الالتهابات البكتيريه خطر ع الجنين !!!

[loly2011]

السلامـ عليكمـ
اخباركمـ ياكروشات
يمكن هذي ثالث مره اكتب الموضوع وفجأه تتقفل الصفحه عشان كذا بختصر الموضوع
أنا حامل بالشهر السادس وثلاث اسابيع وهذا رابع حمل لي ..
مشكلتي بدت بالشهر الرابع التهابات بكتيريه واستخدمت التحاميل ومراهم وابر وكل شي بس الالتهاب يروح 10 ايام ويرجع ولما سألت الدكتوره قالت ماراح يروح منك الاااا بعد الولاده لان الادويه الفعاله ما تعطى للحامل المهم سألتها عن الجنين وقت الولاده ماراح يأثر الالتهاب عليه لأني سمعت كلام كثير وخفت فااا قالت الدكتوره انه ما يأثر بس التهاب مدري شنو قالت اسمه يجئ بعينه واحمرار وبس مع القطرات يروح ... حسيت انو في شي وخفت ولما رجعت البيت بحثت بالنت ولقيت كم وحده نفس حالتي وكلهم اجبرتهم الدكتوره يولدون بعمليه لان الالتهاب يسبب عمى للجنين يعني في خطوره على صحته " يعني مانقدر نولد طبيعي "
وعشان كذاا أنا خايفه وقلت لازم اكتب لكم الموضوع وأبي كل وحده لاهنتوا عندها نفس الحاله او تعرف احد صار معاه كذا تكتب لنا تجربتها وبأي مستشفى تعالجت .. خلونا نستفيد من خبرات وتجارب بعض هذي حياة أطفالنا عسى الله يحفظهم من كل شر ويتمم عليهم الصحه والعافيه ...
بليز بنات ابي تفاعل لاهنتواا ،،، أنا متأكده انو في غيري عندهم نفس المشكله ومو عارفين شنو يسووون .. ابي الكل يستفيد وربي من الخوف كتبت الموضوع
حتى من بعد كلام الدكتوره قلت لازم اراجع بمستشفى سعد التخصصي بالخبر مع أني من سكان الدمام واقرب مستشفى لي المواساه وانا ما احبهم على سمعتهم السيئه
اي وحده تعرف دكتوراه شاااطره تقولي اسمها وبعد ابي اعرف كيف الولادة عندهم القيصريه والطبيعي وكيف تعاملهم وعنايتهم لان اول مره راح أولد عندهم بس كنت اراجع قبل عندهم من 6 سنوات تقريبا
وجزاكمـ الله الف خير

[أسـماء]

الف سلامه عليكي يا حبيبتي ,.
انا ما بعرف شيء عن اللي حكتي بس حبيت ادعيلك يالغلا انه ربنا يشفيكي من كل مرض ويعافي الجنين وان شاء الله ما تحتاجي اي شيء يالغاليه

[زهرة الجنوب]

حبييتي لاتخافي انا جاني الاتهاب وبكتيريا في البول وانا حامل وعطتني علاج وسالتهاا ياثر علئ الولاده قالت لا وفعلا الحمدلله ولت طبيعي والحمدلله وجبت بنت قمر والحين عمرهاا سنه ومافيها شي لاتخافي دامك اختي لها علاج الله يتمم للك علئ خير ويشفيك

[جلنار..,]

ياهلا فيكـ
انا في نهاية الرابع تقريباً ..
ومعايا التهابات كتبت لي الدكتوره غسول لافام <<ريحته حلوه مرره *_*
وكتبت تحاميل دكتارين ,,الكرتونه فيها 3 حبات ., قالت لي استخدمي وحده وإذا حسيتِ لسه فيه حرارة والتهاب استخدمي الباقي
انا استخدمت وحده وبعد اسبوع الثانيه وبعد اسبوعين الثالثه ., والحمدلله احس الحراره والحرقان خف .,
لسه فيه حراره خفيفه اثنا الجماع ., يعني لسه الالتهاب ماراح مزبوط ..
المهم هي قالت لي آخر مره رحت لها قبل شهر إذا تبغين اكشف عليك من تحت اكشف وانا رفضت كنت خايفه ..

