اللي ولدت وجربت الولاده بمستشفى الولاده بالمدينه تتفضل ^_^

[سلفانا]

مرحبا.....

انا حولت على مستشفى الولاده ان شاء الله راح اولد فيه
بعد ماكنت اتابع بالمواساه نصحوني بالولاده بالحكومي واتوكلت على الله وحولت هناك
وعندي موعد يوم السبت عند مستشفى الولاده ..
ابغى اسأل اللي ولدت عندهم قريب
كيف الولاده عندهم ؟
واللي طبيعي قد ايش تجلس عندهم متى يخرجونها ؟
وزوجك يدخلونه معاكي وقت الولاده ولا لا ؟
والبي بي يخلونه عندي ولا ياخذونه ويجيبونه بين فتره وفتره ؟
وهل فيه غرف خاصه ولا. لا ؟
ويقدمو شي للبي بي ولا لازم انا اجيب حفاضاته وصابونه ؟
لاني مافيني اكثر اغراض يكفي اجيب ملابسه ومهاداته ؟

اسفه على الاطاله وكثرة الاسئله بس هذا اول حمل ليه ومني عارفه اي شي *_*

والله يسهل علي وعلى كل حامل يارب ..

بإنتظار ردودكم تنور صفحتي ^_^

[om boby]

هلا حبيبتي ..

طبعا أنا مو من المدينه .. لكن عموما مستشفيات الحكومة ممنوع دخول الزوج ..
والمولود يخلونه عندك والله يعينك انتي تغيرين له ..
بالنسبة للحفايظ يوفرونها لك ويوفرون الفوط الصحية لك ..
لكن الافضل لك تاخذين احتياطك فوط لأنك وحظك مع الممرضات .. بعضهم يهتمون يجيبون وبعضهم لا ..
مكوثك بالمستشفى يوم واحد ..
بالنسبة للغرف الخاصة مايوجد لكن ممكن تحصلين عليها ان كان عندك واسطه ..
..

وربي يقومك وبيبيك بالسلامة ..

[ام مشعولي]

السلام عليكم اناولدت بنتي البكر في مستشفى الهيئه الملكيه في ينبع وكان عندهم إهتمام كبير فيه وفي بنتي وولدت ولدين في مستشفى الولاده في المدينه لكن شفت فرق كبير بينهم صراحه. قلت ماراح اولد في مستشفى الولاده لكن لأن اهلي في المدينه لازم اكون عند امي وقت الولاده الله يحفظها ليه وانا الأن حامل ومحتاره لأني ماأبغى أولد بالولاده بالمدينه بس أمي لازم تكون معايه إن شاء الله الله يكتب الي فيه الخير ويسهل ولادتنا ويسخر لنا المكان والساعه الي فيها الخير إذا ولدت طبيعي البيبي يخرجونه معاك ويكون عندك وتخرجين بعد اربعه وعشرين ساعه من الولاده هذا الي أعرفه.

[سلفانا]

المشاركة الأصلية كتبت بواسطة om boby

هلا حبيبتي ..

طبعا أنا مو من المدينه .. لكن عموما مستشفيات الحكومة ممنوع دخول الزوج ..
والمولود يخلونه عندك والله يعينك انتي تغيرين له ..
بالنسبة للحفايظ يوفرونها لك ويوفرون الفوط الصحية لك ..
لكن الافضل لك تاخذين احتياطك فوط لأنك وحظك مع الممرضات .. بعضهم يهتمون يجيبون وبعضهم لا ..
مكوثك بالمستشفى يوم واحد ..
بالنسبة للغرف الخاصة مايوجد لكن ممكن تحصلين عليها ان كان عندك واسطه ..
..

وربي يقومك وبيبيك بالسلامة ..

خساره كان نفسي يدخل معاي
الله يسهل
مشكوره على مرورك والله يعطيك العافيه

[سلفانا]

المشاركة الأصلية كتبت بواسطة ام مشعولي

السلام عليكم اناولدت بنتي البكر في مستشفى الهيئه الملكيه في ينبع وكان عندهم إهتمام كبير فيه وفي بنتي وولدت ولدين في مستشفى الولاده في المدينه لكن شفت فرق كبير بينهم صراحه. قلت ماراح اولد في مستشفى الولاده لكن لأن اهلي في المدينه لازم اكون عند امي وقت الولاده الله يحفظها ليه وانا الأن حامل ومحتاره لأني ماأبغى أولد بالولاده بالمدينه بس أمي لازم تكون معايه إن شاء الله الله يكتب الي فيه الخير ويسهل ولادتنا ويسخر لنا المكان والساعه الي فيها الخير إذا ولدت طبيعي البيبي يخرجونه معاك ويكون عندك وتخرجين بعد اربعه وعشرين ساعه من الولاده هذا الي أعرفه.

الله يعين عليهم ويسخرلي ممرضاتهم *_*
والله يكتب لك اللي فيه خير فينبع او المدينه
والله يعطيك العافيه ويقومك بالسلامه يارب
مشكوووره على مرورك