تجمع الجزائريات الغاليات المتأخرات في الحمل ‏

[rayhana05]

المشاركة الأصلية كتبت بواسطة سهام فرنسا

إيه راني نشوف فيك شوفي أحشمي شوية راني نجيك للدار بديتي من ضك ديري في رحك ماشفتينيش

والله غير انتي الاولي الي شتك
ايا شيش تجي
هذيك هيا من تجي توصلي تلقايني ولدت تدي نسيبك معاك و تروحي

[سهام فرنسا]

المشاركة الأصلية كتبت بواسطة rayhana05

والله غير انتي الاولي الي شتك
ايا شيش تجي
هذيك هيا من تجي توصلي تلقايني ولدت تدي نسيبك معاك و تروحي

تمديهلي صح ؟

[bassouma]

ربي يفرح جميع لبنات تاع التجمع
سهام معليش بصح كي تجيبي ولاد ديري إنتي وياهم جميع المناسبات
ريحانة كاش وجع و لا والو وتمني يجيك كلش ساهل و تفرحي و تفرحينا تربي بالعيشة إن شاء الله

[rayhana05]

المشاركة الأصلية كتبت بواسطة سهام فرنسا

تمديهلي صح ؟

صبري روحك
تعبير مجازي برك
نشوفك تجي و الا لا

المشاركة الأصلية كتبت بواسطة bassouma

ربي يفرح جميع لبنات تاع التجمع
سهام معليش بصح كي تجيبي ولاد ديري إنتي وياهم جميع المناسبات
ريحانة كاش وجع و لا والو وتمني يجيك كلش ساهل و تفرحي و تفرحينا تربي بالعيشة إن شاء الله

ربي اخليك بسومة
السطر عندي بصح خفيف ماشي قاو ي
و الله مراني فاهمة فيها والو
ربي اسهل و خلاص و ربي يرزقكم الحمل ان شاء الله في القريب العاجل

[سهام فرنسا]

المشاركة الأصلية كتبت بواسطة bassouma

ربي يفرح جميع لبنات تاع التجمع
سهام معليش بصح كي تجيبي ولاد ديري إنتي وياهم جميع المناسبات
ريحانة كاش وجع و لا والو وتمني يجيك كلش ساهل و تفرحي و تفرحينا تربي بالعيشة إن شاء الله

أمين أجمعين إن شاء الله

[ميمي 17]

كي نغيب ماكانش الي يتفكرني
اخباركم كاش جديد

[صبورة]

[QUOTE=سهام فرنسا;3588566]

المشاركة الأصلية كتبت بواسطة صبورة

أنا عندي 15 شهر زواج و ماكان حتى مشكل راهم غير يقولونا مسألة وقت
و ماحبو يعطونا حتى دوا هنا مش كيما في لبلاد مين تروحي يعطيلك شكارة دوا و الله ماحبت تعطيلي حبة كل مانقلها تقلي تاعاش الدوا لي نعطيلك ؟ أنت مابيك والو تحبي نضرك نولي نخرج و نسكت وضك والله غير نحيت من راسي بصح ماقطعتش لياس الحمد لله على كل حال

سهام
العمر كله ان شاء الله زواج الدهر..شوفي اختي سهام الاطباء انتاع العالم كامل قراوهم و جاتهم تعليمة ان الزوجين اللي عندهم اقل من سنتين و ما جاهمش الحمل ملازمش يعطيوهم الدواء حتى يكملوا عامين..و الاطباء الاجانب يحتارموا هاذ التعليمة بزاف..اما عندنا حدث و لا حرج يهمهم المال و الربح تروحي عروسة عندك شهر يبدا يعطيلك فالدواء ويتخلط عندك كل شيء..وانت راني فاهماتك لانك راكي في غربة بعيدة على الاهل و ماكانش اللي يونسك سي نورمال تبقاي تخمي غير فالحمل...مازلت صغيرة و مازالك عروسة تمتعي بحياتك و اللي كاتبوا ربي هو اللي يكون..الله يرزقك بالحمل عاجلا غير اجل

