بسم الله الرحمن الرحيم
قبل كل شي تر والله اني كتبته مرتين وطار وحملت صور وطاروا فاعذروني
المهم العنايه قسمين{ داخليه / وخارجيه }صارت وزارات
المهم الداخليه::
@ تاكلون اكل صحي مطبوخ مثل الجريش المرقوق والكبسه ومن هالموال
@ تشربون مويه كثير يعني مو اقل من 10 اكواب بس مو ثلج فاتر
@ تشربون شاهي اعشاب المكون من هالاعشاب
{كمون/نانخه/كراويه/شمر/حبه السوداء/نعناع/حلبه/يانسون/العصفر/زنجبيل حسب الرغبه/}
طلعوا كم ؟!!
طلعوا عشر اعشاب تراهم روووووووووعه للمغص والامساك وكل شي
بس الحامل بليييييييييييز لا تشربينه ترا لمغص من غير حمل
تاخذون منكهم كميه متساويه من كل صنف وتحطونهم بعلبه ووقت الاستخدام تاخذون
ملعقتين وتحطونهم بالترمس وماء ملغي وسكر واتركم شويات عشان الاعشاب تنزل
فايدتها بالماء وعقب اشربوه بالعافيه
طبعا كم مره تستخدمون انا افضل مرتين باليوم ترا طعمها جونآآآآآآآآآآن ورحتها عطريه
@ نجي لتمر والقهوه طبعآآ القهوه تعرفونها
نجي لتمر تاخذون مقدار صحن بحجم كف الايد او اكبر بشويات
تعجنونه مع
{محلب مطحون/حبه سوداء مطحونه/كمون مطحون/ رشاد مو مطحون }
المقادير حسب رغبتكم يعني انا بكل مره اخذ من كل شي ملعقه ممسوحه مو مليانه
واحطهم بالطاحونه اللي هم {المحلب والكمون والحبه السوداء}
واطحنهم زين ولا صاروا ناعمين اعجنهم مع التمر واضيف الرشاد حب من غير طحن
لا حبيتوا اضيفوا زبده ولا سمن حسب الرغبه
,,,,,,كم مره ناكل تمر؟! حسب الرغبه ومره العصر تكفي بنظري ,,,,,,
اللي عنده قولون ترا بيصير الهضم تمام من هالتمرلان الكمون روعه لقولون
خلصنا باقي فنجان القهوه اللي تبي نصيحه تحط من {المره} كسره قد الحمص
وتصب عليها قهوه وتشربها بتقولون مررررررررره ادري بس تراها شي
باقي العنايه الخارجيه::
@ سروال طويل ضروري بالشتاء قطن وفوقه صوف
@ وبالصيف يكفي القطن{المنطقه تبرد بالدوره ولازم تدفيها عشان ينزل الدم }
@ تدهني بطنك بفكس معروف عاد لتدفئه لو بالليل اهم شي ادهنوه
@ الفوط اللي تستخدم اولويز اتركيها بلاستيك وقرف
ويكفي انهم لقيوا فيها دود وعآآآآآآآآ
استخدمي {{ سندريلا}} او {{فـــام}} عن تجربه رووووووووووعه
الشركات الثانيه ماحطيتهم تحت الاختبار حقي مااقدر افيدكم فيهن
@ اللي تجيها تسلخات وحتي اللي ماتجيها
تجنب لتسلخات استخدمي هالكريمين {{ فيوسيدين }} و {{ إليكا }}
ادهني منهم المنطقه بالليل روووووعه لا تسلخات ولا غيره
هالكريمين لهم اخوان لا تغلطون فيهم بعدين تدعون علي
فيوسيدين ،،،، {ابو خط احمر واصفر} هذا المقصود
وإليكا,,,,,, اصفر من غير خط ازرق {يعني اصفر ساده }
الكريمات مو لازم كلهم اي واحد بس كلهم زينين امدحهم وبقوه
طبعًًَـا اللي بتقول وشلون شكل الأعشاب
}}}}}أقول لها ابحثي عنهم بالصور انا حملتهم كم مره وطار الموضوع
والكريمين كذلك
أي استفسار عن اي عشبه بليييييييييييييز فكوني
اللي نفعني كتبته هنا بالتفصيل الملل
واللي مدح علي الفاضي ماكتبته لانه خساره تشتريه ولا تستفيدي منه
(( المهـــم لا تـنسـون تقـيمـونـي تــرا مـو لازم بـس لــوبــدكـم طبعَََـاً ))
اللي عجزانه ترد ارفعي الموضوع بس
ََ أخيراًََ
أخلصي بس أدعــــوا لي ولأهــلــي وبث