رحلتي مع الابر التفجيرية10000/5000 وتحليل حمل هرموني

[شمس❤]

قلت اكتب تجربتي للفايده لان صارلي سنوات طول الوقت ابحث بقوقل وانبسط اذا وحده كتبت تجربتها وانبسط اكثر اذا عرفت النتيجة مو تذكر التجربه وتختفي ( اذا اختفت صاحبة الموضوع اعرفوا انها حامل بس ماتبي تخبر) اغلب اللي خبرونا بالنتيجة كانو غير حوامل لكن اللي تطلع حامل تسحب على الموضوع وتتركنا معلقين بالاعراض وغيره

المهم بقولكم بالتفصيل ، اخذت كلوميد وبعدها اخذت الابرة التفجيرية قوتها 10000 وكلنا نعرف ان اللي قوتها 10000 التحليل يكون بعد 14 يوم ، واللي قوتها 5000 التحليل بعد 10-12 يوم

راح احكي بالبداية عن اول استخدام لي كانت قوتها 5000
حللت بعد الابرة باليوم التاسع تحليل رقمي وطلع 8,98
ثم حللت باليوم ال11 وطلع 1,40 وفعلاً نزلت الدوره ( بالنسبه للاعراض اللي جتني وقتها ماتذكر لانها قديمه شوي بس لقيت اني كاتبه بالملاحظات ارقام التحليل الهرموني للحمل وقلت اذكرها لكم )

الشهر هذا استخدمت كلوميد وابرك تفجيرية قوتها 10000
الاعراض اللي حسيت فيها: الم المبيض ومغص زي مغص الدوره وحرارة بالجسم وحكة بالصدر واستمرت معي هذي الاعراض طول ال 14 يوم وبرضوا استمرت قلت بسس هذا حمل مو معقوله مغص دوره طول هالاسابيع اكيد حمل وحللت باليوم ال 14 تحليل هرموني وطلع 5,50 ، النسبه تقول من 5 وفوق ذا يعتبر حمل حتى المختبر قال لي قلت اجل بصبر يومين واحلل هرموني اذا ارتفع اكيد حمل او راح تكون اعراض الابرة ، وفعلا باليوم ال 17 من الابره حللت هرموني وطلع 1,50 ومن بكرا نزلت الدوره وهي الحين علي ☹ ، علما اني كنت اسوي تحاليل بول من اليوم السابع للابره وكلها سالب بس باليوم ال 14 طلع خط خفيف بس واضح وباليوم 15 اختفى و16 اختفى لين حللت هرموني وطلع مافي حمل ، وكانت من الاعراض افرازات بالبدايه بيضاء مستمره وقبل الدوره بثلاث ايام صارت زي زلال البيض مطاطيه وشفافه وقلت بس حمل😂 حتى كان فيني غثيان وحموضه وصداع طلع كل ذا من الابرة
يعني كل هالاعراض اخرتها مافي حمل

باختصار يعني مفعول الابرة التفجيريه اللي قوتها 5000 تخلص بعد10 ايام
واللي قوتها 10000 تخلص بعد 15 يوم


اتمنى موضوعي شفى غليل الكثير من المتسائلات والماحمسات زيي واللي يبحثون عن اعراض مشابهه لهم ، والله يرزقنا الاولاد الصالحين السليمين

دعواتكم ....

[فراشة الشارجه]

يعطيج العافيه

[شمس❤]

ماحد يرد علي غيرك��

[الأمل الجديد 14]

معلومات جديدة والله يرزقك الذرية الصالحة

[SARA92]

أسال الله العظيم رب العرش العظيم ان يسر خاطرج بالحمل السليم التام المعافى كرري لا حول ولا قوة الا بالله بيقين وبنية ان ربي يرزقج الحمل يارب تبشرينا الشهر الجاي بحملج ..