المشاركة الأصلية كتبت بواسطة basouma26

صبورة الحمد لله اللي رجعتينا و الله توحشناك بزاف غبتي مرة وحدة و امة الرحمان تاني طولتها راني خايفة تكون ماثرة عليها قضية الاجهاض لوكان غير دخلت تفضفضلينا شوي
و اختك الله يشافيها ان شاء الله و ربي يعوضها خير يا رب
انا راني في هاد الغربة نتاع الزمان و الله ما تحسي فيها بحاجة البارح اهدر معانا شيخي قالينا كاش ماراكو دايرين في المولود قلناله علاش راه المولود قالينا الناس هنا راهم دايرين و دايرين تعرفي شحال بكيت و الله كرهت من الغربة و عايشين ماناش في الدنيا خلاص الحمد لله على كل حال يفرج ربي و نولو للبلاد ان شاء الله

بسومة
اهلا بك حبيبتي الله يسلمك و يتوحشك الخير و الهنا..
انت على الاقل راكي في الغربة انا راني هنا في الجزائر و راني في مدينة تابعة لباتنة ماسمعت لا محارق و لا شيء و جيراني ماكانش اللي خرج ...و في نفس الوقت عيطولي دارنا الدنيا مهولة بالمحارق و الشموع و البنات يغنيو في اغنية المديح انتاع التراث على النبي صلى الله عليه و سلم .و زيد المولد جا مع العام يناير على خاطر احنا في الوسط نحتفلوا به و نشريوا الدراز اللي هو خليط من المكسرات اولها الجوز و لازم تكون المكسرات بقشورها مع الكرموس اليابس و انواع كثيرة من الشوكولا و الحلوة..و نفرغوا الدراز فوق راس اصغر طفل فالدار.ونقسموا في اكياس صغار نصيب كل واحد من الدراز باش العام يجي حلو..اما انا طيبت عشا المولد الرشتة و الطمينة و شعلت الشموع..و الدراز مايتباعش هنا عليها ماشريتش..
يا رب العام الجاي تجوزي المولد مع بسمة و خوها و تعلميهم عادات البلاد ان شاء الله

المشاركة الأصلية كتبت بواسطة basouma26

اللهم انك اعطيتني خير احباب في الدنيا دون ان اسألك فلا تحرمني من صحبتهم في الجنة ، اللهم اسعدهم وفرج همهم وحقق لهم مايتمنوا واجعل الجنة مقرا لهم اللهم لاترد دعواتي لهم فإني أحبهم فيك.

اللهم اجعل أول هذا اليوم صلاحا وأوسطه فلاحا ، وآخره نجاحا ، ونسألك خير الدنيا والآخرة يا أرحم الراحمين.

ربي بشرنـــا بما ( يسرنـــا ) .

وكف عنـــا ما ( يضرنـــا ) .

وثبـــت ( يقينـــنا ) .

وارزقنا حـــلالاً ( يكفينـــا ) ..

وأبعد عنـــا كـــل شئ ( يؤذينـــا)


الــلــهــم يــا عــمــاد مــن لا عــمــاد لــه و يــا ذخــر مــن لا ذخــر لــه و يــا ســنــد مــن لا ســنــد لــه
و يــا حــرز الــضــعــفــاء و يــا كــنــز الــفــقــراء و يــا ســمــيــع الــدعــاء و يــا عــظــيــم الــرجــاء
اغــفــر لــنــا و ارحــمــنــا و اعــف عــنّــا يــا أرحــم الــرحــمــيــن.