بس لما بروح بكره ان شاء الله بخليها تكشف لأنو ابغى اتأكد اكثر وتكتب تحاميل اذا محتاجتها ..
بس سؤال يابنات عادي تدخل هذاك المنظار الحديدي من تحت اثناء الحمل وإلا ., ؟؟!!
لأنو خايفه منه مرررررهـ .,
ووووبس
الله يعطيك العافيه على الموضوع خليتيني اكتب اللي عندي ..,

[الأمبراطوره]

حبيبتي عند مين انتي تراجعي

كان خليتيها ودخلتي على الأستشاري محمد الحمدان انا اتابع عنده وماشاء الله روعه

وبعدين استشاري يختلف عن اخصائيه

وتعبت قبل مده نزل علي مويه وتنومت عندهم 5 ايام وكان في الاسعاف دكتوره فايزه عنايتها قمه وتخيلي يوم تنومت حتى الاوجاع اللي بالوركين والافخاذ واسفل الظهر راحت

وطبعا الناس مختلفين وعلى حسب المواقف

[loly2011]

الف سلامه عليكي يا حبيبتي ,.
انا ما بعرف شيء عن اللي حكتي بس حبيت ادعيلك يالغلا انه ربنا يشفيكي من كل مرض ويعافي الجنين وان شاء الله ما تحتاجي اي شيء يالغاليه

الله يسلمك وو مشكوره على مرورك يالغلا..

[loly2011]

حبييتي لاتخافي انا جاني الاتهاب وبكتيريا في البول وانا حامل وعطتني علاج وسالتهاا ياثر علئ الولاده قالت لا وفعلا الحمدلله ولت طبيعي والحمدلله وجبت بنت قمر والحين عمرهاا سنه ومافيها شي لاتخافي دامك اختي لها علاج الله يتمم للك علئ خير ويشفيك

هلااا أختي زهره الجنوب .. مشكووووووره حيل على ردك بس انااا الالتهاب البكتيري عندي مؤ في البول يمكن يفرق..
امين الله يسمع منك

[@fatim]

لا تخافي اتكلي على الله واتركي الوساوس جانبا
الله الحامي لجنينك

[loly2011]

ياهلا فيكـ
انا في نهاية الرابع تقريباً ..
ومعايا التهابات كتبت لي الدكتوره غسول لافام <<ريحته حلوه مرره *_*
وكتبت تحاميل دكتارين ,,الكرتونه فيها 3 حبات ., قالت لي استخدمي وحده وإذا حسيتِ لسه فيه حرارة والتهاب استخدمي الباقي
انا استخدمت وحده وبعد اسبوع الثانيه وبعد اسبوعين الثالثه ., والحمدلله احس الحراره والحرقان خف .,
لسه فيه حراره خفيفه اثنا الجماع ., يعني لسه الالتهاب ماراح مزبوط ..
المهم هي قالت لي آخر مره رحت لها قبل شهر إذا تبغين اكشف عليك من تحت اكشف وانا رفضت كنت خايفه ..

بس لما بروح بكره ان شاء الله بخليها تكشف لأنو ابغى اتأكد اكثر وتكتب تحاميل اذا محتاجتها ..
بس سؤال يابنات عادي تدخل هذاك المنظار الحديدي من تحت اثناء الحمل وإلا ., ؟؟!!
لأنو خايفه منه مرررررهـ .,
ووووبس
الله يعطيك العافيه على الموضوع خليتيني اكتب اللي عندي ..,





هلا بكـ اكثر
حبيبتي أنا كتبت لي الدكتوره على تحاميل دكتارين واستخدمتها 3 ايام متواصله وخفت الافرازات والريحه وبعدين رجع يعني مافي علاج نهائي وقالت ماراح تروح الا لما تولدين ...
مممم ما ادري شنو قصدك بالمنظار الحديدي ... احس عادي تكشف لان ضروري عشان تقدر تشخص حالتك صح أنا اخر مره جيتها كشفت علي وعادي مأثر فيني الحمد لله
الله يسهلك أمورك بكره وان شاء الله مافيك الا العافيه ولاتنسين طمنيني.، الاا في اي مستشفى تراجعين..

