محتاره بجنس البيبي

[sweet-lost]

مرحبااااا

انا عندي بنتين والحين حامل بالاسبوع 17 سبحان الله هالحمل غير يوم حملت فبناتي

فتفائله يكون ولد الشهر اللي طاف سويت سونار راوتني الدكتوره عضوه الذكر بس قالت يمكن من اكيد راح ننتظر اليوم سويت سونار قالت بنت فهل يبين الحين ولد والله بنت اللهم لا اعتراض بحكمه بنت والله ولد نعمه من الله بس طبع بني ادام دوم طماع فهل احتمال يكون غلط حد قال له بنت ع جدام طلع ولد او العكس

[حياتي توأمي]

حيبتي الله يرزقك يارب الذكر الصالح
معذوره حبيبتي واي وحده مكانك أكيد بتتمنى الولد وربي يرزقك يارب باللي تتمنيه
أنا مثلك تقريباً في الاسبوع 18 وللحين مو عارفه ولا متأكده ولد ولا بنت
بالأسبوع 13 قالولي احتمال ولد
ومن دخلت بالرابع قالولي مرتين بنت بس أنا مش متأكده من كلامهم لأنهم يقولولي رجليه مسكره وفوق بعضهم طيب كيف عرفوا انها بنت بما انه البيبي طول الشهر الرابع ولحد الآن قافل رجوله ومدوخني معاه ههههههه
ومن يومين عملت السونار كنت مثلك بالاسبوع 17 ولازال البيبي قافل رجوله الله يسامحه
وللحين أنا في حيره
والحمد لله بنت ولد أنا فرحانه بكل حال لأن عندي الولد وعندي بنت الله يحفظهم. اهم شيء ربي يثبت حملنا ونقوم بالسلامه


حبيبتي راح أنقل موضوعك لقسمه المناسب لمرحله الحمل من الشهر الرابع للسادس راح تلاقي هناك ردود تفيدك اكثر ان شاء الله

[sweet-lost]

مشكووووووووووووووووره الغاااااااااااااااااليه كلامج شجعني بس المشكله الدكتوره كانت واثقه واهي اتقول بنت انشالله الشهر الجاي بسوي سونار الملون وانشالله يعطينا اللي في بالنا

[روح الماآماآ]

وانا مثلك قالولي ولد وقالولي بنت والله يفرجها

[balqees.hassan]

الله يررزقك يارب الولد الصالح ...بس حبيت اقولك بنت خالتي قالو لها بنووته
وخلاص كل مره تروح ل الدكتوره تقول لها بنووته لين وصلت ل التاسع وقالو ان بنوووته
وبالاخير وقت الي ولدت جابت ولد ..وتفاجئت كثير ..يمكن تكوني مثلها هههه

الحمدلله رب العالمين الله يسهل عليك وعلينا يارب
بس بسأل شنو السوناار الملون ..يعنى ف اي شهر هذا ...ولازم كل وحده يعنى يسون لها ولا ع حسب المستشفى ؟
تحمست

[أم شّهد]

ولد ولا بنت الله يسهل عليكي وعلينا وعلى الجميع

[ahlam-f]

ان شااء الله يرزقك باللي تتمني ..

[ريوم^^]

الله يرزقك بالي تتمنينه يارب ♥

[البريد الملكي]

حبيبتي كل شي جايز ممكن بالفعل بنت لان بالبداية الاعضاء تتشابه كثير وكثير يغلطون بالبنت و يقولون انها ولد لكن سبحان الله على نهاية الاسبوع ال١٦ وبداية ال١٧ تبدأ الأعضاء تاخذ الشكل النهائي والمميز اللي يفرق بين البنت والولد راجعي كمان موضوع للأخت حياتي توأمي على ما اعتقدعن هذا الموضوع
نصيحة صبري إلى الاسبوع ٢٠ فمافوق لان هذا افضل وادق وقت لتحديد جنس الجنين ونسبة الغلط تكون ضئيلة جدا و جربي التصوير الثلاثي الابعاد راح يعطيك نتيجة افضل بعد و كذلك اذا راح تروحين المرة الجاية لطبيب مختلف حاولي ما تخبرينه بأيش قالوا لك من قبل و ايش رغبتك لان في اطباء مو شاطرين كثير ويعتمدون على الكلام اللي انقال لك من قبل او على رغبتك مو الكل عنده ذمة
وبي يسهل عليك ويتمم لك ويعطيك اللي ببالك
تحياتي لك

[sukar]

مثل ماقالت البريد الملكي
روحي طبيب ثاني بس لاتقولين له إيش قالت لك

عشان لا يعتمد ع كلامها

وبالنسبه ولد او بنت
اكيد.ياقلبي يحق لك.تتمني احنا طماعين

وبعد بنتين مافيها شي لو قلتي ودك الثالث ولد
عندك.بنتين خير وبركة و الحين نفسك في ولد .. وعسى ربي يرزقك الولد التام المعافى