استفسار بخصوص ابرة اكتمال رئة الجنين

[ام جنى 22]

السلام عليكم ..
انا عندي استفسار بخصوص ابرة رئة الجنين انا كنت متنومه بالمستشفى بسبب اني كنت ارجع كثير حتى وزني نزل ورحت المستشفى ع اساس بس الترجيع والدوخه وكتبو لي تنويم المهم وقت وانا متنومه كانت ممرضتي كل شوي جات ضربتني ابره بالفخذ ع اساس كانت تقول حق الترجيع المهم جات مره ضربتني بيدي هي سالتني وقالت لي حابه بفخذك او بيدك قلت لها ابرة ايش هذي قالت ابرة لرئة الجنين بعطيك وحده واسبوع الجاي وحده جلست 4 ايام بالمستشفى صرت احسن كتبو لي خروج بس اللي مستغربه منه يوم سالت الدكتوة عن الابره قالت لا مافي مكتوب انك مضروبه ابرة حق رئة الجنين
سؤالي هنا طيب ممكن تكون غلطانه الممرضه او الدكتورة وهل يضر الجنين لو عطوني بس 1 وبلغلط
ردو علي والله ذبحني التفكير ..
ع فكرة كنت ارجع ترجيع معاه دم والى الحين هم مو عارفين وش سببه كل دكتورة تقةلي كلام جابو لي دكتور بطانيه قال لو مو حامل اسوي لك منضار بس حامل

[ندى الوردة]

الله يطمن بالك أول مرة اسمع بابرة رئة الجنين يمكن عطاتك مغذي وماانتبهت لحكيها الجنين ببداية الحمل مستحيل يعملوله شيء
انتي كام لك حامل

[ندى الوردة]

بالنسبة للدم انا ببنتي كنت اتقيأ دم مش دايما بس لما ارجع كثيييير ارجع وراه دم وأحيانا شيء زي الكبد دم بني وطعمه آاااااخ مثل الكبد تماما والدكتورة قالتلي بتصير عادي وماعطتني شيء ولما خلصت الوحام خلاص راح كلشي وولدت وكلشي عادي
لاتخافي حتى مرت أخي كانت تتقيأ مثلي تماما دم وجبنا بنوتات انا وهي

[نووونة]

المستشفى نفسه هم المسؤولين عن الابرة اللي اعطوك ياها
اسأليهم و جيبي الممرضة اللي عطتك الابرة
و هم اللي يحددون اذا لها ضرر او لا

و كمان انتي الله يهديك كيف تاخذين ابرة مو عارفة لأيش

ربي يتمم حملك و يثبته وان شاء الله ما فيه اي ضرر عليه ()
طمنينا عليك

[ام الحلى]

اتوقع الدم سببه كثرت الترجيع لان صارت مع قريبتي اما ابرة الرئه لازم تسالي الدكتوره عن الموضوع وانا اتوقع انها لخبطت بالكلام وبدل ماتقول ابرة الترجيع قالت ابرة الرئه

[~ L o l a]

بالنسبة لإبرة الرئة أخذتها احتياط في الشهر السابع و ماقالت الدكتورة شي أبدا يعني ما أتوقع أنها تضر والا كان ماصرفتها لي
أنا خذتها كنت خايفة أولد مبكر مثل الولادة اللي قبلها بس الحمدلله ما ولدت بدري خذت من العاشر أسبوعين والحمدلله قطوتي مافيه إلا العافية عمره سنتين.
الله يتمم لك على خير

[أم حمودي وعبودي]

سلامتك أم جنى ما تشوفي شر

[حياتي توأمي]

حبيبتي ابرة الرئه مايعطونها بالشهور الأولى

يعطوها بالسابع
او آخر السادس لو كان هناك مضاعفات
انتي لم تذكري انك حامل في اي شهر
بس بشكل عااام هي ماتضر الجنين بالعكس مفيده