أنا وزوجي على وشك طلاق.

[سلمى*]

السلام عليكم
يغطيكم العافيه أنا أبي أخذ رأيكم في مشكلتي صارت بيني وبين زوجي مشكله جدا تافهه في نص رمضان وآنا كبرتها بصراحه لأني ماعد تحملت تصرفاته وآنا من النوع إلي تسكت وماتحب المشاكل وعارفه أن هذا غلطي بس أنا عندي ضغط ومافيني للمشاكل معه دخلت أهلي ف الموضوع وآنا من النوع الدلوعه عند أهلي ومايرضون فيني الغلط لو كان تافه. وبعد عشرة أيام كلمني زوجي وقال لمي أغراضك بجي أخذك انتي والولد قلت لأمي قالت خليه ع كيفه يزعلك ووقت مايرضى يجئ يأخذك وقلت له مابمشي معك الين تتفاهم مع أبوي قالت أنا مأخطئت ؤلا ضربت يوم تكبرين الموضوع وقال إذا ما مشيتي معي الحين أنسي أني أرجع لك وكل واحد يعيش الحياه إلي تعجبه وقلت له روح الله يستر عليك وراح وآنا يا أخواتي مو حزينه ؤلا زعلانه عليه بالعكس مرتاحه عند أهلي ومبسوطه بس أخاف من حاجه وحده) الذنب ) لأنه قالي ماني راضي عنك وانتي تعتبرين ناشز وقال كلام مأودي أتذكره وش تنصحوني به الحين.
أعدروني طولت عليكم. بس أبي رأيكم

[سلمى*]

مع العلم يا أخواتي أنا حامل وفي الشهر الثامن على وشك ولاده
ومادري هل هي ضغوطات حمل أم أنا حساسة جدا في الفترة الأخيره

ولنا أربع سنوات متزوجين. وماهي أول مشكله تصير لي وازعل منه فترة طويله. واجلس عند أهلي انتظر ردكم

[om yosof]

طيب انت كبرتيها واعترفتي الحين انك غلطتي صح..؟؟ ارجعي لزوجك وترا وضعك احسن من كثير وبلا دلع وحركات بنات..وبنصحك نصيحة ترا حرام تطول فترة الزعل .؟؟ ليش يعني مالها اي داعي لو تحبينه فعلا ارجعي له واتفاهموا لانك ما بتستفيدي اي شيء غير انك بتخلينه في الاخر بيكرهك والرجال لو كره ما يعرف يرجع يحب ولا تعاقبينه من وجهة نظرك انتي لان زوجك رجال مو حرمه وتحياتي

[-قطر الندى-]

الله يصلح بينكم

[-قطر الندى-]

الله يصلح بينكم

[تاج الوقار88]

بصراحة انت غلطانة و لازم تتخلي عن الدلع و كمان اهلك ماكان المفروض يشجعوك اذا كنتي تحبي زوجك و مافيه عيوب كبيرة تخخليك تطلقين ارجعي و صالحي زوجك لانك انت الغلطانة و مافي بيت مافيه مشاكل المشاكل في كل بيت بس الظاهر انت من النوع الدلوع و تكبري المشكلة .....لا تزعلي من صراحتي و الله يهدي سركم يا رب

[حياتي قمراتي]

حبيبتي انصحك ترجعي لزوجك و ابو اولادك
و كمان الطلاق مانو لعبة لهيك فكري منيح و الاحسن ترجعيلو

[نـرسيآن]

الله يصلح مابينكم ويهدي سركم

[الأمورة سوس]

سؤال أنتي مستهين أن تكون مطلقه و عندك بيبي
عشان دلاعتك
سمحي لي لكن أهلك مو دايمن لك و مراح يتحملونك انت والي في بطنك بعدين
و اذا كنت عارفة ان الغلط منك عرفي بالاخر مراح يندم أحد غيرك
و المشكلة موجوده بين الزوجين ع طول لكن مااخليها توصل لطلاق و أنا أضحك و متكبره
الحياة أخذ و عطى
واتمنى تصلحي حالك قبل لا تهدمي حياتك

[سلمى*]

شكرا لكل من رد وتفاعل معي
أنا قلت لكم من النوع إلي تسكت وماحب النقاش لأن عندي ضغط ومافيني للمشاكل وهو من النوع إلي عنده استعداد يناقش ويتكلم لمدة يوم كامل. وآنا عكس مو. مثله. وآنا صرت حساسه
لكن دعواتكم. ويعطيكم العافيه