والله تعبانه وماني عارفه ايش اسوي

[ميمي الغامدي]

السلام عليكم ورحمة الله وبركاته
كيفكم ياحلوات ان شاء الله بخير حبيت اني افضفضلكم واشكيلكم hwaml5
انا حامل والحمدالله وهذا اول حمل لي وطبعا انا ماعندي خبرة ابدا داخله الشهر الثاني بس من يوم ماحملت وانا تعبانه مااقدر امشي كثير وحاسة بكسل وخمول حتي عملي مو طايقته
وغير المويات الشفافة الي تنزل مني ونغزات بجنبي اليمين واليسار والم اسفل ظهري
وصايرة بس اعصب وازعل بسرعة وكلو كوم ووزني الي يزيد كوم ثاني ونفسي مفتوحه علي الاكل
طبعا والتفكير الي ذابحني من كثر مااقراء ان ممكن يكون في كيس حمل بس من غير جنين لاني باقي ماسويت سونار
ادري طولت عليكم بس ماعندي احد اشكيله غيركم
وما ادري هذي اشياء طبيعية فيني او لا *

[أسيلA]

اختي الغاليه سلامتك ماتشوفي شر
شيلي كل هالاوهام من راسك
باذن الله يكون كيس ونبض وجنين وما عليك شر
ريحي راسك ياعسل من كل هالافكار
وفكري في راحتك وتغذية جسمك وجنينك كلي اشياء مفيده سلطات شوربات ابتعدي عن السكريات والنشويات
الالام عادي بس الافرازات يارب تخف وتروح وانتبهي على نفسك وريحي نفسك

[ميمي الغامدي]

مشكورة اسيل وماقصرتي باحاول انسي واشيل هالافكار من راسي والله كريم

[أسيلA]

الله يسعدك ويرزقك كل ماتتمنى ويبعد عنك كل شر

[سلوان]

ياقلبي طبيعي كل اللي تمرين فيه انا بحملي الاول يمكن زدت اكثر من عشره كيلو والله

وبس كنت ابكي على اتفه شي وكنت عصبيه وما ابغى اتكلم مع احد

بس الحمد الله حملي هذا غير نفسيتي مرتاحه ولله الحمد

ريحي نفسك واهتمي بصحتك كثير وحاولي ماتعصبين ولا تزعلين كثير عشان صحة البيبي

وربنا يتمملك على خير ياارب ويرزقك بالطفل السليم المعافى ياارب

[برستيج آنثى]

بالنســبه للأكل الكثير طبيعي ، لســـاتك مابدا الوحم معك هو اللي بينقص وزنـــك تقريبا ً حيبدا الوحـــم بالاسبوع الســابع


والعصبيه والنرفز برضو اغلب الحوامل يتعرضوون لهالشــيء نتيجه ارتفاع هرمون الحمـــل .. اذا بايام الدورة عشان لخبطت هرمونات بسيطه نقلب البيت علي اصحابه من نفسيتنا الخايسه فمـــا بالك بالحمل !!!

النغغزات طبيعيه وكمان الم الظهر راح ترتاحي منها ببدايه الثالث ان شااء الله

روووقــي وعيشي احلى الاسابيع مع طفلـــك ..

[حنونه20]

الله يعينك وانا مثلك بس حااولي تشغلين نفسك عن هالتفكير

اقري قرااان سوي اي شي ولا تفكرررين

[جوهرة سوس]

اسال الله ان يثبت حملك امين
ابتعد عن الوساوس اختي

[الشموسي]

اسأل الله انه يتمملك على خير وانا رحت فبداية حملي
قالت الدكتورررررررررره منتي حامل مافي لاجنين
ولاكيس ,,,وقريب رحت الحمدلله فنهاية الثاني
دكتوره ثانيه طمنتني قالت الحمدلله الجنين موجود
يعني لاتسمعي كلام اي احد وتفائلي بخير وحاولي
تكثررررري سماعك للقرأن والله ملره راحه وسمعي
الجنين لمن ماتولدي الله يتمملك بخييييييييييييييير

[ميمي الغامدي]

شكرا حبايب قلبي جعلني ماانحرم منكم والله انكم طمنتوني وريحتوني

[همسات ام]

طبيعي جدا كل اللي تمرين فيه فلا تخافي الافكار السوده والوساوس والبكاء والعصبيه سببها الهرمونات حاولي تهدي نفسك اختي
اما زيادة الوزن فلاتفكري بس يبدي معاكي الوحام كل الملابس تكبر عليكي مثلي! فلاتستعجلي على رزقك
ربي يهون عليكي ويسهل حملك وولادتك*

[ميمي الغامدي]

حبيبت قلبي همسات الله يسعدك ومشكورة ياقلبي

[بنت تونس]

اختي مثلك اول حمل عندي بالشهر التاني وعلي طول تعبانة وعايشة بالغربة وماعندي اي خبره بس بقول الله يعين كل الحوامل

[sooma1]

ﻻ تعصبي يا قلبي ﻻن هذا مضر لك ولطفلك
والمفروض تسوي سونار عشان تتاكدي من نبض الجنين
واذا تقدري تاخذي اجازه ليه ﻻ ؟ الراحه النفسيه مطلوبه
والله يتمم لك على خير .