اخواتي الغاليات ,,,,,, ابي مشورتكم

[الوازعيه..]

اخواتي الغاليات



سبق ان سويت عملية اطفال انابيب في شهر 11 وفشلت والحمدلله على كل حال وودي اكررها


بس وش رايكم اكررها عند نفس الدكتور والا اسويها عند دكتور ثاني


الاول سويتها عند الدكتور محمد خان


بغيت اسال بعد ترجيع الاجنه على طول هل مارستوا حياتكم عادي وهل صليتو ا وانتم جالسين

والا عادي

دعواتكم

[الوازعيه..]

لاحول ولاقوة الا بالله


ولا وحده ردت

ردو لله

[أثري في مدادي]

اخواتي الغاليات
نعم حبيبتي ،،،، الآن رأيت مشاركتك فقط ،،،




سبق ان سويت عملية اطفال انابيب في شهر 11 وفشلت والحمدلله على كل حال

عوضك الله خيرا يا غالية ،،،
وودي اكررها
ربي يعينك ويوفقك ،،،

بس وش رايكم اكررها عند نفس الدكتور والا اسويها عند دكتور ثاني
أستخيري الله واستشيري أهل الخبرة ،،،ويسر الله لك ما فيه الخير ،،،


الاول سويتها عند الدكتور محمد خان
لا علم لي به حقيقة


بغيت اسال بعد ترجيع الاجنه على طول هل مارستوا حياتكم عادي وهل صليتو ا وانتم جالسين

والا عادي
أوصتني الطبيبة بالراحة التامة سوى الحمام والصلاة عادي لمدة ثلاثة أيام وبقية المدة حركة شوي شوي ،،،،
دعواتكم
وفقنا الله لكل خير


ولنحسن الظن ببعضنا ،،، فهذا مفتاح الخيرات ،،، يا غاليتي

[Amooo]

مرحبا اختي ,,
والله مادري اذا الدكتور اللي كنتي عنده شااااطر ليش تغيرنه؟؟
اما اذا على العملية فنجاحها وفشلها من الله سبحانه
الله يرزقك ويرزقنا ويرزق كل محروووووووووووم

[يارب ترزق جمولة بطفل]

أنا أراجع عند محمد خان وخليك معاه ونجاح العملية بارادة الله اذا قال له كن فيكون وناس سالتهم فى المستشفى سووها وحملوا وعيدها مرة ثانية وخلينا على تواصل وان شاء الله تبشرينا

[يارحيم]

انا اشوف انك تغيرين الدكتور وانا اساسا مقررة لو لا قدر الله ما ضبطت هالمرة بدور مركز ثاني.. يا اختي ماتدرين يمكن برنامج الدكتور ما ناسبك يمكن المختبر حقهم شغلهم ما كان ممتاز يمكن ويمكن.. ليه اعيد عنده نفسه؟؟ انا ضد هالفكره تماما يمكن اذا رحتي لدكتور ثاني برنامجه يختلف شوي ومختبرهم يختلف يكتب لها ربي النجاح ماتدرين.. المهم ابحثي عن احد مشهور ونسبة نجاح العمليات عنده عاليه..

بالنسبه للراحه انا ارتحت 48 ساعه على كلام الدكتور يعني على الكنبه وزوجي كان يخدمني (مع اني طلعت مشوار ثاني يوم مضطره بس كنت شبه منسدحه بالسياره).. اليوم هو ثالث يوم لي بديت اتحرك بس احاول ما ارهق نفسي وابعد عن الدرج وممنوع اشيل اي شي ثقيل او امشي بسرعه.. كل شي بهدوء على قولة الدكتور تيك ات ايزي :).. الصلاه اول يومين اصلي وانا جالسه واليوم بديت اصلي عادي..

[يارب ترزق جمولة بطفل]

أخبارك يالوازعية مع الدكتور محمد خان والا غيرتي الدكتور طمنيني الله يطمنك بالسعادة
متى تبدين برنامج العلاج لعملية طفل الأنابيب
موعدي معاه26/5 ونشوف وش يقرر لنا

[الوازعيه..]

اول احب ان اشكر كل من شاركتني في هذا الموضوع


واسال الله ان يفرج همي وهمكن ويرزقنا الذريه الصالحه النافعه المعافاة يارررررررررررررب

اختي الغاليه جمول الله يعطيط العافيه وييسر امرك

انا يالغاليه قررت اسويها عند محمد خان باذن الله على اساس هالشهر بس صار عندي ظروف ويمكن ااجلها لشهر سبعه

على العموم وكلي امرك لله واللي كاتبه ربي بيصير ترى انا سوت العمليه معي وحده وبفضل الله تم حملها فخلي همتك عاليه

وتوكلي على الله

دمتي في حفظ الرحمن