[loly2011]

حبيبتي عند مين انتي تراجعي

كان خليتيها ودخلتي على الأستشاري محمد الحمدان انا اتابع عنده وماشاء الله روعه

وبعدين استشاري يختلف عن اخصائيه

وتعبت قبل مده نزل علي مويه وتنومت عندهم 5 ايام وكان في الاسعاف دكتوره فايزه عنايتها قمه وتخيلي يوم تنومت حتى الاوجاع اللي بالوركين والافخاذ واسفل الظهر راحت

وطبعا الناس مختلفين وعلى حسب المواقف

أنا عند مستوصف الصحه والحياه اراجع عند الدكتوره فريال هي مرررره ممتازه وترتاحين لهاا بس قبل الولادة بروح لمستشفى سعد او المواساه بس اشك أني اروح للمواساه
سلامتك ماتشوفين شر .. تنومتي وين بـ سعد ..؟ أنا ما اعرف دكاترة مستشفى سعد لان قبل 6 سنوات كنت اراجع عندهم مع كذا دكتوره مؤ وحده وما اذكرهم حتى بس لو تعرفين دكتوره شاطره قولي لي

[loly2011]

لا تخافي اتكلي على الله واتركي الوساوس جانبا
الله الحامي لجنينك

مشكوره على مرورك حبيبتي
هو ماذبحنا الا الوسواس.. ونعم بالله .. أنا متوكله على ربي وان شاء الله يتمم حملي على خير

[عبايه كشخه]

انا بعد صارلي في حملي الاول وكنت اتابع في المواساه الدمام وعطتني الدكتوره تحاميل بس ما اخذت العلاج كاااااامل لاني ولدت

وبنتي لما جبتها كانت عينها ملتهبه واااااايد وضلت فتره اعالج فيها اكثر من سنتين

والحين الحمل الثاني بعد عندي نفس المشكله واخذت تحاميل الي العلبه فيها 3 تحميلات ....وبنتظر الموعد الجاي وبشوف اذا راح كل شي ولالا

[شاطئ القمـر]

اول شي سلامتكم خواتي وما تشوفو شر

وتاني شي انا كنت متلكم عانيت بمافيه الكفاية من الالتهابات المهبلية كانت مزعجتني لانها كانت شديدة ولونها مايل للأخضر ورحت عند اكتر من دكتور وكتبولي تحاميل مهبلية متل يللي حكيتوا عنها وكتبولي مرهم وحبوب فلاجين وكل انواع الترافاكورت والدكتاكورت بس للاسف عالفاضي.

وبالفعل دكتورتي الحالية خبرتني انو ممكن تأذي عيون الطفل وقت الولادة اذا استمرت بدون علاج

بس انا لقيت علاج فعال وللامانة اسمعوا مني وجربوه انا الحمد لله من قبل شهر لحد الان اختفت الالتهابات مني تماما بفضل الله وحمده

السر في ((( اليانســـون))) اغلوا اليانسون واشربوا بانتظام كاسة الصبح وكاسة المسا وفيكم تحلوه بالسكر حسب ذوقكم ورح تلاحظوا الفرق بعد اول اسبوع من استخدامه والله شي عجيب سبحان الله ومو طالبة منكم غير تدعولي الله يفرج همي بعد ما تشوفوا النتيجة (اهم شي الانتظام يعني كاستين كل يوم الصبح والمسا متل وصفة الدوا).

اسفة طولت عليكم بس حبيت افيدكم لاني عانيت متلكم والحمدلله هلا جدا مرتاحة مع اني ما كنت متوقعة ابدا الاقي حل للالتهابات يللي صابتني من اول الحمل.

