ألذوأطيب الطبخات السورية

[زهرة الحب]

طريقة اليبرق مع القرع والباذنجان
المقادير:
ورق العنب
باذنجان
قرع
فصوص توم 10
شرحات لحم خروف
ماء
عصير ليمون
ملح
الحشوة
رز قصير حسب كمية ورق العنب باذنجان والقرع اللي عندك ياه وحسب اشخاص
مثلا كيلو ونص رز
لحمة ناعمة نص كيلو
دهنة ناعمة ربع كيلو
معلقة ملح وفلفل اسود
الطريقة الحشوة:
نغسل الرز عدة مرات ونصفيه من ماء نضيف الملح والفلفل اسود ولحمة مفرومة ناعمة ودهنة ونخلطهن جيدا ونبدأ بلف اليبرق
متل الصورة دورت كتير حتى لاقيتها



ثم نحشي الباذنجان والقرع من نفس الحشو
نضع الشرحات بقاع الطنجرة ونطبق اليبرق ونرصه جيدا ونضع القرع والباذنجان فوق اليبرق
ثم نضع فصوص التوم
ونضع تقلة محشي عبارة عن قطعة مصنوعة من الفخار


أو إذا ماعندك منها بإمكانك إضافة أي شي ثقيل بس يكون ثقله معقول حتى مايتفسخ المحاشي من الثقل
ثم غمريه بالماء وضيفي عصير ليمون وملح وغطيه وتركيه على نار عالية حتى يبدا بغليان بس غلى وطي النار حتى مايطلع الرز لبرا وتركيه على نارهادئة ودوقي حمضه وملحه بس يستوي اطفي النار وصفي من المرق وانقضيه على صحن وصحة والف هنا ان شاء الله تكون عجبتكن
ملاحظة أذا كان عندك طنجرة ضغط مافي داعي تحزمي اليبرق بالخيط
أما إذا كان ماعندك يجب حزمه بس مراعاة عدم الشد حتى مايفرطوا

[وردة سورية]

طريقة حلوة لصينية بطاطس
المقادير :




بطاطس مسلوق على حسب حجم الصينيه




بعد ماتسلقين البطاطا تهرسينه وتخلطين معاه ملعقتين جبن سايل وملح




بعدين نجيب الصينيه نلبسها بتغليف نايلون ونحط عليها البطاطس المهروس بها الشكل



بعدين نحط الحشوه اللي بدنا إياها انا هون حطيت دجاج مع الخضار بهالشكل


ونغطيها برضو بطبقه من البطاطا


ونقلبها بصينيه الفرن وندهنها من فوق بزيت زيتوون


ونحمرها بالفرررن وهذه النتيجه النهائيه

[زهرة الحب]

[وردة سورية]

لك شو هاد يا زهرة يخرب بيت ابليس
والله حاس حالي الي زمان مو ماكلة
يسلم دياتك

[Babysugar]

عن جد ماشالله عليكن .. تسلم الايادي يااحلى مبدعاااااات ...

[زهرة الحب]

وردة تفضلي السفرة سفرتك لاتخجلي ياعمري
بيبي سكر شكرا حبيبة البي هاد من ذوقك ولطفك

[زهرة الحب]

وردة حبيت فكرة البطاطا كتير جاري التطبيق عن قريب تسلم هاأنامل الحلوة

[وردة سورية]

الملــــــــــــــــــــــفوف


جبتلكم اكلة الملفوف بعض الناس لا يعرفوها بهالاسم ناس تسميها كرنب وناس تسميها اليخنة ونخنا نسميها الملفوف خخخخ



يخنة او كرنب او( ملفوف ) متوسطة
2 و نصف كوب كبير ارز قصير

نصف كوب زيت ذرة

نصف ملعقة صغيرة بهارات
ملعقتين نعنع يابس
ربع ملعقة صغيرة فلفل

ربع ملعقة بابريكا (فلفل حلو)

2 ملعقة صغيرة ملح

2 مكعب مرقة ماجي

4 حبات طماطم
راس ثوم او حسب رغبتك
لحم ناعم
التحضير:
اولا تنقعي الرز لمدة نص ساعة ثم تضعي عليها المكونات البهارات والملح والثوم المدقوق والبندورة المقطعة ناعما واللحمة وتذوبي الماجي بالزيت وتخلطيهم مع بعض

ثانيا يسلق ورق الملفوف بعد فصله (سلق خفيف وليس قوى )
هذا شكله بعد السلق

توضع الحشوة على طرف الورقة


تلفي الورقة على الحشوة

ترصي الاوراق في الطنجرة توضعي عليهم ملح وتذوبي مكعب ماجي في المي عشان تعطي طعمة طيبة للمرقة وتعصري الليمون انتبهي تحطي شرحات الليمون مع الملفوف لانه راح يصير مر
ثم تغطيها وتضعي عليها ثقل ثم تغمرينها بالمي

وهذا شكلها بعد الاستواء


وصحتين وعافية

[وردة سورية]

بنااااااااااااااااااااااااااات سوريا مين مشتاقة لهل الاكلة

لك دخيل هالاكلة ما اطيبها
المكدووووووووووووووووووووووووووووووس وبس

[عسل بغداد]

موبنات سوريا وبس حتى نحنا بنحبا ومشتاقيلا يسلم ايديكم على هالاكلات