تجمع الجزائريات الغاليات المتأخرات في الحمل ‏

[basouma26]

المشاركة الأصلية كتبت بواسطة صبورة

السلام عليكم لبنات واش راكم يا رب تكونوا كامل بخير..كامل توحشتكم
مريومة ليك وحشة واش راكي صحيتي ربي يخليلك نيسو تفكرتيني و سقسيتي علي.يا رب تكوني ارتحت من الكوشمار اللي جاز عليك..
امة الرحمان توحشناك يا رب تكوني بخير..و مايكونش الاجهاض الاخير اثر فيك..الله يعوضك بالحمل الثابت..
نور الهدى بصحتك التحويسة وان شاء الله ربي يعطيك على حساب قلبك الابيض..
بسومة 26 توحشناك واش راكي واش راهي البنيتة الله يحفظهالك ..
ريحانة واش راكي مع الحمل الله يعطيك وقفة ساهلة..
عبير واش راكي واش راهي بنتك
جومانة ليك وحشة واش راكي الله يعطيك ما تتمناي.. .. امومة ام انس اميييرة غربة الايام وصاال نور اليقين سماسم لمياء الزينة اترج ام بلقاسم خولة و باقي لبنات الله يرزقكم بالحمل في القريب العاجل...

صبورة الحمد لله اللي رجعتينا و الله توحشناك بزاف غبتي مرة وحدة و امة الرحمان تاني طولتها راني خايفة تكون ماثرة عليها قضية الاجهاض لوكان غير دخلت تفضفضلينا شوي
و اختك الله يشافيها ان شاء الله و ربي يعوضها خير يا رب
انا راني في هاد الغربة نتاع الزمان و الله ما تحسي فيها بحاجة البارح اهدر معانا شيخي قالينا كاش ماراكو دايرين في المولود قلناله علاش راه المولود قالينا الناس هنا راهم دايرين و دايرين تعرفي شحال بكيت و الله كرهت من الغربة و عايشين ماناش في الدنيا خلاص الحمد لله على كل حال يفرج ربي و نولو للبلاد ان شاء الله

[basouma26]

المشاركة الأصلية كتبت بواسطة مريم13

حبيبتي نيسو جاب 2800 كيما انزاد ودرك في عمرو شهر و 6 ايام ولا يوزن 3900 الحمد الله
باباه راه رايح بيهم كل حالتو حالة ههههههههههه ساعات يضحكني وساعات يقلقني في بالو هو يعرف خير مني ساعات انا نرضع وهو يقولي ماش هك و نحيهولي المهم انا ساعات نقول ما عليش خاطر مريضة مي زودها بزاف


راني حكيت لامينة هههههههههههه
جاو وجاو كي الجراد اللي يعدي على الحرث
هههههههههه ربي يغفرني اخطيني منهم راني قررت نحيهم من راسي

مريومة الحمد لله اللي ريحتي غير بشوية و كلشي يولي مليح انا تعرفي مور السيزاريان تحللي من الجناب في زوج قد زوج صباع و تشوفي كي الحفرة دخلي يدك و ماتخافيش كنت كي نشوفها نقول عمري ما نبرى ولات لانفيغمياغ دخلي لاقاز تعمرها لابيتادين و دخلها و كل يوم تعاود تجبدها و دير وحدخرة مدة شهر و الحمد لله كلشي ولا مليح
و بالنسبة ليانيس ماشاء الله عليه راه مليح غير تهلاي فيه من درك باش يطلع مليح نعطيك الاوزان اللي لازم يزيدها البيبي حتى للعام
شوفي خلال 4 اشهر الاولى لازم يزيد كيلو في الشهر
و 4 اشهر الثانية اي من 5 الى 8 اشهر لازم يزيد 750 غ
و 4 اشهر الاخير اي من 8 الى 12 شهر لازم يزيد 500 غ
هاكا باش تعرفي اذا ولدك راه مليح او لا

[ميمي 17]

وراكم غايبين

[سهام فرنسا]

السلام عليكم و صباح الخير عليكم
بسومة عندك الحق هنا ماتحسي بحتى موسم أنا لمزية ماما راهي تقلي من قبل هههه صح الغربة صعيبة بسومة بصح أنت عندك بنوتك الله يبارك كون راكي ديري معاها تعلميها ديريلها المولد ديريلها الحنة ههههه على الأقل تحسي شوي أنا نقلك الصح نتوحش بزاف ومن بعد كي نروح لثم نتوحش داري تاع هنا سبحان الله كنت نقول مستحيل نقدر نعيش في الغربة ضك نروح مع راجلي و كي نوصل لثم نلعبلو براسو و نجيبو و ضك والفت هههههه لعياد انا نفوتهم في لبلاد هذا هو شرطي هههههه
المهم ربي يصبرنا و خلاص
حق بسومة راكي مدايرة صحابات و لا والو ؟

