تجهيز بنوتي نور

[F.A.A]

الـ س ـلام عليكم \\ شـ ح ـالكم كروشات
عـ س ـاكم بصحه و سلامه ,.

ح ـبيت اشاركم تجهيزي حق بنتي بـما إني في اخر الثـامن
قلـت هذا انسب وقت ,. والله يسهل علي ولادتها ان شاء الله

1- خذت تقريبآ 5 مادري 10 ( مرايل + قحافي + اندروير ) ,.
2- مهادات ملونه ,.
3- ثياب العافية حق المستشفى ,.

1- بجامات + ثنين طقم كامل من مذركير + بيبي شوب ,.
2- 4 درازن سليب سويت من مذركير + بيبي شوب ,.

1- فساتين ( بربي + قرلي لافيه فرنسا ) بدلة بولو ,.
2- بجامتين من يداتها الله يطول بعمرهم ,.

1-2-3- مهادات طلبتهم من تاجرة ,.
4- ابجورة تشحنينها بالكهرباء وفليل تخلينها عند راسج ,.
5- مقياس درجة حرارة البيبي ,.
6- منضم كبت البيبي طلبته من موقع امريكي ,.

1- صورة شامله حق اغراضها الشخصية ,.
2- خذت لها 4 حلمات مقاس سمول الي يكون لونهم اصفر لانهم الين من الشفاف
وثـلاث مميات وحده صغيره و ثنتين حجم وسط
لأني ناويه ارضعها طبيعي اذا الله راد فـ مابي اشربها من المميه الا وقت الضرورة او اذا بخليها عند امي ,.
3- شنطة الأدواة ( مقراض + مشط + بروش + مقص + فرشات اسنان ) من بيبي شوب
قطن لتنضيف الأذن العلبة الشفافه من هوم سنتر
حبيت استعمل لها سيباميد (شامبو + زيت مساج + كريم الحفاض ) ,.

1- ( وسادة الرضاعة + نشافة المميات + صابون غسيل الملابس + مناديل بيجون + غطاء الصدر ) من بيبي شوب
2- ( اكياس للحفاضات حق الشنطة + كمبـل تبديل ) من بيبي شوب
( شنطة صغيرها حق اغراض التبديل ) من ومين سيكرت
3- برواز صور البيبي من عمر شهر لين 12 شهر من تهاني الخليج

1- طقم سبوح كامل ( طشط كبير + طشط صغير + سفنجة + مقياس جرارة الماي )
و سفنجة تثبيت البيبي من مذركير ,.
2- ( درزن فوط صغار ) من بيبي شوب
( فوطة كبيرة للسبوح + فوطة متوسطه ) من مذركير
كمبـل بلاستك كبير عشان ماخيس المكان اثناء السبوح ,.

للأسف ماقدرة اصور لكم بعض الاغراض لان طرشتهم بيت أهلي
وفي منهم طالبتهم بالنت وللحين ماوصلو < ان شاء الله الصور تفي بالغرض ,.

1- (معقم مميات البيبي + غسول للمعقم ) خذته من كارفور ,.
2- صندوق قماش لتنضيم الشنطة طلبته من النت ,.
3- بوكس اغراض البيبي من محل في الكويت ,.
4- جهاز تدفئة المناديل يصير تشحنينه حق الطلعه من الكويت
5- فوطة سباحه تنلف حول الام عشان الماي مايخيس ثيابي من مذركير ,.
6- غطاء الرضاعه خذته من النت وفي منه في بيبي شوب و مذركير ,.

1- غسالة ملابس البيبي من كارفور ,.
2- شنطة البيبي طلبتها من موقع بيبي ديور ,.
3- شنطة المستشفى + اكياس قماش حق ملابس البيبي في المستشفى تحطين
داخل كل كيس الطقم الي بيلبسه البيبي ارتب واسهل لج ,.
4- سرير الشنطة ( مريح بشكل ماتتصورون ) طلبتة من تاجرة ,.
5- لفة البطن عشان الغازات > امي يايبته لها مادري من وين ,.
6- زبالة الحفاضات تمنع الرائحة خذتها من مذركير ,.

1- خذت اندروير + مصاصه + مريلة + بجامة من باباز اند ماماز ,.
2- مميه اتحطين الحليب في القاع و اذا بغيتي تشربين البيبي تضغطين عليها
تصب لج اياه تاخل المميه من النت ,.
3- طبعة ريل او يد البيبي حلو لذكره من باباز اند ماماز ,.
4- فرشات الاصبع لتنضيف الاسنان و الثه من بيبي شوب ,.
5\6- مريلة تنحط على الجتف عشان البيبي اذا رجع مايخيسج وبعد مايصير
البيبي حليو وبداء ياكل تلفينها عليه من النت ,.

مفرش المستشفى لونه بيبي بنك ( ثنين تلبيسة مخدة + مخدة صغيره + مخدة الحلوى)
من محل في الرويال بلازة قطر ,.



ثيابها حق المستشفى من VERSACE

باقي لي كم غرض بعد + الصيدلية + الجمعية
وطبعا اغراضي لحد الحين ماخلصت اي شي منهم ,.

انا بجر فـ اذا في شي ناقص اتمنى تفيدوني بخبرتكم ,.

دعواتكم لي بتسهيل الولادة ,.
والله يرزقكم بالذرية الصالحه يارب ,.

[مي &]

ربي ايسهل ولادتك يار ويقومك بسلامه ويجيك النونو بخير وسلامه

يارب

اغرضك تجنن يهريهم بلهنا يارب

[وميض النجوم]

التجهيزات روووووعه تتهنى فيها نور .. وعلى فكره اسم نور جدا جميل وعلى اسم بنتي ..

كثيير عجبتني التجهيزات

[F.A.A]

مي &

تسلمين حبيبتي هذا من ذوقج
ولاهنتي ع المرور

[F.A.A]

وميض النجوم

منوره غلاتي وهذا من ذوقج الراقي ياقلبي
و تتربى في عزج انتي و ابوها ان شاءالله
وتجوفينها عروس يارب

[ريما جرادات]

ماشاء الله حلوين
الله يتمملك ع خير ويسهل ولادتك

[Rihem]

ماشاء الله
الاغراض كتير حلوين
كتيير عاجبني
الله يجيب نور الحلوة بالف صحة وسلامة ويسهلك ولادتك

[سالي العابد]

رووووووووعه الله يتمم لك ويسهلك ولادتك انت وجميع الحوامل ,و تتهنى الملكه نور بالملابسها

[شبيهة الملاك]

ماشاءالله كلك ذوق
والله يتمم عليك حملك يااارب

[قــــــــــمر]

مآشاءالله تتهنى فيه انشاءالله
وتشوفينها قدام عيونك انشاءالله