بــــــــــــــــــآك
نرجع للقصة
رحت للإسعاف وصار عندي نقص سوائل وهبوط في الضغط
ويوم درى الدكتور اني مسوية باي باس اللي هي عملية تحويل مسار
قالي متى وكيف حامل لازم سنتين
قلت لا عادي الدكتور سمحلي وقالي كل شي طبيعي
المهم قالي لازم تاكلي كويس وطول الوقت سوائل وقالي بكره لاتصومين
عشان تعوضين النقص
وحطولي مغذي وبعدين رجعت للبيت ,,,
من بكره وضعي احسن عشان ماصمت بس غثيااااااااااااان ودوخة
ثالث يوم صمت وبعد العصر رجعتلي نفس الاعراض
بس زيادة الم ونغز في اعلى البطن جهة اليمين وانتفاخ
ورحت اسعاف والحمدلله كان فيه نفس الدكتور
وبصراحة ماقصر سوى لي تحليل سكر وضغط
وتخطيط للقلب عشان يشوف وش مشكله النغزات
ويوم شاف القلب سليم قال يمكن المرارة او الكبد
انا هنا خفت
وقالي بكرة الصباح تجين صايمة نسويلك اشعة صوتيه للبطن
والساعة تسعة طلعت من البيت ورحت للمستشفى والدوخة الله لايوريكم
وبصراحة يوم دروا اني حامل دخلوني على طول
وجت الدكتورة وسوتها لي وقالت ارجعي للطوارئ عشان النتيجة
وروحي خذي موعد للباطنية
وطلعت ورحت للطوارئ وقالوا النتيجة بتاخذ وقت روحي للبيت واتصلي
طلعت مع زوجي من الطوارئ ورحنا مبنى العيادات
وهنا زاد علي التعب وماعاد اشوف زين وتماسكت قلت الحين اروح البيت وارتاح
الا ماش وانا امشي الا ,,,,,؟؟؟
دروووب طحت بس الحمدلله ماطولت وماقصروا الممرضات موية وعصير وشكولاتة
وقالوا شكل السكر نازل
المهم رحت للبيت ونمت ويوم صحيت اتصلت على المستشفى
وسألت عن النتيجة وقالي الحمدلله ماعندك مشكلة في المرارة
بس عندك دهون على الكبد
بصراحة ضاق صدري اخاف من امراض الكبد
بس الدكتورة طمنتني وقالت هذي عندك من زمان ايام السمنة وكل العالم عندهم دهون يعني طبيعي
والحمد لله على كل حال
نجي للأخبار الحلوة
رحت وسجلت في مركز الحبيب برنامج متابعة الحمل بعد ما احترت
بس قلت شي تعرفه ولا شي ماتعرفة
وخاصة اني متابعه معاهم يوم حملي الاول
بس عيبهم الزحمة ملل
دخلت عند دكتورتي وطلبت مني اسوي اشعة صوتية عشان نشوف النبض
والحمد لله فيه نبض ووضع الجنين طبيعي
بس وكتبت لي تحاليل بعد السحور بروح اسويها
وادوية
ملتي فيتامين
وفوليك اسيد
وعطتني موعد بعدشهر
للحديث بقية
عن الشهر الثالث والرابع