أهل زوجي

[مهآآتك]

السلام عليكم
بنات انا مشكلتي مع أهل زوجي
هم كويسين معي بس فيهم شي مو زين
يعني من طبعهم انهم يدخلون بيتي عادي (انا بيتي عندهم فوق)
يدخلوني بيتي ولايستأذنون يعني تدخل اخته وعلى طول سيدها للمطبخ
بس اللي قهرني مره كنت نايمه ولقيت اخته داخله غرفت الملابس تكوي ثوب ابوها تخيلو انا نايمه مادريت الا يوم خلصت وطلعت ولا قالت شي
انقهههرت زوجي يقول عادي خليهم
هم عادي عندهم ذا ألطبع مع مرت اخوهم وتقول لي ام زوجي اذا بغيتي شي انزلي خوذيه
بس انا مرأ ماتعودت على ككذا

بليز عطوني حل سوي مقهووووووره حيل

[مهآآتك]

6مشاهدات ولا احد رد

طيب محتاجه ابي احد يشور علي

لاتطنشوووووووون

[PinkCherry]

اختي آنه حالي من حالج انتي مو مجبوره تخلينهم يسوون اللي يبون آنه اقفل باب شقتي وحتى لو جو وضربو الباب وآنه مشغوله او مالي خلق ما افتح لهم مو مجبوره من البدايه المفروض تحطين حدود معاهم واهل زوجي تخيلي اقفل الباب وما انزل اخذ شي منهم لكن لما يجون كل شي يفتحونه قمت اذا جو اقفل غرفة نومي واذا احد بزورني وجو اجهز كل شي بنفسي وما اخلي احد يفتح اي شي في مطبخي وبهالطريقه تخلصت منهم لازم تصيرين قويه وليش ماتتكلمين ؟ ليش ماتقولين لزوجج ان انتي مرأه متزوجه ولج خصوصياتج؟ تحججي باي شي قولي له آنه احبهم لكن مايصير جذي يعني يمكن اكون مخطه لشي رومنسي؟وابي البس لك على راحتي؟عادي عندك يشوفون كل شي؟وحتى لو ما اقتنع حبيبتي اهو مو طول اليوم معاج ماعليج منه قفلي بابج ولاتهتمين ولين سالوج ليش تقفلين قولي لهم آنه مراه متزوجه ولي خصوصياتي وماعليج من احد .

[ام ملك ونور]

يا عيني عليكي حالج من حاااااااااااالي انا نفس الشي...اللة يعني ويعينك وانا ماتغسل ولا تستخدم الحمام الابحمامي حتة لو مشغول بضل ادق علباب وبعد وبعد شغلات خليني ساكتة احسن وذا رحت حكيت الزوجي بيضل ساكت...موماخذة راحتي بنووووووووب اللة يفرجهة علية وعليكي وعلئ كل وحدة عدعيااااااااااااااااال

[مهآآتك]

الله يعطيكم العافيه حبيباتي ماقصرتوا
الله يعين عليهم

[آحسآس آنثى]

الله يكون في عونك ياقلبي بس قفلي الباب و ريحي نفسك

[جميله وشيك]

زي ماقالولك الاخوات وانتي ليه حاطه المفتاح في الباب من برا؟؟؟؟ شيلي المفتاح ف هايضطروا يخبطوا اي وقت يجولك وتحججي انك مثلا واخده راحتك باللبس او كده فمايصير المفتاح يبقي بالباب وانتي بها الوضع ولو في ترباس جوا الباب تربسي الباب وربنا يسعدك ويهديهملك يارب

[وردة سورية]

حبيبتي بدك تتحملي هالشي
انتي اذا شفتيهم داخلين ما تعطيهم وجه
بعدين انتي قفلي دارك على حالك متل ما قالوا البنات
وبعدين
المهم انتي علاقتك بزوجك فوق كل شي
وانتي لاتجيبي له طاري عن اهله مادام هو يحب اهله ويحب انهم يدخلوا دارك
لانو راح يمل منك وراح يفكر انك بتكرهيهم
لاتجيبن اي طاري عرفي انه هذوله اهلهه ومستحيل راح يتقبل منك اي طاري عليهم حتى لو كانوا هم على غلط وعارف هالشي بقرارة نفسه بس مايحب يبين لك هالشي .. الرجال راح يوقف مع اهله .
. الله يعينك عليهم ويصبر حالتك
يمكن متل ما قلتي انهم متعودين على هالحالة وما بفكروا انك بتزعلين وبدك تتحملي كرمال زوجك
وانتي بس تشوفي حد دخل عليك منهم قولي في نفسك ( خيرك بين عينيك وشرك تحت قدميك والله يعينني عليك ))

والله على كل ظا لم اذا كانوا مستقصدين هالشي والله معاكي عيوني

[مهآآتك]

الله يعطيكم العافيه كل اللي ردو علي
الله يسعدكم

[ميآر [ مهند حيآتي ]]

الله يكون بعونك حبيبتي

ما قصرو الصبايا ...

وطمنينا عنك دايما ^^