[loly2011]

انا بعد صارلي في حملي الاول وكنت اتابع في المواساه الدمام وعطتني الدكتوره تحاميل بس ما اخذت العلاج كاااااامل لاني ولدت

وبنتي لما جبتها كانت عينها ملتهبه واااااايد وضلت فتره اعالج فيها اكثر من سنتين

والحين الحمل الثاني بعد عندي نفس المشكله واخذت تحاميل الي العلبه فيها 3 تحميلات ....وبنتظر الموعد الجاي وبشوف اذا راح كل شي ولالا

سلامتك أختي ماتشوفين شر.. مؤ عشان كذا أنا خايفه يعني بيبي صغير مايتحمل ادويه وخرابيط
الف سلامه على بنتك وان شاء الله الله يتمم عليك حملك بصحه وعافيه

[loly2011]

هلا أختي " شاطئ القمر " ... الله يسلمك ويتمم عليك الصحه والعافيه يارب ويبعد عنك كل الامراض ويفرج لك همك
.. بصراحه ما فكرت ابد بالأعشاب ولاشي يعني العلاج عندي موجود عندي وانا مؤ عارفه .. الله يجزاك الجنه وان شاء الله راح أبدى فيه
وان شاء الله ألقى نتيجه حلوه وارتاح من الالتهابات الي حيل تعبتني....

[همسات ام]

اختي شنو عمى ياساتر يارب والله اول مره اسمع مو كل الكلام اللي تسمعيه تصدقيه ولاتفكري بالقيصريه ابدا لو كان في خطر كبير عالجنين كانت الدكتوره صارحتك
انا عندي التهاب كان مانع عني الحمل وتعالجت منه حملت في نفس الشهر ورجعلي الالتهاب خلال عشر ايام واعطاني الطبيب تحاميل فلاجيل خفت منها لاتاثر عالجنين ولا استعملتها وانا في بداية الرابع ولسه اعاني من الالتهاب وافكر اعالجه في شهور الحمل المتقدمه حتى ماتاثر الادويه عالجنين
المشكله احنا ناخذ الدوا المفروض الرجال ايظا يتعالج ولايتقرب الا لما تنتهي فترة العلاج والا نظل احنا واحد يعدي الثاني ولا يفيد انتي جربي تتعالجي وزوجك ايظا يتعالج ومايتقرب لمدة عشر ايام طول فترة العلاج وان شاء الله مافيكي الا العافيه *

[شاطئ القمـر]

هلا أختي " شاطئ القمر " ... الله يسلمك ويتمم عليك الصحه والعافيه يارب ويبعد عنك كل الامراض ويفرج لك همك
.. بصراحه ما فكرت ابد بالأعشاب ولاشي يعني العلاج عندي موجود عندي وانا مؤ عارفه .. الله يجزاك الجنه وان شاء الله راح أبدى فيه
وان شاء الله ألقى نتيجه حلوه وارتاح من الالتهابات الي حيل تعبتني....


ان شاء الله اختي بتتعافي انا كنت متلك بس الوالدة الله يسلمها هي يللي صممت اني اشرب اليانسون وبالفعل الحمدلله ما ندمت ورميت كل الادوية يللي كتبوها لي الاطباء

بس في كمان شغلة مهمة انا خبرتني دكتورتي بضرورة تعريض الملابس الداخلية للشمس يعنى ما تكتفي بنشرها داخل البيت لازم تتعرض لاشعة الشمس لان في انواع من البكتيريا ماتموت بالغلي والغسيل حتى لو اعتنيتي بنظافتك الشخصية ما يقتلها الا اشعة الشمس سبحان الله.

بتمنى اكون فدتكم خواتي

[loly2011]

الدكتورة قالت مافي جماع مده العلاج لانه يتأثر الزوج ينعدي وفعلا قبل ماكنا نعرف وصار بينا وتأثر وعطتني الدكتوره حبه ياكلها والحمد لله الحين مافيه شي وقلنا لازم نبعد شوي لين يروح.. وغير كذاا الألم وقت الجماع فا عشان كذا ماصار شي بينااا لين الله يفرجها
بعدين أختي أنا ماجبت شي من عندي الناس تقول تجاربها والطفل بأيامه الاولى مايتحمل اي شي فااا تخيلي التهاب بالعين والعين حساسه صعبه اعرف ان الشي هذا يأثر على عيونه ومع هذا اخاطر بصحته الزم ماعلي بنتي لايجيها شي بسبتي لان لوصار لها شي ماراح اسامح نفسي ابد عسى الله يجيبها بالسلامه
ومشكوره أختي على مرورك

