دعواتكم .. بنتي ماتت

[بحور النشيد]

السلام عليكم ورحمة الله وبركاته
مرحبا اخواتي اسأل العظيم ان يتمم عليكم حملكم ولايصير لكم ماصار لي
اللهم آمين يارب العالمين

انا حبيت اخبركم إني اجهضت البيبي بعد ماانتهيت اخر اسبوع من الرابع
وبعد ماعرفت انها بنوته في نفس الاسبوع كنت مريحه عند اهلي من بداية حملي
وجاني نزيف مرتين في الشهر الأول ولما انتصفت في الرابع ارتحت
وحسيت اني خلاص تعديت مرحلة الخطر لكن فجأه وبدون اي مقدمات
الساعه 7 الصبح من ثاني يوم من الشهر الخامس حسيت بألم اسفل بطني
كنت احسبه من البيجاما وغيرت ملابسي ومافي فايده حسيته مثل الطلق
اتصلت على الدكتور في عيادته قالي هذي تقلصات روحي للمستشفى يعطونك مغذي ومسكن
رحت وسووا لي اشعه انصدمت يوم قالت لي الدكتوره ان عنق الرحم منفتح ثلاثه سانتي
وثلاثة ارباع كيس الجنين نازل للمهبل ومابقى الا الربع مع شوية مويه للجنين
وأكدوا لي انها بنت شفتها تتحرك ياعمري قالوا بيعطوني نثبتات اكثر من اللي اخذتها وارفع رجولي الى بكرا الصبح ان شاء الله على امل انه يرجع للرحم وتربط لي العنق
ولما جاء الفجر حسيت شي ينزل معي وصار دم وكشفت الدكتوره لقت الرحم منفتح تسعه سانتي ودخلوني غرفة الولاده عشان اكون تحت الملاحظه قاسوا نبض الجنين طلع كويس
وع الساعه تسعه سوت لي اشعه لقت الكيس بمويته كله في المهبل والجنين ماعنده مويه وماتتحرك حبيبتي قالت لازم تنزل مافي امل تعيش انا رفضت انزلها وهي حيه قلت يمكن ربي يكتب لها حياة ومابي اكون انا السبب في موتها وظليت رافعه جسمي وقالت لزوجي انتم تعذبون البيبي وخطر ع الام لان الرحم مفتوح من زمان لازم طلق صناعي قلت هو مفتوح ليش الطلق ومعي طلق طبييعي قالت نبي الررحم يتقلص عشان تطلع والقرار لكم
وانا ما في يدي قرار هذا امر محسوم طلبت من زوجي هو اللي يقول لهم يعطوني الطلق ما اقدر اطلبه منهم لان هذا قرار مصير بنتي وعطوني مرتين وع الظهر جت دكتوره باكستانيه تكشف ودخلت يدها ثلاث مرات المره الثالثه انفتحت المويه وانا كنت طالبه منهم مايفتحونه ابيه ينفتح من نفسها قالت هو منفتح وصار ينزل دم ومويه وقاسوا نبضها لقوه سريع يعني القلب جالس يجهد نفسه واخر مره قاسوه لقوه ضعيييف ويمكن ماقدرت تلقاه مره ثانيه
انا كنت ابي اسوي اللي اقدر عليه مابي اطلعها من بطني عشان ماتضرني وهي تموت
وع اذان المغرب جت مره ثانيه قالت بتكشف ومادريت الا ويدها وصلت نص بطني وصررررررررررررخت من الألم
وطلعت البنت بيدها وحيت فيها ودخلت مره ثانيه وطلعت المشيمه وانا ميته من الالم وصرخت ع وقت المغرب بسم الله وشفت بنوتي صغييييييييره كبر اليد وتشبه لي
يالله يارب صبرني على فراقها وعوضني خير وغسلناها وقبرناها وسمينها
اللهم اجعلها شفيعه لنا يارب العالمين
انا بكريه وسبق اني سقطت في سادس اسبوع بس كان قطعه صغيره
وانا الحين في نفاس بدون بنيتي
اللهم لا اعتراض على قضائك ياكريم يارحيم

آسفه لاني طولت عليكم
تحياتي

[فوضت امري لله]

ياقلبي الله يعوض عليك

الحمدلله على كل حال

الله يجعلها شافعه لك

الحمدلله

الحمدلله

[ahlam-f]

الله يجعله شفيعه لكم يارب.....

[Nourelhouda]

حمد لله على سلامتك اختي و البقية في حياتكم ان شاء الله راح تلاقونها في الجنة تستناكم و الله يلهمك الصبر و السلوان و ان شاء الله راح يعوضك بتوأم سليمين معافين باذن الله.... سلامتك اختي

[wa3d_el3eoon]

البقاء لله اختى الله يبرك ويصبر زوجك ويعوضك خير وربنا يقويكى على ما ابتلاكى

[ويبقى الامل بالله]

الحمدلله على سلامتك ياقلبي والله يعوضك يارب
وان شاءالله تكووون شفيعه لك ياالغاليه
الله يصبرك ويصبر زوجك ويعوضكم خير

[تبسم عشاني]

الحمد لله ع سلامتك وشفيعه ان شاء الله وربي يعوضك
حتى انا اجهضت اول بيبي ف نهاية الثالث الحمد لله ع كل حال

[عديل الروح3]

طير من طيور الجنه

والحمدالله ع سلامتك

[عبير 2012]

آلحمد لله ع سلآمتك حبوبة ربي يكتب آجر تعبك وصبرك
شفيعة آن شآء آلله..

[ام وليدان]

لا حول ولا قوة الا بالله

تلقونها شفيعه لكم ان شاء الله بالجنه

الله يصبر قلبج