تروحي وترجعي بالسلامة انشالله...
انا من الاردن وانشالله رح تنبسطس فيها كتير... لانها بتضم شي من كل شي...
عمان:
اذا بتحبي الحياة المودرن فالمولات مليانة من مكه مول و سيتي مول ومنطقة الصويفية... الكوفي شوبات في شارع المدينة المنورة و في الرابية.. طبعا السينمات اذا من هواة الافلام .. و السهرات بالفنادق اشي كتير حلو...
اذا بدك اشيا للاطفال فهناك المناطق المخصصة متل ماك ماجيك و القرية المائية و في نوادي كتير بتقدري تشركيهم فيها بياخدوهم رحلات يومية...
اذا بدك تشوفي الحياة الشعبية في منطقة اللويبدة و وسط البلد بنباع كل اشي هناك بجنن...
واذا حابة تراث في مدينة البتراء و وادي رم مناطق مشهورة جدا..
اذا بتحبي البحر في منطقة البحر الميت فيها فنادق و خدمات و دلع رح تنبسطي كتير
وطبعا مدينة العقبة غنية عن التعريف...
اذا بتحبي الرحلات الخارجية و المشاوي و هاي القصص اهم مناطق جرش و عجلون فيها القصور القديمة جدا و المدن الاثرية و الغابات والاحراش يعني جو رهيب....
طبعا حاولي من المطار تاخدي كل المعلومات المهمة... مثلا ارقام الفنادق و الشقق المفروشة المرتبة... ارقام المستشفيات (لا قدر الله) , ارقام شركات التوصيل المتخصصة بتسهل عليكي مشاوير كتير..
انشالله اكون ساعدت و اذا بدك اي شي تاني انا بالخدمة...