[loly2011]

ان شاء الله اختي بتتعافي انا كنت متلك بس الوالدة الله يسلمها هي يللي صممت اني اشرب اليانسون وبالفعل الحمدلله ما ندمت ورميت كل الادوية يللي كتبوها لي الاطباء

بس في كمان شغلة مهمة انا خبرتني دكتورتي بضرورة تعريض الملابس الداخلية للشمس يعنى ما تكتفي بنشرها داخل البيت لازم تتعرض لاشعة الشمس لان في انواع من البكتيريا ماتموت بالغلي والغسيل حتى لو اعتنيتي بنظافتك الشخصية ما يقتلها الا اشعة الشمس سبحان الله.

بتمنى اكون فدتكم خواتي

الله يخلي لك الوالده يارب .. كلامك صح ميه بالميه .. لازم الملابس انشرها بالشمس ولو في وحده ما تقدر تنشرها برى يعني ما عندها لاحوش ولابلكونه انصح ها تكويهااا لان أنا لاحظت نفسي بعد ماغسلت ملابسي ونشرتها داخل البيت مع ان عندي حوش بس عشان العمال بالبيت الي جنبنا خفت اطلع المهم بعد مانشفت لبستها حسيت بحكه ويمكن هي السبب الي رجعت لي الالتهاب فااا أنا مقرره ارمي كل ملابسي الداخليه والليقنز وارتاح وأشتري بدالهم جدد نظييييييفه خخخخخ احس تعقدت من الالتهاب.. مشكوره على نصيحتك خيتووو كنت ناسيه هالشغله وانتي ذكرتيني
جزاك الله الف خير

[@fatim]

ana kaman kan 3indi ifrazat ktira wa fouka3AT ktira fi el bawl
a3tatni doctora tahamil 3olba fiha 3 kol youm wahda bi lil modat 3 ayam nakousat el ifrazat wa ikhtifat foka3At bayda eli kant ktira fi elbawl el hamdolileh
issm dawa ecovar
kolna ma3na had elwaswas allah yster

[loly2011]

هلابك أخت فاطمه.. من جد الله يستر ويعيناا ويسهل ولادتنا
اسعدني مرورك خيتووو ... بس ياليت لو كتبتي عربي بدال الانجليزي المعرب لان في ناس ماتعرف وأشكرك مره ثانيه

[جلنار..,]

السلام عليكم .,
انا اليوم رحت الدكتوره ., والحمدلله مادخلت شي كنت خايفه بصراحه ..
المهم اول ماناظرت كذا قالت معاك إلتهاب جاامد ., قلت ياساااااتر
وبعدين قالت بسويلك مزرعه ., قلت إيه دا ., ؟؟!!
قالت بناخذ عينه من الإفرازات ونرسلها المختبر وعلى اساسها اعطيك العلاج والمضاد المناسب .,
قلت في نفسي ايه هذا الكلام المضبوط هع ., ودي بكذا من زمااان
والمهم النتيجه بعد 3 ايام ان شاء الله ., واخبركم شو النتيجه ...

والله ياقلبي أنا في أقصى الغرب ., يعني مو في الشرقيه ولا حولها ... *__*
قصدي بالمنظار الحديدي كذا شي تدخله علشان المهبل يكون مفتوح وتشوف كل حاجه من جوه <<معليش على الشرح !!

طيب ياأخت شاطيء القمر ., اليانسوون مايضر .,
لأنو اللي اعرفه الأعشاب هذه يمنعونا عنها الحريم الكبار يقولون تسهل الولاده وهيك يعني بالذات في الأشهر الأولى
والله أعلم ... طيب أنتِ كنت تأخذينه وانت حامل ., ؟؟!!