اللهم فرج كربتهم و حقق لهم ما يتمنون برحمتك يا ارحم الراحمين اللهم كل واحدة باسمها
امومة *ام انس *اميرة* غربة الايام *وصال *نور اليقين *سماسم* لمياء الزينة *اترج *ام بلقاسم *خولة *ميمي
*مريم 13 *مريم بسملة* بسومة*الما * جميلة *سهام *امة الرحمان *نور الهدى *صبورة*ريحانة *عبير *جومانة *باربي*هادية*منيرة*اسماء*
يا رحيم يا رحيم يا رحيم اللهم لا ترد دعائي اللهم آمين يا رب

بسومة
اللهم امييييين يا رب العالمين و لك بالمثل

[QUOTE=rayhana05;3589666]

صبورة حنونة والله توحشتك بزاف بزاف
طلاتك قلال علينا بصح من تدخلي ترجعي حوايج كثيرة للمنتدى بكلامك الزين
ربي اخليك يا الزينة و افرج عليك و يرزقك الحمل في الفريب العاجل ان شاء الله اكونلك حمل ب9اولاد في ضربة وحدة
امين يا رب العالمين
والله غير نوت عليك
اسمعي كشما راكي دايرتيلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟هههههههههههه
ريحانة
امين يا رب العالمين على الدعوة الطيبة
حبيبتي اهلا بك..انت الزين راح يجيبلنا الزين و البها ان شاء الله و نفرحوا معاك..
بصح قصدك شفتيني في المنام خير ان شاء الله..ههه
شوفي حتى انا نحبك و نحسك طيبة..

المشاركة الأصلية كتبت بواسطة صبورة

الحمد لله على شفاء اختك و ربي يرزقكم كامل بالحمل في الريب العاجل
ريحانة
الله يسلمك حنونة
امين يا رب العالمين

[rayhana05]

المشاركة الأصلية كتبت بواسطة rayhana05

صبورة حنونة والله توحشتك بزاف بزاف
طلاتك قلال علينا بصح من تدخلي ترجعي حوايج كثيرة للمنتدى بكلامك الزين
ربي اخليك يا الزينة و افرج عليك و يرزقك الحمل في الفريب العاجل ان شاء الله اكونلك حمل ب9اولاد في ضربة وحدة
امين يا رب العالمين
والله غير نوت عليك
اسمعي كشما راكي دايرتيلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟هههههههههههه
ريحانة
امين يا رب العالمين على الدعوة الطيبة
حبيبتي اهلا بك..انت الزين راح يجيبلنا الزين و البها ان شاء الله و نفرحوا معاك..
بصح قصدك شفتيني في المنام خير ان شاء الله..ههه
شوفي حتى انا نحبك و نحسك طيبة..

ربي اخليك حنونة و نفرح بيك انا تان
صبورة حنونة و الله غير دايما نشوفكم في المنام
منعرفكم بالوجه صح بصح علابالي بكل وحدة فيكم بسكو كي نهدر مع اي وحدة نسميها
و شوفي سبحان الله جامي شت وحدة ماشي مليحة دايما وجوه منيرة
ربي ابارك
حنونة ربي يرزقك في القريب العاجل انتي و كامل لبنات

[barbi alg]

السلام عليكم
جميلة حبيبتي انا اسمي مريم ويعيطولي باربي باش مدوخوش بيني وبين مريم ام يانيس
انا من قالمة
والباقي تعرفيه ههه
صبورة حنونة واش راكي يا لعزيزة توحشناك هادي غيبة
امة راها مطولتها نشالله تكون بخير
بسومة ربي يفرحك اختي وربي يقبل منك الدعوة الزينة
سهام واش حوالك يا الغالية اصبري برك او يفرج ربي
ريحانة ربي يسلك وحلك على خير راكي مع اختي اختي مسكينة قالولها بيبي كتافة عراض بلاك سيزاريان مزال مدارلهاش لوجاع خلاص مي ساعات يسيحلها الماء شوية ربي يسلكم على خير وعافية
مريم يا مريم حكاياتك حكاية دايما تقتليني بالضحك كي تحكي ربي يدومها فرحة

[مريم13]

السلام عليكن يا وجوه الخير توحشتكم كامل
امة طلي علينا

بنات كاش جديد