[basouma26]

المشاركة الأصلية كتبت بواسطة سهام فرنسا

السلام عليكم و صباح الخير عليكم
بسومة عندك الحق هنا ماتحسي بحتى موسم أنا لمزية ماما راهي تقلي من قبل هههه صح الغربة صعيبة بسومة بصح أنت عندك بنوتك الله يبارك كون راكي ديري معاها تعلميها ديريلها المولد ديريلها الحنة ههههه على الأقل تحسي شوي أنا نقلك الصح نتوحش بزاف ومن بعد كي نروح لثم نتوحش داري تاع هنا سبحان الله كنت نقول مستحيل نقدر نعيش في الغربة ضك نروح مع راجلي و كي نوصل لثم نلعبلو براسو و نجيبو و ضك والفت هههههه لعياد انا نفوتهم في لبلاد هذا هو شرطي هههههه
المهم ربي يصبرنا و خلاص
حق بسومة راكي مدايرة صحابات و لا والو ؟

صباح النور سهام هداك هو اللي غاضني مادرتش لبنتي الحنة و ما لبستهاش روبة جديدة و شريتلها الحلوة و الشمع احنا هاكا نديرو في البلاد نشعلو الشمع و نقوعدو نغنو و الله واحد لومبيونس

[basouma26]

[سهام فرنسا]

المشاركة الأصلية كتبت بواسطة basouma26

صباح النور سهام هداك هو اللي غاضني مادرتش لبنتي الحنة و ما لبستهاش روبة جديدة و شريتلها الحلوة و الشمع احنا هاكا نديرو في البلاد نشعلو الشمع و نقوعدو نغنو و الله واحد لومبيونس

إيه حتى حنا هكذاك نديرو جيت نشعل الشمع ماحبش راجلي قلي حرام بدعة في عهد الرسول ماكانوش يشعلو الشمع حبست
بصح وش ديري حنونة أصبري ضك تبدا تكبر ينتك و جيبيلها خوها وتولي ديري لومبيونس تاع الصح إن شاء الله يارب

[basouma26]

اللهم انك اعطيتني خير احباب في الدنيا دون ان اسألك فلا تحرمني من صحبتهم في الجنة ، اللهم اسعدهم وفرج همهم وحقق لهم مايتمنوا واجعل الجنة مقرا لهم اللهم لاترد دعواتي لهم فإني أحبهم فيك.

اللهم اجعل أول هذا اليوم صلاحا وأوسطه فلاحا ، وآخره نجاحا ، ونسألك خير الدنيا والآخرة يا أرحم الراحمين.

ربي بشرنـــا بما ( يسرنـــا ) .

وكف عنـــا ما ( يضرنـــا ) .

وثبـــت ( يقينـــنا ) .

وارزقنا حـــلالاً ( يكفينـــا ) ..

وأبعد عنـــا كـــل شئ ( يؤذينـــا)


الــلــهــم يــا عــمــاد مــن لا عــمــاد لــه و يــا ذخــر مــن لا ذخــر لــه و يــا ســنــد مــن لا ســنــد لــه
و يــا حــرز الــضــعــفــاء و يــا كــنــز الــفــقــراء و يــا ســمــيــع الــدعــاء و يــا عــظــيــم الــرجــاء
اغــفــر لــنــا و ارحــمــنــا و اعــف عــنّــا يــا أرحــم الــرحــمــيــن.

اللهم فرج كربتهم و حقق لهم ما يتمنون برحمتك يا ارحم الراحمين اللهم كل واحدة باسمها
امومة *ام انس *اميرة* غربة الايام *وصال *نور اليقين *سماسم* لمياء الزينة *اترج *ام بلقاسم *خولة *ميمي
*مريم 13 *مريم بسملة* بسومة*الما * جميلة *سهام *امة الرحمان *نور الهدى *صبورة*ريحانة *عبير *جومانة *باربي*هادية*منيرة*اسماء*
يا رحيم يا رحيم يا رحيم اللهم لا ترد دعائي اللهم آمين يا رب

[basouma26]

[basouma26]

المشاركة الأصلية كتبت بواسطة سهام فرنسا

إيه حتى حنا هكذاك نديرو جيت نشعل الشمع ماحبش راجلي قلي حرام بدعة في عهد الرسول ماكانوش يشعلو الشمع حبست
بصح وش ديري حنونة أصبري ضك تبدا تكبر ينتك و جيبيلها خوها وتولي ديري لومبيونس تاع الصح إن شاء الله يارب

ههههههههههه صح يقولو بدعة بصح احنا نبغو نفرحو الصغار و نفرحو بمولد النبي صلى الله عليه و سلم و هدا ما كان