وش احط لكم ,, طريقه اي طبخه من عندي ؟ :)

[ر ي م]

اممممم وانا اقلب بجوالي لقيت كثير طبخات اشتهيت احطها لكم واشارككم بس قلت خليني اخيرهم احسن هههههههههههههه

فيا طويلات العمر وش تبون اي صورة واي طبخه من عمل ايديا فديتهم خخخخخخ

فيه :

مرقوق

محاشي

كبسة دجاج وقرع

مكرونة باشميل بالتونة

فطاير التوست

عصير مشكل بالحليب

معدس مع صالونة بطاطس وتونة

مندي دجاج بالفرن

قرصان :)

دجاج معرق سهل وسريع


سليـــق

وسلامتكم :)

[مهره الدنيا]

انا ابغى مندي دجاج بالفرن

و

قرصان

وفديييييتك يا الغاليه

يارب محد يسبقني خخخخخخخخخ

[um yuseef]

دجاج معرق


عجبني الاسم ههههه

[ريحانة الجنة]

انا اختاااااااااااااار (كلهم هه ادري طماعة )

لكن اول شي
السليق اموت عليه

[ر ي م]

هلا وغلا منووووورييييييييييييييييين
على عيني وراسي :)

ما طلبتوووووو شي ,,, بس تاخرت لاني ما افضى حق النت بالبيت لاكن بالدوام بس اكون فاضية ادش لوووووووول

امممممممم نبدى بالقرصان يمي يمي

[ر ي م]

القرصان



على لحمه او ساده على كيفك

المقادير: خضارك الي تحبيها قطعيها مكبعات صغيرونة ( كوسا جزر فلفل روكي باذنجان فاصوليا .. )
بصل مقطع صغير -صلصة طماط - طاطه او ثنتين مطحونة بالخلاط - ماجي - بهارات - فلفل اسود - ملح - ورق غار - هيل حب
ليمون اسود مطحون - زبده - زيت - ( بصل مقطع ناعم جدا )
وطبعا كرتون او اثنين او ثلاثة حسب كميتك قرصان < تعرفونه اكيد

اسلقي اللحمة قبل نص استوى او قبل تنضج شوية بس ,
احمسي بقدر فيه الزيت بصل لين يذبل وحطي الحمه قلبيها لين تاخذ لون بعدين حطي الهيل الحب و ورق الغار وقلبيه ضيفي صلصة الطماطم والطماط المطحون بالخلاط ,,,
اضيفي بهاراتك والماجي والملح وقلبي ,, لما يتسبك شوية المرق ضيفي الخضار جميعها واضيفي موية مغليه تكفي لكمية القرصان الي عندك بس راعي كثافه المرق لا يصير خفيف مرة تروح نكهته ويصيل ماصخ ,,,

الخطورة السررررررر في النكهه الخطيررررررة : ((( نجي بقدر صغير نذوب زبده ونحط عليها البصل الناعم مرة ونحط ملعقه صغيرة مليانه ليمون اسود ، قرفه مطحونة شوية وملح ونقلب ونتركه على نار هادية حتى يستوي البصل )))

بعد ما يستوي المرق والخضار كلها واللحمة الذايبة ,, نجيب قدر كبير شوي ونحط شوي مرق ونكسر فوقه قرصان ونسقي مرق ونحط كم ملعقه من البصل ابو الليمون الاسود ,, وهكذا طبقات لين تخلصي مقدارك ,,,
خلي القدر على نار هادية لين يتشرب وتختلط النكهات تقريبا ربع ساعه مكتوم مقصر على النار مرررة ...


وربي يا بنااااات حتدعولي من قللللللللللللللللللللللب لذييييييييذ وصحتين وعافيه

[ر ي م]

معرق الدجاج
سهل ولذيذ ويفك ازمات





قطعي دجاجتك اجزاء بدون جلد واغسليها بملح ليمون و خل
قصي بصل جوانح مع فلفل رومي وفلفل حار اذا تحبين
فص ثوم او اثنين حسب رغبتك
بطاطس مقطعه مكعبات وسط زي الي بالصورة

جيبي مقلاة البيض الحجم الكبير على النار وحطي بياله ونص زيت وفوقها البصل قلبيه مو شرط ياخذ لون او يذبل وحطي الثوم والدجاج ,, قلبيهم وبعدين ضيفي مكعب الماجي والبهارات المشكله وملح وفلفل اسود وقلبيه حتى يتشرب الدجاج نكهة البهارت ثم ضيفي البطاطس والفلفل الرومي والحار .. غطي المقلاة بغطى يكون يحكم التغطية ويكتم الطبخه الجميله وخلي النار على اقل شي :)

في هالفتره جهزي طبقك الثاني رز شعرية رز ساده مكرونة سلطة خبز الي ودك :)

نص ساعه وافتحي طبختك وتلاقينها ذابت وتحمرت واستوت على الاخرررر ....

[ام عاصم2]

طبخات روعه تسلمي يالغلا بس عندي سؤال ايش القرصان ما عرفتها

[مهره الدنيا]

تسلم يدك ياقلبي

والله شهتيني ع دجاج معرق
يفتح النفس

وأحلى تقييم لعيونك

بانتظار جديدك حبيبتي

[ر ي م]

المشاركة الأصلية كتبت بواسطة ام عاصم2

طبخات روعه تسلمي يالغلا بس عندي سؤال ايش القرصان ما عرفتها

الله يسلمك حبيبتي ,, القرصان شي مثل خبزة يابسة نكسرها ونشربها المرقه
تعرفي الثريد ؟ هذي الطبخه كذا خبز يابس نشتريه من المخابز او السوبر ماركت ونسوي المرق ونشربه يارب تكوني فهمتي علي حبيبتي