زوجي والحبوب .؟

[أمـ غرام]

اخباركم بنااات ,,
بدخل بموضوع
انا الحمد لله اليوم طلعت من النفااس
المهم كلمت زوجي غن حبوب منع الحمل
رفض بالمر وانا مصره عليها
اقوله تو بنتنا غيره يقول عااتي
نبي نجيب بعد انا ما قلت له ما ابي بس
لازم الوااحد ينظم حيياته مو همجية
يقول يوم انك ماتبين عيال ليه تتزوجين
يفسر الكلام على كييفة

علموني وش ااسوي سااعدوني ..؟
وياليت الي ماعندها رد تدعليلي ان الله يفرج كربتي

[سموة الشوق]

الله يكون بعونك

أقنعيه بالكلام
من ناحية إن ودك ترتاحي كم شهر لأنك توك والدة

وإذا مارضى صعب عليك تاخذين شئ بدون رضاه

وكلي أمرك لله حبيبتي

وبالرضاعة الطبيعية ممكن تنظمين نفسك يالغالية

أعرف حريم أزواجهم مثل زوجك

بس ماشاء الله عليهن يرضعون عيالهم رضاعة طبيعية منظمة

تصدقين ماحملوا إلا بعد مافطموا عيالهم لمدة سنتين

الله يكتب لك الخير حبيبتي

[أمـ غرام]

آآآآمين يارب
فديتك تسلمين على الطله

بس انا ما ارضع طبيعي

وش الحل ..؟؟
ابي شيء يقنعه ..

[عاشقة الصحراء]

حبيبتي ماعندك حل إذا هو مو راضي تاخدي الحبوب ... عليكي بتنظيم مواعيد الجماع ومع الرضاعة انشالله بتكون أمورك تمام .. يعني أيام الإباضة حاولي تخليه يخلص برا وتعذري بأي شي لو ماودك تقوليله انك تحاولي تمنعي الحمل
وربي الموفق

[سوبر مام]

الله يعينك ان شاء الله وييسر اموورك

[دف القمر]

هادي المشكله عانيت منها
زوجي مو راضي لا حبوب ولا لولب
يقول يخاف عليا من الحبوب
قتلو الولب مو راضي اصلا مايبغا يوديني المستشفى
مع الدراسه انشغلت وطنشت بمزجي مع اني كنت منظمه معاة
المهم حبيبتي لا فاد لاتنظيم ولا يحزنزن وحملت على طوووووول
والله جسمي مكسر مااقدر اقوم من الجلوس او النوووم من الالام
عظامي تعورني وحوضي
انا من دحين صرت اتناقش معاة في مو ضوع الموانع وبس يقولي خايف عليك
قتلو تخاف عليا من حبوب وماتخاف عليا اني احمل وواولد
لمن اقتنع كل يوم اقولو نفس الموضوع لمن طفش
انتي حاولي تقنعينو والله تعب انتبهي

[مثايل]

الله يهديكم ويصلحكم يارب

""ربي لاتذرني فردا انت خير الوارثين""

[TOomy]

حاولي انك تقنعيه
انج بتجلسين كم شهر عشان ترتاحي
لانه الحمل والنفاس مو سهل
ويارب الله يهديه

[حنونه]

حتى انا زوجي مثل زوجك رافض من الحين ان الله احيان حياه طيبه اني اكل حبوب
حررام مايشوفون نتعب بحملنا
الله يكون بعونا يارب

[هنادي تنادي]

كثر الطق يرخي

كل يوم رددي عليه ويمل ويوافق بحول الله

الله يعينك

المهم التربية الجيدة وليس التفريخ............