طالعه من المستشفى وابغي مساعدتكم ارجوكم

[غصون الأمل]

السلام عليكم اخواتي توني طالعه من المستشفى صار لي ثلاثة ايام راقده عندي جفاف والتهاب في الأبوال(حامل صار لي شهرين آخر دوره كانت 14/1 ) اخواتي رحت عند الدكتوره وانا كنت في الستة اسابيع من حملي سوت لس سونار وقالت الجنين صغير وما يبين تعالي بعد اسبوعين رحت بعد اسبوعين قالت بعد الجنين كبر اشويه بس ما يبين وكان عندي جفاف من الترجيع وقلة الأكل وترقدت ثلاثة ايام واليوم طلعت اليوم في المستشفى سوت لي الدكتوره السونار العادي بعد قالت الجنين ما يبين بس كيس الحمل وبعدها سوت لي سونار من المهبل والجنين بين بس ما تنسمع دقاته المهم قالت لي ما يصير ليش الحين ثمان اسابيع والجنين ما فيه نبض يمكن خلاص وقف نبضه انا وكلت امري لرب العالمين بس اليوم اخذوا من دم عشان يشوفون نسبة الهرمون ترتفع او تنزل شاركوني حبايبي بخبرتكم علما هذا حملي الأول وعندي آلام بالظهر اتمنى ما اكون ثقلت عليكم يا اخواتيhwaml10

[غلا ابراهيم]

حبيبتي الله يتمم لك حملك ع خير والله انا لسى ماحملت وماعندي خبره حبيت ادعيلك

وان شاء الله الاخوات يفيدوووووك

[غصون الأمل]

مشكوره يالغلا والله يرزقك يارب عاجل غير آجل

[مهرة]

الله يفرج همك توكلي ع الله وان شاء الله مايصير الا الخير

[هناء22]

الله يشفيك ما عندي فكرة انشاء الله البنات افيدوك بس حبيت ادعيلك

[زهره الجوري]

الله يكتب لك لي فيه الخير ان شاء الله واكثري من الاستغفار وسوره البقره

وخلي املك برب العالمين كبير

انه قادر على كل شي

[muzza_a]

قالولك نسبه الهرمون ولا لسااا؟

[روزالي]

اللة يتمم لكي على خير وانشاللة تسمعي اخبار حلوةةةةةةةةةةةةةةةة

[غصون الأمل]

مشكورين اخواتي على المرور والدعاء الله يجازيكم الف خير وفي ميزان حسناتكم يارب والله يرزق اللي ماعندها يارب

[ام هيثووووم]

عيوني غصون الامل
اعملي بنصيحتي اللي قلتها لك من قبل وبإذن الله راح تشوفين اللي يسرك
تمنياتي لك بالتوفيق
طمنينا عن احوالك

[راجيه الفردوس]

اختي غصون الامل ربي يوقف معاج و ان شاء الله تكون النتيجه تفرحج و تريحج اهم شي اختي توكلي على رب العالمين كيف ما جات خير من عند الله ونعمه بس للاسف انا ما عندي فكره ان شلء الله تحصلين وحده من البنات و تفيدج انا ما املكلج غير الدعوة والله وايد تعاطفت وياج حتى اني ابغي اصيح الله المستعان والف الحمدلله على سلامتج

[غصون الأمل]

مشكورين اخواتي على المرور والله يسهل عليكم ومشكوره اختي راجية الفردوس الله يوفقكم يارب

[نونه الأموره]

حبيبتي توكلي على الله وبإذن الله ماراح يصير إلا كل خير
إنتي أكثري من الإستغفار وقراءة القرآن وإن شاءالله ربي يفرح قلبك ويطمنك على اللي في بطنك