت فيديو لطفلي زي كدا
‫أحلى أطفال‬‎ - YouTube (http://www.youtube.com/watch?v=Cr_-394HG1Y&feature=plcp)
لبس السنافر متوفر في سنتر بوينت اتوقع سعره بـ 70 أقدر ادور لك عليها من محلات ثانيه بس قوليلي كم اعمار الاطفال وكم وحده تبغي
بالنسبه للتوزيعات عملت توزيعات للأطفال عباره عن فازة فيها سنفوره وفيها شوكولاته وحلاو وكمان العاب مختلفه للبنات والأولاد حسب سنهم اما توزيعات الكبار كان استاند عملته كأنه حديقه السنافر فيها ميداليات وتحط كل ميداليه سنفور طبعا السنافر 6 اشكال دي صوره لـ 3 التوزيعات
http://forum.hwaml.com/imgcache2/hwaml.com_1351636120_289.png

[لييتا]

ان شاء الله البنات يفيدونك ويتحقق الي ببالك انا لساتني بكريه

[صحفية المستقبل]

ممكن كمان تستأجري ملعب صابوني للأطفال وكمان نطيطات وتحطي اناشيد اطفال وكمان عندك فيه مهرجات يبسطوا الاطفال ويلعيبهم وكمان يرسموا على وجوههم وعندك كمان فرقه ديزني في النت دوري عليها

[فطوم القحطاني]

الله يسهل عليك وعلينا يارب
يعطيك العافيه