وبالنسبة للكولتات والله صادقه لازم شمس او غلي او كوي ., بس بصراحه ماأسوي ولا شي منها .. بس خلاص ناويه اكويها ..
وأني اغيرها بصراحه توي شاريتها في رمضان ., شريت مجموعه ورميت كل القديم ..,

وفيه معلوومه برضو انا جربتها وحسيتها مفيده .,
أكل الزبادي والثوم الطازهـ ., رهيب للبكتيريا والالتهابات .,
اهرس فص ثوم واحطه على الزبادي وعليه زيت زيتوون وياسلااام على الطعم ., بس استمري عليه كذا فترهـ ..
لأنو لازم نتعالج من جوه .,

وهذا رابط شفته وانا اتصفح وياارب ينفع ..
http://forum.hwaml.com/t79594.html

والله يتمم علينا الحمل يااارب ويحفظ اجنتنــا ..

[شاطئ القمـر]

مشافية ان شاالله اخت جلنار

انا لا زلت حامل خيتو وبديت اشرب اليانسون باول يوم بالشهر السابع

وهلا الحمدلله دخلت بالتامن من يومين واليانسون من الاعشاب المهدئة للاعصاب الخفيفة على الجسم يعني ما منها خوف باذن الله يعنى مو عشبة حامية متل القرفة والزنجبيل.

توكلوا على الله الجميع وانا ما خبرتكم الا بعد ما جربت اليانسون و اني متأكدة 100% باذن الله من النتيجة

هلأ بالنسبة للملابس الداخلية خواتي صحيح لازم تتغير بين فترة والتانية بس حبيت اخبركم انو الكوي والتعقيم غير كافي انتبهوا منيح لانه سبحان الله في انواع من البكتيريا ما بتموت ولا بتتأثر بالحرارة والمعقمات وما بيقضى عليها الا اشعة الشمس.

بالنسبة للبن والثوم كلامك صحيح لانه الثوم بيحتوي على مواد قاتلة للبكتيريا الضارة بالجسم واللبن كمان فيو بكتيريا نافعة بس للاسف اللبن في بعض الاحيان بيتعب الحامل خصوصا اذا كانت بتعاني من حرقة فم المعدة بحيث انو بيزيد من الحموضة عند الحامل وهالكلام قرأته بأحد تقارير الاطباء عن حموضة المعدة عند الحوامل.

[loly2011]

" جلنار " حبيبتي أنا أخذت مني مزرعه واستخدمت المنظار وقالت لي على طوووول الالتهاب بكتيري شديد أنا تجمدت مكاني لان اووول مره بحياتي يصير معي كذا
المهم تطمنا عليك وماتشوفين شر وان شاء الله نتيجه المزرعه ما يكون مثلي وتتوهقين
وبالنسبة للزبادي اي سمعت انه مرررره ممتاز وعن تجربه وحده قريبه لي تقول قبل النوم تأكله وخفت الالتهابات


" شاطئ القمر " صح كلامك الينسون مهدئ والدليل انو اولادي في فتره الأربعين كنت اغلي لهم ينسون عشان يريح معدته ويطرد الغازات يعني لو خطر ع الحامل بيكون خطر ع الجنين تطمني جلنااار اليوم شربت الصباح وما صار لي شي بالعكس واللي اعرفه انو مغلي الزعتر ابد مؤ كويس للحامل يقولون يحمي الطلق والله اعلم
الله يتمم ع الكل الصحه والعافيه ويحفظ اجنتنا

[loly2011]

نسيت اقولكم انو امس كلمتني وحده قريبه لي وسألتها عن الالتهابات وقالت انه كان فيها بحملها الاخير وتعبت كثير بس تقول وقت الولادة ماكان عندها إفرازات لان أتوقع على كلامها انو مأخذه تحاميل قبلها بكم يوم بس بعد ما ولدت تقول البيبي صار يطلع صديد من عيونه وكانت عيونه حمره والدكتور سألها انتي معاك إفرازات قبل الولادة تقول أنا نسيت وقلت لا قال اجل يمكن هالالتهاب الي بعينه من الجو وعطاهم قطره لعينه وبعد 20 يوم تقول راح الالتهاب الي بعينه والحمد لله
وقالت لي توضئ بماي منقوع فيه مره وملح بس للأسف ما عندي مره والا كان جربت.. حبيت افيدكم بتجربتها

