بنتي والكلام

[مودي]

سلام يا امهات
بنتي عمرها سنه وتسع شهور
مشكلتها الكلام تتكلم بس مو مفهوم حتى ماما وبابا ماتقولها دايما مو عارفه اذا طبيعي ولا في مشكله فكرت اوديها المستشفى بس قلت اشوفكم اول
واشوف تجاربكم مع اطفالكم

[ارجوانا]

هلا وعليكم السلام والرحمه

شوفي يالغلا الاطفال يختلفو في قدرتهم ع الكلام
اطفال اختي الاول ما تكلم الا ع 3 سنيين بس انطلق
والي بعدو ماشاءالله خلصت سنه وكانت بدأت تتكلم .

انا ولدي دحين عمرو سنه و7 شهور كان فصيح ماشاءالله اكرر الكلمه قدامو كم مره الا هوا يعيدها
جاتو فتره نسي كل الكلام حتى ماما وبابا
بعد البحث طلع من قنوات الاناشيد حقت الصغار كان مدمنها ودحين بطلتو منها ورجع يتعلم الكلام بس
برضو كلمات بسيطه ماما بابا هات مين كدا ..
الدكتوره بتقلك اذا كملت سنتين وما نطقت جيبيها ...
ان شاءالله اكون افدتك وماطولت عليكي يالغلا

[أم القمر فيصل]

ابنى بنفس عمر بنتك وبعد عمر السنة الاولى بطل يقول ماما وبابا لانى اول ما يشاور على شئ اقوله تبغى هدا؟ وبسرعه البى طلبه اما الحين اقوله له قول ابغى كدا..... فيقول اتح قصده افتح الباب ويقول هات وكدا وتو يقصد ستو ههههههه
يعنى عليكى واللعب معاها كتير وتتكلمى معاها وتطلبين تكرر وراكى كانكم بتلعبو وما تلحين عشان ما تزهق
حتى ابنى يتكلم كتييييييير ويحى قصه طويلة عريضة من غير ما افهم منه كلمة واحدة هههههههههههه

[الجوهره المصونه]

شئ طبيعي ياأختي خاصه أذا كانت هي الأولى يعني ماعندها أخوان تسمعهم يتكلموا
بس أنتي حاولي تكلميها كثير علشان تتعلم بس لا تضغطي عليها وكمان لا تقارينها بأحد كل طفل وله قدراته
لكن أذا وصلت سنتين ماحكت أعرضيها على طبيب علشان تطمني عليها
الله يخليها لك

[اه من الغربة]

مثل ما قالوا الأخوات الي قبلي بس راح ازود عليهم انه الدكاتره ما ينصحون انه الطفل يشوف تلفزيون لازم تتكلمي معه حتي يتعلم الكلام لان التلفزيون ما يعلم الكلام

[مودي]

يسلمو حبيباتي كلامكم افادني
بنتي تحب تتفرج على قنوات الاطفال والاناشيد
امكن عشان كذا ماتتكلم كثير

[ارجوانا]

حبيبتي حاولي تحددي لها وقت قليل للجلوس ع القنوات
لان الدكتور يقول هيا السبب الرئيسي للتوحد وما تعلم الاطفال الكلام
انا منعت طفلي عنها تماما