[نكهة القهوة]

الله يجزاكِ خير لولي على الموضوع المهم
انا عانيت من التهاب بالبول وصديد من بداية حملي وماتقدر تكتب لي شىء بس قالت كثري من شرب الماء والآن أعاني من التهابات بالمهبل وكتبت لي تحاميل canesten فيها ست حبات لستة أيام ومعاها أنبوب مدري أستخدمه لأن مكتوب بالروشته لا يستخدم الأنبوب للحامل واستخدمت وحده من دون الأنبوب في الليل وفي الصباح لقيتها نازلة يعني ما استفدت منها والله خايفة أستخدم الأنبوب ويضر الجنين .

وبالنسبة لليانسون مامنه أي ضرر بأذن الله لأن الدكتورة نصحتني به لأني أعاني من الأرق وقالت نقعيه بمويه حارة و أشربيه قبل النوم .

[loly2011]

مشكوره " نكهة قهوه
بصراحه اول مره اسمع عن التحاميل هذي أنا عطتني نوعين بس وحده حقت 3 ايام ووحده اسمها Gyno-Pevaryl 150
العلبه فيها 3 تحاميل بس قالت تمشين عليها 6 ايام يعني علبتين وبس ماستفدت رجع بعد 10 ايام
تدرين لي 3 ايام مالبست الكلوت عشان المنطقه تتهوى قلت يمكن تنفع هالحركه هههههه ادري الكل بـ يقول وقحه بس لازم نكون منفتحين شوي
ونقول تجاربنا بدون خجل عاااادي كلنا خوات وحاسين ببعض

[نكهة القهوة]

لا تمام عليك لازم ترتاح المنطقة شوي من الكلوت
بس كيف التحاميل اللي استخدمتيها بأنبوب والا بدون ؟
انا مشكلتي الأنبوب
وبأمشي على التحاميل وإذا مانفعت الله يعين أروح أراجعها عشان تكتب لي دواء ثاني الله يشفينا ويهون علينا ويقومنا بالسلامة ياررررب .

[بلقيس 99]

السلام عليكم ورحمه الله ...

بنات وش اعراض الالتهاب انا حامل في الشهر الخامس وتنزل مني افرازات مايله للأصفر احيان فيها ريحه واحيان بدون ريحه يعني اذا حسيت فيها ريحه تكون زي ريحه الزبادي المنتهيه صلاحيته عفوا على الوصف بس انا مره خايفه وبعد احس مع الجماع الم مو طبيعي بس ببدايه فتحته المهبل احس كأنه مجروح هل هذا التهاب امانه ساعدوني تعبت من المستشفيات جزاكم الله خير ...

[loly2011]

هلابك أختي بلقيس
الإفرازات لونها اصفر ولها ريحه وبعد حكه وو اذا شفتي قطع لونها ابيض مثل الزبادي او اللبن" تكرم النعمه " لما يخرب كيف يتقطع نفسها بـ يكون التهاب بكتيري
وطبعا الم بالجماع شي مؤ طبيعي كأنه مجروح .. ابعدي عن زوجك هاليومين لين تروحين المستشفى وتتأكدين لان الالتهاب يأثر ع الزوج لان زوجي انتقلت له بس ع الخفيف والدكنوره كتبت له على حبه وحده ياكلها والحمد لله راح .. انتي روحي وتأكدي أحسن وان شاء الله مافيك الا العافيه

[huda_l]

لا تخافي كل النسوان بيهم التهابات لاتخافوووووووووووووووا

[loly2011]

نكهه القهوه
اسفه أختي توني أشوف ردك وبالنسبة للتحاميل لامامعاها انبوب انتي لما تدخلينها
دخليها مسافه طويله شوي عشان ماترجع


هدى
مشكوره على مرورك